% الدين النصيحه بس شلون ننصح ؟ %
يوم انا بالابتدائي
وعلى اول بداية مواهبي اللي بدت تندثر
كنت اي شي اشوفه اسوي مثله
يعني اذا شفت محاضره دينيه تشوفن مطوع
واذا شفت مباراة تلقاني حريف زماني يعني الهريفي على غفله
وزي كذا
مرتن من المرات بالمدرسه جانا شيخ ينصح ويعلم ويرشد
وكان يتكلم عن التدخين والاغاني
وحنا كنا صغار ما نحب هالسوالف
والقلوب نظيفه نتقبل اي نصيحه ونصدق اي شي
المهم اني عرفت حاجتين
الدخان مهو حلو
والاغاني كلبااات ملعونااات :)
واحسب اي احد اقوله الدخان مهو زين يطش الزقاره ويترك الدخان مثل ما اقتنعت انا
وبيوم من الايام
كان حدا عمامي عندوه غنم
وكان عندوه راعي
بس راعيه هذا هرب
مسكين
متخرج من الكليه بالهند
وجاي هنا الرجال طموووح يبي يبني مستقبلوه
ما يدري ان عمي ابو شوارب يبي يهدم بيتوه :)
جايبوه عمي على اساس انوه كهربائي
وغدر بوه
من المطار ارتسبوه الددسن المظلله ما يشوف شي
ولا دري الا وهو عند الغنم
وهرب المسكين
الوكاد عمي جا وقالي يا شبيثان تعال ابيك تروح معي للغنم تعاونن
قلت طيب يا عمي
واروح معوه
وكنت انا ادور اي سربوت ابي انصحوه
ولا عمي مشغل ربابه بالمسجل
وانا اطلع الشريط واقطوه مع الدريشه
وهو يسفط عمي بجنب الخط
قال شفيك
قلت عمي ترا الاغاني حرام وانت داشر :)
قال بالله يا بعد حيي هالشدوق
اقول انزل رح جب الشريط
وتسانوه منكسر اهرب لاهلك ترن ابدعسك
واشوا لقتوه ما انكسر :315r:
ونكمل يم الغنم
وننزل
وهو يروح عمي يحط علف للغنم ومدري وش يسوي
وانا افتح باب السياره
اووووف
وش هذا ؟ :a:
مصيبه
كرز ( كرتون ) دخان كااااااااااااامل
وانا افتحوه واقوم اكسروه
زقاره زقاره :)
واروح اكمل شغل مع عمي
ولا كأني مسوي شي
وراح عمي يم السياره
شوي واسمعوه يقول اويلييييييي
شبيثااااااااااااااااااااااااااااااااااان
قلت هلا عمي
قال تعااال
وانا اجيه
قال منهو اللي مكسر الدخان
قلت انا عمي
قال ما شاء الله عليك
وليش كسرتوه يابعد زولي
قلت عمي الدخان حرام وما يشربوه الا الداشر
قال يعني انا داشر
قلت ايه عمي انت داشر تسلاب :)
قال اخووو فلااانه
وهو يزمن فوووق
ويحط راسي بحنفية الماء :a:
واقوم ارااافس
ابيه يطلعن
وجهي قلب ازرق
وانا ارفسوه بالوجه ابيه يتركن :)
وهو يخليني
وانا اسقط بوسط الحنفيه
وارافس
ابي اطلع
وهو جالس برا
عااادي
ولا كأن بناخيه يغرق يغرق يغرق تحت الماااء :wallah_hoo:
لين انصفرت بالماء
وهو يربط سيم بكراعي
ويسحبن
ويالله احيا :)
ومن عقبه
ما يولع لوه الزقاره الا انا :315r:
وش اعمل ابي السلامه
حتى الغنم يطلبنوه
اطلعووووه يا شين ماااات خلووووووه يولي هذا مكروووه
ذالاتن على ماهن مهو علي :)
وش اسوي
ابي انصح وليتن سالمن من هالنصيحه
صحيح
النصيحه بأسلوب
وتقلدوا تحيتي
