.
.
.
هنا ... سألملم شتات أبياتي ..
.
.
.
لست اقول شعرا ...
.
.
.
ولكنني سأقول شيئا ... تفهمه القلوب ..
.
.
.
هنا سيكون ... قلبي محدثكم ...
.
.
.
منصور ...
عرض للطباعة
.
.
.
هنا ... سألملم شتات أبياتي ..
.
.
.
لست اقول شعرا ...
.
.
.
ولكنني سأقول شيئا ... تفهمه القلوب ..
.
.
.
هنا سيكون ... قلبي محدثكم ...
.
.
.
منصور ...
.
.
.
http://1.bp.blogspot.com/_x6g23kV0Ct...9%8A%D8%B1.jpg
يادمعة الحسرة على الخد طاحت = هليتها مابين نفسي وبيني
وحمامة الفرقا على الدوح ناحت = من نوحها شفني تزايد ونيني
ياحظ نفس (ن) ريّحت واستراحت = ولا بلاها الله بقصر اليديني
إنت الكبير وشوفنا جنبك صغار = مهما فعلنا ما نوصل مقامك
ياللي تواجه ظلم الأشرار بحجار = لاتنتظر فزعة إذا الوقت ضامك
حنا التهينا بمسكة السيف والطار = وانت لطريق المجد رابط حزامك
.
.
.
.
.
.
http://sphotos.ak.fbcdn.net/hphotos-..._5878667_n.jpg
ياغايبة ما للغياب أسباب بالله ارجعي = خليني اروي عيوني الظميا بشوفة مطلعك
من يوم ماغبتي عن عيوني توالت أدمعي = وانا أذكر إنك ساعة الفرقا سخيتي بأدمعك
بالله عودي يالغلا .. ذوقي حلا الدنيا معي = وإن ما نويتي ترجعي ... برسل أنا قلبي معك ..
.
.
.
http://www.hayah.cc/forum/imgcache/49431.png
[GASIDA="type=1 width="100%" border="none" font="bold x-large Arial" bkimage="""]صباح السكر اللي من حلاتك ذاب بشفاهك = صباح التوت ياتوت القلوب وحبّ رمانه
صباح الخير ياحضرة سموك ... منصبك ... جاهك = صباح الخير يـ أجمل من رقص حرفي على شانه[/GASIDA]
.
.
.
منصور
.
.
.
جل منهو بالحلايا ياحبيبي كمّلك.............
................. لين حزت الزين كله مكتمل من كل صوب
واعذاب اللي عيونه حاولت تتأملك.............
.................... واعذاب اللي هواك وصابته منك ذنوب
يابعد عيني ترفق ..... مستحيل أتحملك
............................... منك قليبي صويب وماقدر عنك يتوب
.
.
.
منصور
.
.
.
http://farm3.static.flickr.com/2577/...fbfcf365_m.jpg
.
.
.
واعدتني بس ما قالت متى !! ......
..... وكيف ابلقاها أنا ياناس كيف ؟!
صرت كني ناطر(ن) برد الشتا......
..... وأنا توّي بأول ايامك ياصيف
ليت قلب (ن) حبته جت اخْذِتَه....
...... عايفه ما أبيه دامنه ضعيف
.
.
.
.
.
.
ياغريبة ليت ماللحب بين الناس طاري = ياغريبة ليت ماكنا عشقنا وابتلينا
ياغريبة من عرفتك ... وأمري ماهو باختياري = ياغريبة ما خطينا ... بس شئ(ن) مو بدينا
ياغريبة ذا قراري .. ولازم أعلن لك قراري = يانعيش بقلب واحد .. وإلا عنّا ما حيينا !!
.
.
.
.
.
.
http://islamtoday.net/media_bank/ima...10111_9078.jpg
مجروح ... وأدري وش يسلي جروحي
......................................كلمة مع نظرة مع لمسة الكف
ودي أداوي جرح قلبي بروحي
......................................بس المصيبة مبعد(ن) عني الترف
وياه أكتب ما يمليه نوحي
......................................ولا غاب عني ما طلع مني الحرف
.
.
.
تدرون وش معناة كلمة بساطه؟!
