عرض للطباعة
- http://img237.imageshack.us/img237/5779/ywgc27bdv8.gif
- طفولتنا
- حملت لنا من المواقف الشئ الكثير والذكريات يمكن فرح ويمكن حزن
- ولكن ذكرياتنا هي من اجمل المواقف .....***.....
- كل عضو او عضوة يدخل يسجل ايام طفولته ويسترجع ذكرياته لنا !!
- وماالمواقف التي تعرض لها سواء محرجة او مضحكة او محزنة؟؟!!
- نبي تفاعل كبير :148r:
- وكل عضو يدخل يختار بعده عضووو اخر !!!!!!!
- *********************************
.
خنقتني العبره الله يسامحج :(
أيام الطفوله من أجمل المراحل ضحك - مرح - بساطه - عفويه
كان كل همنا ننام بدري عشان المدرسه عقب نفكر وين نروح ونقضي وقتنا
كانت تجمعنا الرسوم المتحركه وقطعة حلوى
من المواقف المحزنه وقتها اذكر لما انتقلنا من منطقه لمنطقه آخرى
تغيرت الظروف والجيران الي كنا نقضي معاهم اكثر مما نقضيه مع اهلنا خصوصاً أنا :)
اممم كنت وقتها الكبيره عنيده ودلوعه
اذكر من المواقف كنت عند الجيران وكانوا بيطلعون مشوار
هم ذوق وانا ناشبه لهم :)
قالوا بنطلع لناس قرايبهم قلت معكم < قاطه :315r:
قالوا شلون ومالون اهلج وماعرف شنو قلت ماعلي اول من ركب انا بسياره قالوا اوك بس روحي خبري اهلج قلت ماني تمشون وتخلوني :(
الله يذكرهم بالخير قال ابوهم لا ابدن بس روحي :d:
من خوفي يروحون طلعت مع الباب ورجعت يعني ما مداني اروح واخبر الاهل:a:
رجعت قلت خبرتهم طلعنا و رجعت معاهم ع الفجر كان خميس وقتها وزواره يعني فري :)
رجعت البيت اخذت طراقات محترمه من الوالده الله يحفظها تالي حرمت اطب بيتهم :(
الله أيام حلووه سقى الله عليها
ليتنا ما كبرنا بس :(
شكراً إيثار لإسترجاع أجمل المراحل roooose
أختار لولي
تذكر ايام النذاله مع خوياه
الطفوله شي عظيم بالحياه ...طفوله البراءه طفوله تصنع الرجال
رجعتينا الى خمس وعشرين سنه للخلف
طبعا لا يختلف ان لكل طفل مراحل في حياته عاشها من فرح وحزن
اتذكر اصدقائي منهم من رح من هذه الدنيا غفر الله له ومنهم من فرقت بيننا الدنيا من اختلاف الوظايف بالمناطق الاخرى
لكن بعضهم مازلنا مستمرين معهم
ايام القراده والهوشات هي اغلب طفولتي والحين عقلنا :)
مره من المرات ذكرن اخوي الشبث في موضوعه الاختراع بالفله ...كنت جالس بغرفتي يعنني عندي غرفه الله يعين امهاتنا ورانا ينظمن ويغسلن يملا الجنه
كان عندنا تلفزيون احيانا يطلع قنوات واحيانا يكتم :)
خذيتوه للغرفه كنت ناوي اصلحه وانا من جنبه انذاك واقوم احوس الاسلات واربطهم مع بعظهن المهم حستوه حوس
واركب الفيش بخط 220 نسيت انه 110 يوم شغلته وهو يقبس لمار انا تسرعاني فوق وراسي تحت ودماني لين ركبي
واقوم ابتسي واصيح ابتسي واصيح ولحد جاني
على دخلت ابوي وهو يفزع الله يحفظه ويحفظ والديكم وهو يشوفن شوفه الشر والشرير وهو يغولن وقال وليه ماتطيع الحتسي يملا المرض انت وشدوقك
تسنهن شده فجل
وهو يمردغن لين عفت الحياه قلت يبوه تكفى اتركن ......بهم رحمه رغم التكفيخ لنا يوم اننا صغار
ومره فزعت يعله ماعادت الفزعه ..
قمت انفخ على واحد خال مردغ واحد قدامي المهم انحاش اللي فزعتلوه تخبرون لازم تطلع نفسك قوي ..
