نايف صقر ... بعد أن تولع في مضاوي ... عشق ريم ... وترك غادة !!
.
.
.
دلع نوف وحكي هند وترف ريم ورجاء غاده
تجمع في مضاوي يا الله التوفيق والخيره
انا ليش احتمل نشده وكل الناس نشاده
قسى ما عاد ياوي وابعد الديره عن الديره
شبيه المهرة اللي مهرها سيفين وقلاده
كوى قلبي مكاوي لين ضاقت بي معاذيره
ذبحني في عناده وان جزيته عند بعناده
تضيع به الهقاوي لعنبو شره على خيره
نفعني / ضرني وآلا خفوق الطيب ما فاده
وانا كلي بلاوي يا جروح الشوق والغيره
انا ناديت ما مليت ناده يالفرح ناده
ترى مانيب قاوي موت حلمي ياتفاسيره
آلا ياطيب قلبي والربوع رجال نقاده
تقول اني خلاوي هاك وجهي من تعابيره
وأنا لي قلب وضلوع على الرجفات معتاده
حرام انك تساوي فيه يا حلو اللمى غيره
نسى نوف ونسى هند وعشق ريم وترك غاده
وش انتي يا مضاوي يالله التوفيق والخيره
