احبسسس
هذي تعني احبك
اول ما نطيح بالحب والعشق نموووت اذا ما قلنا احبسسسس
كلمه ذات معاني ودلائل
مليااانه دلاخه وفهاوه :)
يوم كان عمري حوالي 11 او 12 سنه
كانت الوالده مرقد بالمستشفى
وكنا نروح مع ابوي نبي نزوره
كانوا يمنعون اشكالنا تدخل للمستشفى
مهو لاننا صغيرين
لاننا خطر على المرضى :)
الواحد يجي اقذر منوه مافيه
واذا بغا يسيرون اهلوه ولا شي رشوا عليه كلونيا ورتسب معهم
يعني اسكت هالحين ولدنا نظيف :315r:
دخل ابوي يزور
وخلانا بالسياره
وكان فيه واحد موقف بجنبنا نفس الحكايه
دخل يزور وترك عيالوه بالسياره
وكان بالسياره بنيتوه صغيره عمره حوالي 10
يعني حولي :)كانت لابستن ثوب او قميص او مدري وشو
ولونوه ( برتقالي )
شعره طويل
اول ما شفته حسيت جاني هبوط بالضغط
اوجعني ارحااامي
اثريه كذا العشق :315r:
وانا اروح كشنه معه
ابي اتعرف عليه << طموح الاخ من صغروه :)
وتخبرون الواحد على اولوه بالدراسه
وساقط كم سنه :)
يعني يالله يفك الخط على قولتهم
وانا اخذ ورقه
وبقلم رصاص << يا شيخ لو بدمي هذا عشق مهو لعب :)
وابعد عن اخواني الملاقيف
واقوم اكتب
مفاد الرساله
( ام ثووب برتقالي احبس كل قوتي :) ام ثوب برتقالي وين بيتكم :) << خاش بقوه )
وامسك الورقه
مدري وش اسوي به
وانا اعفطه واقطه بالشارع
واذا راعت لي امد لساني تحت ابيه تشوف الرساله
وهي تمد لسانه لي وتكشكش علي تحسبن ابي الشر
ما تدري ان قصدي شريف :)
الوكاد جاء ابوي وانا ما ودي يجي
ودي يخلونوه يرافق مع امي :)
ونمشي
وانا اصير بأخر السياره << تقل سلوقي بحوض ددسن :)
هنا عاد بداء تأثير كلوريد الصوديم بقلبي
قمت بس اتنهد
آآآآآآآه آآآآآآآه
وجهي قلب برتقالي
يوم جاء الليل ونبي ننام
اخواني كلهم نيمين
وانا اراعي لهم
الحظيظ اللي ما يعرفكم
وين الله جابن بوسطكم
واحد حاطن رجلوه على وجه الثاني ونيم
والاخر متوسد بطن اخوه ولوه شخير
والكبير اللي نقول مسنعهم سبلتوه تدرج
وانا جالس اعاني
وبس اتخيله
شوي احس اخوي اللي نيم بجنبي هي
اشوف ثوبوه قلب برتقالي
واستاااانس
واضمه كل قوتي
ويوم اركز الا هو خامن وكاشر وهو نيم حاس بالحنان الخبيل :)
واقوم ابي افارقهم
وادخل على اوبوي بغرفتوه
والقاوه نيم ومشغل الموسيقى :)
واجلس اراعيلوه
وهو يفتح عينوه يراعيلي
شبيثااان
وش عندك
وانا اتنهد آآآآآآآآه
وامشي من عندوه
وهو يلحقن
تعااال وش بلاك بسم الله عليك
قلت يبه ابي المستشفى
وهو يلقطن وطيراااان لمستوصف خاص << يدور القرب :)
قال حول
قلت لا يبه مابي هذا ابي اللي بوه امي
وطيرااان لوه
وانا انزل واقوم اراعي بالمواقف
ولا مافيه احد
واقوم اتلفت
وادور
منا منا
راااحت ام ثوووووب برتقااالي
وابوي ضربتوه البوهه يراعيلي
ما يدري وش بلاي
وانا اراعي ولا فيه ورقه بجتب الرصيف
واررركض يمه
قلت اكيد هذي منه
وانا افتحه :a:
مكتوب به
( ام ثوب برتقالي احبسس كل قوتي ... الخ ) رسالة الولد :)
وهو يجي ابوي
وياخذ الورقه
ويقراه
ويراعيلي
قال شبيثااااااان
قلت آآآه لبيه يا يبه
قال تسنوه خطك هذا
وانا ارتبك
قلت هاااه لا يبه
قال الا والله يالسلوقي
هالحين مطلعنا من الفجوور وتاليته سوالف وخرابيط يالسمرمدي
ويسحب العقال
واخش المستشفى طيران علشان من قريب يرقدوني :)
وتقلدوا تحيتي