يالربع تسيف اني تمنيت اني ماانولدت يالربع فوق مامردغن ذبحتن ريحته تصدقون
اخرته اسلم عليه هههههههه
والطفوله كثيره بااحداثها
العفوو هند
فعلا ايام الطفولة ايام جميلة في حياة الانسان
ولاننسى حنينا لها
ياهلا بك هند نورتيroooose
ابو ضاري
صح كلامك الطفوله متعددة الاحداث
الف شكر لكroooose
:3abrah:
الله عليك ايثار
رجعتينا ايام الطفوله والكسايف
لي نكسه ان شاء الله اذا احد اختارن
ايييييييه يا ايام الطفوله
<< منزل راسه
ايام الطفوله كله مشاكل وقرف ومصايب
اذكر مره اعطاني ابوي ريال
وانا اروح للبقاله ابي اشتري
وادور
وادور
وادور
مدري وش اشتري
عاد قلت ما يبيلها
وانا اشتري علوك
الريال فيه اربعه
والاول
والثاني
والثالث
والرابع
صار افمي كله علك
تقل علك خبله
واقوم اتمطق
ويوم جاء الليل وقربت النومه
تحسبوني نزلت العلك
لااااا
لاني خفت اخواني ياخذونه:315r:
نمت والعلك بأفمي
يوم قمت
ولا العلك طايح من افمي << تخبرون وراثه فينا اذا نام الواحد فتح حلقه
ولاصق بشعري
تعااال عاد دبر
وتجي امي وتجيب المقص
وتنتف الجزء الخلفي كله
تحسبون اهلي ودوني لحلاق وضبطوا شكلي ولا على الاقل الوالده قصتوه كلوه
لاااا
ولا كأن شي صار
قمت اتمشى عند العيال كأني بربري
نص فيه شعر ونص لا
وعااادي
ليما نبت الشعر
هذا موقف من الاف المواقف اللي حصلت
وتقلدوا تحيتي
هلا راع الجمرية
تشكر لمرورك يشرفني وربي
الشبث
نبي تسرد لنا كيف كانت طفولتك مع المواقف
يلا من جديد ادخل وغرد نبي كل شي :d:
امااا عاااد اغرد
ليه بلبل ؟
اذكر ابوي يقولي انت تقل نسر :)
بعدين شفيتس انتي مركزه على طفولتي السوداء خخخخخخخخخخ
ياستي
الطفوله شي طيب وجميل
يكفي اننا نقول ان الطفل لا يحمل اي هموم
ممكن اكبر همومه لعبته
فهذا كان وضعي
كنت طالع بالشوارع خمسه وعشرين ساعه باليوم :)
وكان فيه نقطة تحول جذريه بحياتي
وهي دخولي للمدرسه
اوووف على هذاك اليوم
قسم بالله ما نسيته
كان فيه اخوي الكبير يدرس
وسجلني ابوي بالمدرسه
واول يوم راح معي
يوم وصلنا للباب شفت منظر غريب
اطفااال بالهبل
استغربت
ابوي تغافلني وهرب طلع من المدرسه
يعني كذا بدون اي تفاهم واي تصريفه
تركني اواجه مصيري المحتوووم ههههههههه
انا التفت وراي ولا مافيه لا ابوي ولا شي
وانا اصيح
وااااااااااااااااااااااااااااااااااااااا اااااااااااااااع
واصج المدرسه كله
كنت اتخيل ان ابوي باعني لهم خخخخخخخخخخخخ
واللي زود الطين بله كان فيه طفل
بس مهو طفل
اسمراااني
الا اسوداااني
ودب
واقف قدامي ويراعيلي بكل براءه << مع ان مافيه ذرة براءه
انا شفتوه وانا انصرع من الخوف
احسبوه اللي ياكل الوغدان خخخخخخخخخخ
واشوى
كان فيه واحد من الجماعه ( الله يرحمه ) ويهديني ويعطيني فلوووس يبيني بس اسكت
<< شكله يقول سود وجيه الجماعه هالشبث هههههههههه
واول سنه بالملعنه نجحت
والسنه الثانيه سقطت هههههههههههه
كنت مهمل ولا احب الدراسه
وكل يوم المدرس يجلدني
عاد خلقه مهو هاضم شكلي فأنواع الجلد
وتغير مساري الدراسي بعد ما سقطت بثاني ابتدائي
لاني انقهرت من تعامل اللي حولي معي
البزران كلهم ناجحين الا انا
كلهم عندهم هدايا الا انا
حتى ابوي
قالي ودي اشري لك سيكل بس ما تستاهل ههههههههه
طقها بوجهي صريحه ههههههههههه
السنه الثانيه جبت الاول
ومن بعدها وانا دافور ههههههههه
