% مسلسل عمدة الحارة ( الجزء االخامس ) والاخير %
تفرقوا عيال ابو غازي عنوه
ولا دري بهم لانه منشغل بضيوفوه
يوم راحوا الضيوف وجاء الليل
وجلس ابو غازي لحالوه
قام يحسبه يمين ويسار
ياربي ليه عيالي هاللون علي
ليه راحوا وخلوني يم اعدائي وخصومي
بس هم الخسرانين اول وتالي
( ومع منظر نزول دمعة ابو غازي على خده تنتقل الكاميرا الى )
شنقل والحنشل متبطحين بمكان بسطة الشهبا واخته شموخ
يحرثوون بهالرماد ويسولفون على بعض
اما يوسف والجثري
يوم وصلوا بيت ابو ضاري
وهم ياقفون عند الباب
قال يوسف يالله يالجثري طق الباب
قال الجثري ياخوي انت طق الباب اخاف يزعل ابو ضاري
قال يوسف ماااعليك طق الباب انت يرحمك
وهو يطق الباب الجثري
ويفتح الباب
ويطلع لهم ريال الفسحه
يوم شافهم وهن يكبرن عيونوه :a:
قال وشتبوووون يالدشرن جايين
اكيد تبون تحرقون بيتنا
قال يوسف اخسسس عاد انت يالعاقل
نسينا زقايرك اللي تغيبهن بمخابي الجثري
لا تخليني اعلم ابوك الحين
ويبلع العافيه ريال الفسحه
ويصوت لابوه
اول ما طلع عليهم ابو ضاري وهو ينصفر الجثري( الله العالم من الخرمه )
ويالله يدزعدونوه ويقراء عليه ابو ضاري ليما صحى
الوكاد وهم يعلمون ابو ضاري انهم صافين بصفوه
ويدخلهم ابو ضاري عندوه ويتبناهم
ويقعدون اهل الحاره باليوم الثاني على صياح العريف فهد
يوم جووه
قال اسمعووووا يا حارة الفلس
التصويت واعلان النتايج يوم الجمعة الجايه
عقب الصلاة نجتمع هنا واعلن لكم النتايج
ويروح العريف فهد
قال راع الجمريه يابو غازي
تشوف ابو ضاري وشلتوه كثرهم
قال ابو غازي الله العالم اننا رحنا وطي
حتى عييلي راحوا معوه
بس انتبه لولدك غالب لا يلحسون مخوه
قال راع الجمريه انت راع للولد وانا ابي الحق العريف فهد واجيك
قال ابو غازي وش عندك على العريف فهد
وش تبي بوه
قال ياخي متونوه متون الخسيس
وشكلوه راعي رشاوي
تسانوه راعي رشاوي ابي ادهن سيروه بكم ذبيحه
ويلحقوه راع الجمريه
وكلن يروح لبيتوه
ويتجهزون لباقي هالانتخابات
ويصير بالحاره مخيمين
مخيم ابو ضاري وشلتوه
ومخيم ابو غازي ومعوه راع الجمريه
وانواع اللوحات
بعضهن زين وبعضهن مكسر
تخبرون كل واحد يحط لوحه من باتسر كاسره الثاني
وانواع الكتابه على الجدران والسب والمشاتم
شنقل انكفش مره
كاتبن على الجدار ابوي خبيل لا تنتخبونوه انا ابخص منكم بوه
وانواع الوعود من هالمرشحين
اللي يقول ابح لكم القمر بيد والشمس بيد
واللي يقول ابعطيكم نسبه بالنفط
واللي يقول ابضم عيالكم للمنتخب
واللي يقول راح اطالب لكم بحقوق المرأه المسلوبه
وراح الاسبوع شيل وحط
الى ان جاء يوم الجمعه المرتقب
واجتمعوا اهل الحاره بوسط الحاره
الناس راحت تصلي الجمعه وهم متكومين بوسط الحاره ذالينن تروح عليهم
اماكنهم
يوم خلصت الصلاة
ويجيهم العريف فهد
ويطلع على المنبر
قال اسمعوا يا اهل الحاره
التصويت خلص
وكل شي خلص
وانا مثل ما تعرفون رجالن نزيه
ولا احب اعطي الا كل راعي حق حقه
ولا ما وصلت لهاللي انا واصلن له هالحين ( اخس يالفريق ركن )
وقبل اعلن نتيجة التصويت
احب اني اقول لكم اننا في الدوله ما حطينا الانتخابات الا لمصلحة الشعب
ومواكبه للنهضه العالمين في مجال الديموقراطيه .
ومن مبداء اعطاء المواطن حقه في انتخاب من يراه مناسب له
اما قبل اعلان النتيجه
فيسعدني اني ازف لكم خبر ترقية الجندي سلطان السويري الى رتبة
جندي اول
واما النتيجه
فقد
تم
تنصيب
فاصل ونواصل
كاسات بادريق
ماتنكصم مثل غيره
تايد
ملطف البشره الاكثر رواجاً بين البنات
اما الشخص المنتخب لمنصب عمدة الحاره << يرفع صوتوه العريف فهد
هو
المواطن الصاااالح
(( راااااع الجمريه ))
وينصدمون اهل الحاره كلهم
ويطلع ابو غازي البرنو
ويمحط العريف فهد بشاكلتوه
ويقوم يرفس العريف فهد غرقانن بدمائه
والجندي
قصدي الجندي اول سلطان يحاول يسعف العريف فهد
واهل الحاره يتفرقون بدون ما يراعون للعريف والجندي اول
وشنقل واخوانه وريال الفسحه طاقينن زقايرهم ويراعون للمشهد
وبعد رافع الامر الى ولي الامر
وبعد تحقيقات كبيره
ظهرة النتائج والتوصيات
بأبعاد راع الجمريه عن العماده
والغاء منصب عمدة الحاره
والحكم على العريف فهد وراع الجمريه بالسجن خمس سنوات
والحكم على ابو غازي سنه مع ثلاثين جلده
................................................................................ ...
كل عام وانتم بخير
وتقلدوا تحيتي
