% كلنا بالهوى سوا يا اخ العرب %
تشره علي اخون لي يقول ليه ما عمرك كتبت عني
قلت وش اكتب بالله
من زين علومك انت
لا يكون تحسبن ناسي تاريخك الطيب والحافل بكل ما هو مثير للجدل
الظاهر انوه يحسبن شاعر يبيني اقصد بوه :)
بس هو اللي جابه على روحوه
مرتن من المرات كنا مسيرين على جدتن لي الله يرحمه مع خالي
حنا يالوغدان حاطيننا بحوض الددسن او صندوق الددسن
فارشين لنا فراش علشان ننام بوه
وحنا راجعين من عند جدتي
كنا نيمين حنا على فراشنا بالصندوق
واخوي الفاهي هذا معنا
ويوقف خالي عن الاشاره
طبعا اشتغلت الفهاوي
اخوي يحسبنا وصلنا
وهو ينزل من السياره ويمشي بالشارع :)
زين ان خالدي شافوه وهو ينزل بالمراايه :)
ويمسكوه ويمحطوه كم محطه ويرتسبوه :)
ومرتن من المرات كان ابوي مداوم
وجارنا سبيعي الله يجزاوه خير جاء وطق الباب
يدري ان ابوي مداوم ولا يجي الا بكرى
ونفتح لوه انا واخواني اثنين
واحد منهم راع الفهاوه
قال جارنا
تبون شي ناقص عليكم شي
قال اخوي الفاهي
ايه نبي كرتون موز :)
الله يفشلك فشلتنا
ونقوم نكمخوه الخسيس فشلنا
ومرتن من المرات كنا عند شبك معزا ابوي
وكان ابوي يبي يعلموه على السواقه
قال فلااان رجع السياره شوي عند باب الشبك ابي انزل علف
وباب الشبك كبير
وهو يرجع
ويرجع
وابوي واقف عند باب الشبك
ويصيح عليه
ارجععع
وينفخ عليه
الاخ الفاهي ارتبك
وهو يدعسسسس
ويخش بالشبك
ويعصر وحده من المعزا علي الشبك ليما طلعن جنوبه من الجهه الثانيه :)
عاد هذا بعض تاريخوه
مدري وش يبيني امدحوه بوه :)
وتقلدوا تحيتي