بس التصرفات الخارجيه برا المدرسه ما تركتها
كل يوم جايب لاهلي مشكله
خصوصا طلعات الظهر هذي
اذكر مره كنت العب الظهر حوالي الساعه 1 الظهر
يعني بعز الحر
العب مع واحد من عيال جيراننا
كنت غاااافل
ويا غافل لك الله
الولد كان يبي يروح لاهله
فقال لنفسه ليش ما اشوت الشبث وهو غافل
هههههههههههه
وهو يشوتني شوته
حسيت ارحامي ارتفعن خخخخخخخخخخخخ
وانا اعصب
والحقه
ويهرب الحقير
ويدخل ببيت اهله
وادخل وراااه امشي الفين
كانت اموه شايله صحن الغداء رايحه للمطبخ
مر ولدها من عندها يمشي مليون
ويوم مريت من عنده انا وتصفقني بالصحن ههههههههههههه ( الله يذكرها بالخير )
وتجيني ام العبيد
وادخل مطبخهم
واخذ السكاكين
وهجووووووووووووم على اهل البيت كلهم
امهم والولد واخوانهم واخواتهم واقفين قدام الباب ويرجموني بالنعووول
وانا بالسكاكين والملاعق
شوي ويجي ابوهم
قال خلوووووووووووووه
ويدخل علي
وانوااااع التمحط بالعقال ههههههههههههه
الله يذكرهم جميع بالخير
واستمريت على هالحاله
حتى يوم كبرت ما خليت من الشطانه هههههههههههههه
بس
ابوي علمني شي واحد ولليوم ما تركته
احترم اللي اكبر مني مهما كانت قبيلته او جنسيته او شكله او دينه ولا احط عيني بعينه
فالله يعفو عن غلطاتنا بجهلنا وبدونه
والله يذكر جميع من اخطيت عليه بالخير ايام الشطانه << يعني هالحين ما تخطي يالعتوي
هذي بشكل مختصر اختي ايثار
ونترك الباقين يورونا شطانتهم هههههههههه
وتقلدي تحيتي
الله عليك يالشبث استمتعت وانا اقرا
يعني كنت شقي وفي نفس الوقت برئ وعفوي
وبعيد عن التكلف في التصرف
رااااااااااائع حديثك عن طفولتك رسمت لي بسمة :d:
وسرد شيق
الله يجزاك خير
دمت متميز roooose
يالربع انا طفولتي غير
كنت انام بدري ولا احب السهر
هذا ليا سهرت اكالليله نمت عقب اخبار التاسعه والنصف
الوكاد اني كيوت من صغري وانام بسريري الخاص وعلي الناموسيه
يالربع وش تبون اقولكم طفوله
حنا بالسعوديه الله والعالم مابه احد عاش طفولته صحيح
بس تدرون
هذا ليلتن من الليالي توخرنا عن البيت انا واخوي اللي اكبر من بسنه وشوين
قاعدينن عند جيرانن لنا ماهم بعيدينن عن بيتنا
بس اهلنا مايدرون عنا
العلم انه يوم فطنا ياهذا اخونا التسبير
على قولة الرجال تسبير العيله
جاينا ومطيرن عيونه علينا
حنا قاعدينن بالشارع
يمار هذاك هو يوم اقبل علينا
وحنا لك نتناطق اانا واخوي على السياكل
اخوي اللي معي قال تعال نبي مع طريق ثاني
قلت لا انا ابي اعقبه طايرن من عنده
واثق انه مايمديه يمسكن
الوكاد وانا لك ادعس الدواسات حما حيلي
الله والعالم اني كنت امشي 280 دعسه بالثانيه
من قرادتي ويسلطه الله على دركسون السيكل وهو يمسكه
يانا لك بين السما والارض اسبح وابترم عكس عقارب الساعه
وابنط الله يعزكم بدرام الزباله الكبير
و اقع على الارض احس اني جاين من زحل على رجليي
يوم التفت والا تسبير العيله يوم حانن يبي يلزخن
وانا لك ابي اهرب يمار مقدر آقف من حدى رجليي
وابي الهربه الحين
واقوم لك انوقز على رجل وحده تسني كنغر
ومن نذالته هالاخو
يقرب مني ويمحطن بالعصا اللي معه
ومن حرته اقوم انوقز بساع اغدينن اصل البيت
يما اتعب
وعقبين يمحطن وهذا انا ياما وصلت
اتمنى اني ماطولت عليكم
هع
يعطيك العافيــه إيثـآر
الطفوله آحـلى ايام العمـر اكيد..