.............................يعني على الفطرة بليا تكاليف
تاخذ وتعطي ما تدور وساطة
............................. وتمد كفك ما تخاف التحاسيف
والوقت لو هو زاد فيك انحطاطه
.............................ثم صار بالميزان غش(ن) وتطفيف
اياك تتبع بايعين الخراطة
.............................اللي تلوث فكر الانسان بالزيف
وان شفت رجل(ن) زايد(ن) به هياطه
.............................خله يولي لا يضرك بتخريف
وأهل العباطة .. مانجوا بالعباطة
.............................ودنياك ماهي بمشيها لك على الكيف
خلك بسيط ومفتخر بالبساطة
.............................يازينها لاصار مامن تكاليف
.
.
.
منصور
.
.
.
مساء الخير ياترف (ن) مساك يغار من صبحك = مساء الخير يابسمة يتيم(ن) شاف جدانه
مساء الخير ياللي فرحتي تختال من فرحك = مساء الخير يافرحة سجين(ن) مات سجانه
.
.
.
الحق علي يا أريش العين لا موت
...................................وإن ما تلاحقتن أبعلن وفاتي
شفني أداوي جرح الأيام بسكوت
....................................وأدفن همومي في قبر ذكرياتي
والموت ماهو فقدي لروحي .... الموت
..................................فقدي لشوفك يا أعز أمنياتي
.
.
.
منصور
.
.
.
سلام الله يالترف المدلع
................... تحية قلب في حبك مولع
يحبك حب ماحبوه قبله
................... عشاشيق الزمان اللي تقلع
يحبك ما قصد أيات حاجة
...................كذا إعجاب أو حب التطلع
يحبك حب من يومه صغير
...................إلى يومن كبر والراس صلّع
وهو ماله بطول الشعر زينه
...................سوى انه ساتر(ن) راس(ن) مفلّع
وسبب فلعات راسه من هواشه
................... مع أي طفل حوليك يتدلع
يحاول لفت أنظارك تجاهه
................... لانك شالعه قلبه تشلّع
بداها بالسلام وحب يختم
................... كلامه بحب من قلب مولع
.
.
.
منصور
.
.
مابين هم(ن) يقطع القلب ياسعود
................................. ومابين غيبة ناعس الطرف عنّي
شفني أحث خطاي والدرب مسدود
................................. ودموع عيني بالطريق فضحنّي
ومن قال بشّر ؟ قلتله سهود ومهود
................................. وما يدري إني بالعذاب متعنّي
لاني محصل شوفة عيونه السود
................................. ولاني مثل باقي الرجال متهنّي
.
.
.
تذكرتك ياسيد الغيد .. حزة ريحة التربة
.............................تفشت في المكان تبشرن بوصول أحبابي
غريب ولا معاي إلا خيالك يقطع الغربة
.............................يصبرني ... كأنه يقول بإنك واقف ببابي
بعيد(ن) موطني .. وإليا ضحكت يصير ياقربه
.............................أشوف بضحكتك فرحي .. وأنسى منك كل ما بي
ألا ياليت طير الحب .. ضم القلب في سربه
.............................ورماني في يدين اللي بكا من سبة غيابي
عشان اليا ظما قلبي .. خذا من شفته حُبّه
.............................وعشان اليا دمعت عيني .. مسح بيده على أهدابي
.
.
.
منصور ...
.
.
.
[GASIDA="type=1 width="100%" border="none" font="bold x-large Arial" bkimage="""]
حلم(ن) صغير ولا هقيت إنه يصير = سبحان منهو ياحمد حقق الحلم
ربك رحيم ويسر الأمر تيسير = ومن عقب ماهو حلم .. حسيت به علم
الله يقلع كل ملعون أبو الصير = اللي ملا قلبه بالاحقاد والظلم
ماهو يضره لو زرع في الصدر خير = ولا هو يضره لو نشر في الملا سلم
[/GASIDA]
.
.
.
منصور
أدري مقصر بس .. ماهو على الكيف
.................................... عن شوفتك دايم تحدن ظروفي
قلبي غدا حاتم وهمّي غدا ضيف
................................... ياالله طلبتك لا تكثر ضيوفي
جيت أعتذر كني على رقبتي السيف
................................ ومن زود حبك ضايعاتن حروفي
.
.
.
هنا رفع القلم .. وجفّ حبره ..
نقطة ..