بينت له بعض الغلا...
بين انفعالات الحزن والكتابه
شكلت نفسي: روح وإحساس وإلسان
من شان لا ضاق الصدر بالكآبه
القى لجروحي طب ما احتاج لـ انسان
ربيت قلبي ع الصبر من شبابه
وعودت عيني ع السهر/ مو للاحزان...!
اخاف طيف الزين شوقه سرابه
ويفوتني شوفه ثم ابات ندمان
لنه غذاء الروح سحر ومهابه
ولنّه تفاصيل الغلا بكل الالوان
لنه سمي الخير وبل السحابه
خل تفداه العرب طول الازمان
بينت له بعض الغلا واكتفابه
وبين لي ان يعيشني حالة ادمان
ماكنت هاقي البعد قاسي عذابه
الين ودعني وداعية اخوان
اقفى وانا عيني ضمت عند بابه
قريب وكنه بيننا حدود واوطان
الشوق ضيّع وجته وسط غابه
والفرح غاب بغيبته ما بعد بان
لكن على الله بالحلوم انتشابه
واغوص بعماقه،، ثم اموت غرقان
مما راق لي .
لعبدالرحمن الحبلاني.