كنت هـآديه مرا واسمع كلام ماما :d:
دآيمـآ بالبيت مااطلع الشارع..كانت امي تخاف علينا كثير
نجلس بالبيت والعابنا بالبيت ..مراا حتى الحوش مانطلع الا قليل
امي خواافه كثير من المطر والحشرات والحيوانات ..والظاهر انتقلت لي العدوى هع
اذكر اول يوم دراسه كان حلوو ^_^
صحيت بدرري واتجهزت.. وطلع للمدرسه مع اخواتي..
آبدآ مابكيت :)
جلست آكل حلاوه والعب مع ابلاتي :315r:
الله يذكرهم بالخير مدرسآتي كانوو مراا حبوبآت
يسلمووو ايثــآر موضوع مميز
احتـراامي لك
*
*
الطفولة اجمل مراحل العمر
نستعجلها بالرحيل ونحن لا نعرف قيمتها
طفولتى لا اذكر كثير منها
رغم ان والدتى تقول اننى كنت شقية كثير
لكن لا اذكر الا محاولاتى للعب فى الشارع
وامى تمنعنى باغلاق الباب بقفل
وادور من وراها وافتح واطلع
وموقف اخر فى المدرسة
كان فى حصة الرسم
وما كنت احب المعلمة ولا طريقة كلامها
واول ما تدور لنا ظهرها وتكتب شئ او ترسم على السبورة
الا انا اسوى حركات من وراها واطلع لسانى لها
والبنات يضحكون
وتدور الا اسكت وما تشوف شئ
واعيدها ثانى الا مسكتنى ولسانى برا
واسوى حالى اكح
كحكحكح
وتسالنى تطلعى لسانك لمين اقول اكح والبنات يضحكوا
طبعا ما اقتنعت لكن ما كان فى يدها دليل :)
و بصعوبة فلت منها
طبعا هذه الحكاية كانت من النوادر لانى كنت منتظمة وملتزمة بدراستى
واسمع الكلام
<<مؤدبة :)
ايثار
شكرا للموضوع الحلو
هنووو
شكرا لاختيارى
واختار
ابو فارس
اشوفه ساكت
خليه يجى يحكى لنا عن طفولته
تحياتى
*
*
ياالله عليك ياايثاااار...
شلون رجعتينا للماضي..!
وشو نتذكر وشو نخلي ..
الطفوله آحـلى ايام العمـر اكيد..
وطفولتي كانت هاااااادية ومؤدبة
وكنت أشطر واحد بالصف دائما ، وكنا هذاك الوقت مو زي هالحين !!
كنا نخاف من المدرسين أشد من خوفنا من الأهل
لدرجة انه اذا رحنا نلعب العصر ـ ناخذ معنا كتب.. علشان لو شفنا مدرس نقعد كأننا نذاكر
اذكر بعد ماكنت بالمتوسط ، وقعت مع شلّة "الله لايوريك اياهم ـ مثل الشبث كذا" وكنا نهرّب من المدرسة
ومرة من المرات
وفي يوم حالك السواد
ومكفهر الجبين
صادنا مراقب المدرسة قاعدين في مطعم..
ههههههه
والله لايوريك اللي صار فينا هذاك اليوم !!
اسمع عن ايلول الأسود ..
بس ماأعتقد ان فيه سواد مثل اللي شافته عيني هذاك اليوم !
بس من يومها وانا ماشي على المسطرة
ومابي أطول عليكم..
علشان كل يوم أحكي لكم حكاية
مشكورة أختي ايثار لفتح هذا المتصفح ـ الذي اعتبره سجل للذكريات
وانتظريني بالمزيد الممتع
كل الشكر والأحترام لك،،،
اما طفولتي أنا ماشاءالله علي قمّـة الادب :)
أنا وأختي اللي اصغر مني { طريدتي } شيّبنا بحارتنا كله
وكانت معنا مجموعه من عوب الحارة نجتمع وأنواع الاجرام :)
وأذكر من مواقفنا الاجراميه هو عادة متواصلات عليها جميع حريم الحارة هي ان كل يوم
على وحدة منهن تسوي غدا وعشاء لجاره لهن ماله أحد { مقطوعة شجرة }
وكان من ضمن هالحريم هذولي لها بنت أديبه وحنا ميتين من الغيرة من مدح العجز له :)
وش سوينا حنا ..؟
أتفقنا على أن لاصار عليهم دور الغداء للعجوز المسكينه نطرح البنت وناخذ اللي معه وناكله ونقول لامهاتنا ان لولوة تاكل اللي
ترسله امه بــوه لام عزيّز >> تخريب سمعه :)
ونتوعد البنت بالغوله بالمدرسه اذا علمت علينا :)
وكانت العجوز تستحي لاتعلم ان جارتهم ام البنت ماترسل لها
بس الله رحوم بهالعجوز كشفنا عند الحريم ..
كانت البنت مريضه ذاك اليوم وراحت امه بداله وقالت شنوحتس ماترجعين المواعين مع لولوه :a:
قالت ماعمره جابت لي شين ؟
رجعت الام للبنت وعلمت علينا المسبوعه وذقنا انواع الضرب بالخيزران والنعول بكل مقاساتهن { الله يكرمكم }
ومن ذاك اليوم ماشفت الشارع واللعب بــوه ...
تروا مهي خرعة بس عقلت وتغطيت >> ايه هين
شكرآ ايثار والله يهداتس طلّعتي فضايحنا
لي عودة بجريمه أخرى
الله يايثار موضوعك مره روعه حنيت لأيامنا واحنا صغار
كانت ايام حلوه
http://vb.arabseyes.com/images/smili...20%2817%29.gif http://vb.arabseyes.com/images/smili...20%2817%29.gif http://vb.arabseyes.com/images/smili...20%2817%29.gif
لما كنت صغيره كنت مدلله نوعا ما ..
اذكر كنت ادخل ع الوالد الله يرحمه عند الرجال واجلس عنده..
وما كان يقولي شئ لاني دلوعته.
مره كنت عنده وقالي جيبي الرموت ركبت فوق مكتبة التلفزيون على شان اجيبه
وطاحت علي المكتبة كان موقف محرج ما انحسد عليه بين ضحك اللي في المجلس
وبين وجع راسي بس جت سليمه
في المدرسه كنت شطوره وهاديه بنفس الوقت ودايما احب اجلس اول وحده
وماكان لي مغامرات كثير..
بس ايام حلوه ياليت نرجع نعيشها
تسلمين ايثار
http://vb.arabseyes.com/images/smili...20%2817%29.gif http://vb.arabseyes.com/images/smili...20%2817%29.gif http://vb.arabseyes.com/images/smili...20%2817%29.gif
يسلمــووو حبيبتي إيثاار ع الموضووع الشيق
ونصف نجاح الموضووع هو أختياره وأنتي أبدعتي بذلك
اقتباس:
المشاركة الأصلية كتبت بواسطة الشبث
تشكراااات كبيرهـ إيثاار ع الموضووع الجمبل
والطفوله أكيد شئ حلووو والاحلى اننا لازلنا نتذكرهااا
وبصرااحه اعتبري مشاركة الشبث هذي عني :)
>>شوي والا امووت من الضحك :d:
ســ you ـــي
http://islamroses.com/zeenah_images/1137114121_3.gif
راع الجمرية
بسمة العز
لوليتا
صلفيق
شموخ شمالية
بعد ملي
عاشقة المرنقى
فعلا ذكريات الطفولة لاتنسى واكيد لاتنمحي من ذاكرتنا
واكيد بكل تقدير واحترام اشكركم من قلب ولكم مودتي roooose
ايثاار ..
لو قلتي ..
كبورتي ..بدل طفولتي ..كان سردت لك من السرد الزييييين
مير ماهنا طفوولة عندي ..كنت هادئة ومؤدبة وشاطره |||-- في حد عندة مانع ؟؟؟:)
بس نوع معين من الطفوولة ..اللي هو كم مرة اتكفخ وانا صغيرة بسبة اختي اللي اكبر مني ..
هي تتهاوش مع البنات ويجن يحطن حرتهن فيني ... اذا راحت فصلهاا ..
ماكنت احب اسووي شغب ..ولاازعاج كنت نظامية ..في البيت والمدرسة ..لين الثانووية ,,في المدرسة اذب نكتات تووسع صدور مدرساتناا ...ولايقوولن لي شيء
وااتسلط ع كل النااس ..كل من قالت لي كلمة ..اجيب لهم عكسهاا بسرررررررررررررعة او اعلق عليها...اذكر بغاا يجيهم شد عصبي باالاظافر ..مني ههههههههههه
مافي كلمة ..ماجيب عكسهاا بسرعهاا ..او اعلق عليهاا
منها / لما يقولن لي ...دوري ...== اقوولهن == دوري والانهاائي:solh:
والا لما يقلن لي ...قايمة ..== اقوولهن == لا منبسطه:solh:
والا لما يقلن لي ...جيتي ..== اقولهن == لا لمبرجيني .. طبعا هذي نوع سياارت كانت عند اخووي :solh:
وبــــــــــــــــــــــــــــــــــــــ ــــــــــــــــــــــــــــــــــــــــ ــــس ..
لاحد يضحك ع سماجتـــــــــــــــــي السابقة,,:315r:
دمتم بخيرات
على طاري السهر ايام الطفوله
الى ان وصل عمري حوالي عشر سنوات وانا ما عرفت السهر
يعني بعد صلاة العشاء بالكثير وانا نايم
مهو بس انا
اعتقد اغلب الاطفال كذا
يوم وصل عمري اقريباً عشر سنوات
قررت اني اسهر الى الفجر بدون اي داااعي
وصلت الساعه عشر
والساعه 11
والساعه 12
واروح اغسل وجهي علشان ما انام << طيب وش اللي حادك على كذا ؟
المصيبه اني لحالي
وايامه ماكان فيه الا القناة الاولى والثنيه ومسكرات
يعني مافيه اي دافع للسهر
وتجي الساعه 2 الفجر
قلت علشان ما اناااام خلني اسوي اي شي
واحسن شي اسويه وانفع امي ابي اعجن العجينه علشان امي تجي وتحصلني عاجن العجينه ولا تهاوشني
وانا احط الطحين
واصب عليه ماء
لاحظت ان الطحين قليل
والماء كثير
قلت يبيله شوي طحين بعد
وازود الطحين
واعجن
واعجن
بس لاحظن ان العجينه ثقيله ويبيله شوي ماء
وازود الماء
واعجن
بس طلع الماء زااايد حيل والعجينه تبي تخرب
وازووود الطحين
لين مليت قدر كامل وعفست ام المطبخ
وخلااااص انتهيت ماعاد اقدر اقاوم النوووم
وانااام بالمطبخ
وتجيني امي الصبح
وتحصلني نايم
ووجهي ملطخ عليه العجين ومعفووووس
وتلعن شكلي وتحوس مريري
ولا سهرت الا وعمري عشرين خخخخخخخخ
واعتذر على العوده مره اخرى بدون اذن من اختي ايثار
لكن احذركم من الحين
اي احد يثير قريحتي بطفولته راح ارجع واكتب خخخخخخخخخخ
وتقلدوا تحيتي
ههههههههههههههههههههههههههههههه
االله يسعدك بوماجد والله طفولتك كلها اكشششن
ههههههههههههههههههههههههههههههههههههه
ههههههههههههههههههههههههههههههههههههههه
صراحة شبثي انت مجرم مثل ماقال بشير اللويش
بس تعال لاتقاطعنا كل يوم جيب موقف من طفولتك:d:
انا كنت اكبر اخواني العيال والبنات..
وكنت ملازم لابوي من يوم انا وغد ...
وشقاوتي ما بدت الا بالمدرسه وتقريبا من صف خامس وكل عام بأزدياد .
اذكر اول مادرست كان ابوي يشتغل بعيد عن المنطقه ولا يجي الا خميس وجمعه
وكانت امي من الخوف علي...تتبعني من بعيد الي بعيد حتى اوصل المدرسه...والظهر نفس الشي
ضحكت عليكم ايثار وطلعتو فضايحكم:)
اللي فوق الاربعين ماعندهم طفولة:a:
صج حنا من خلقنا الله وحنا شياب:)
تدرون ليش لان ماعندنا خيارات
غير مرافقة الشياب والجلوس معهم:thumb:
فلا العاب غير التمرغل فوق الطعوس :)
مشكورة اختنا الكريمة ايثار على الموضوع
اللي طلع لنا وعرفنا على بعض الملقف في ايام زمان!.
<<<<راح يحذف ردّه:)
أكيد ماتقصدن :)اقتباس:
المشاركة الأصلية كتبت بواسطة عبدالرحمن
لاني الحمدلله بريئه من جرايم الملقّف
كلي هدوء وسكينه يالله بريسته :)
==============اقتباس:
المشاركة الأصلية كتبت بواسطة عبدالله الجعيثن
عبدالله قويدر عععع
عسى ماتكلفت على الكلمتين بس:)
نبي مواقف طفولتك :148r:
===================اقتباس:
المشاركة الأصلية كتبت بواسطة عبدالرحمن
ههههههههههههههههههههه
العفووو عبدالرحمن
تشكر لمرورك هنا
بحاول اشارك بالموضوع اذا لقيت الفرصه المناسبه
تحياتي
إيثار
موضوعك رفع ضغطي
تدرين ليه ؟؟
كنت كاتبه قبل ماتنزلين موضوعك بيوم واحد موضوع عن قصة من قصص طفولتي
ويوم أنْتَكته وضبّطته وضغطت على النشر انمسح كل تعبي
بغيت أنتحر
بس تعوذت من إبليس :)
من يومها وأنا أحاول أنسى وأضغط على نفسي عشان أكتبه من جديد
بس ماش مابعد هداني الله :)
وكل ماشفت موضوعك حسيت بتكة وضيقة صدر لأنه يقلب علي المواجع :7ayyoh:
ادعي لي تكفين :)
==========اقتباس:
المشاركة الأصلية كتبت بواسطة عبدالواحد
بإنتظارك اخووي عبدالواحد
اقتباس:
المشاركة الأصلية كتبت بواسطة الجازي
يارب ياكريم تهدي اختنا الجازي :d:
مراحب
الطفوله
حنا ياعيال البدو مافيه مرحلة طفوله :)
جنين وبعده مراهق على طول :)
الطفوله والله طفولة صاحب السمو الملكي :)
الوكاد
انا دخلت المدرسه وعمري خمس سنوات
لاني سويت قلق بالبيت
اخوي وعيال عمي وجيراننا راحو للمدرسه وانا بالبيت
العن ام القهر يروحون على ددسن صعفق وانا قاعد بالبيت
قمت اصيح ابي المدرسه
قام عمي الله يطول بعمره ضبط وضعي بالمدرسه اني احضر كمستمع بس
صرت اروح للمدرسه على الددسن مع الشله :)
كان خالي مدرس بنفس المدرسه
وكان عندنا بالفصل .. والفصل كله بزران يصيحون .. الا انا عادي :)
كان خالي يسالهم واحد واحد وش تبي ؟
يرد البزر ابي امي
ويسال الثاني والجواب بالمثل
يوم وصلني الدور
قال خالي :
تبي امك يااحمد
قلت لا
قام يمدحني ويرفع بي .. وش عليه ولد اخته :)
ومجرد مانتهت الحصه وطلع خالي من الفصل
وهي تشتغل الونانات عندي .. الله يجيركم وانواع الصياح ..
مهو صياح البزران اللي قبل شوي اصلاً البزران من اطلقت الصيحة الاولى سكتوا :)
صياحي انا حضر بالمدير والوكيل والمدرسين :)
وهو يجي خالي من عرض هاللي جو مصدوم
وش فيك ياولد ؟
قلت ابي ابوي
ليه مشوين تقولي تبي امك ؟
ليه ماتقولي تبي ابوك
وثلاث ايام متواصله وانا اصيح
ام المسكه ياشيخ
تري مكاسي
طفولتي ادوج بالسيكل بالحوش :)
وسهر مع خواتي بالاجازات ع حلبة ونعناع :)
وطيره مع بنات وعيال الحارة :)
ولعب بالملاهي لين يدوخ راسي :)
وشكرآ ايثار
أليت الطفولةتعود يوما فأخبرها بما فعل بنا الشباب
موضوع رائع من انسانة رائعه
اسمها ايثار مبدعةومميزة
كالعادة
شكرا لك حبيبتي
وحفظكي الله
محبتي لك
اخوي الجثري
صعوة فسفورية
راقية الجزائرية
من قلب شكرا لكمroooose