المشاركة الأصلية كتبت بواسطة الجازي
أنا بحب بابا وماما :) <<<< جواباً على سؤالك عنوان الموضوع :7ayyoh:
هل هم سعداء !!؟
جدتي الله يرحمها كانت دائماً تتمثل بحكمة تقول : كلٍ بعقله راضي إلا بماله لأ <<< وأنا ماكانت تعجبني صياغة المثل :) <<< مدققة لغوية منذو مبطي :)
بمعنى إن كل شخص سعيد بعقله وطريقة تفكيره حتى لو كان سبب في تعاسة اللي حوله أهم شيء هو راضي عن نفسه :thumb:
وفعلا ما أذكر مر علي أحد مو راضي عن قناعاته وعقليته ,, بس ياكثر اللي ماهو راضي عن حالته المادية والنعمة اللي هو عايش فيها
<<<< شطحت حبتين معليش يابو رغد تحملني :)
أما خياراتك اللي مالها ثالث ,, فإذعاناً لشرطك وعشان ما أحط لك خيار ثالث بختار منهم بس على مواصفاتي :)
طبعاً الاختيار يعتمد اعتماد كبير على شخصيتك أنت ,, بعض الناس يناسبهم الصنف الأول وبعضهم يناسبهم الصنف الثاني ,, بناء على نظرتهم ونفسيتهم ,, وبالنسبة لي :
الخيار الأول / يعني أن صديقتي ومجالستي حبوبة وقلبها أبيض وتحسن الظن في كل عباراتي وتلميحاتي بحكم ثقتها فيني ,, يعني أنا محل ثقتها وما بيني وبينها حواجز تدفعني للتلميح !! لأني أنا راح أكون صريحة معها لو تعرضت لموقف يستلزم الصراحة ,,
الخيار الثاني / أقدر أسميها نوعاً ما المنغثة ,, بمعنى إنها تغث نفسها وتتعبها في تحليلات واستنباطات ممكن تكون بعيدة كل البعد عن المقاصد الأصلية لعباراتي ,, ويمكن تتسبب في زعزعة الثقة بيني وبينها لأنها قد تسيء الظن بكل شاردة وواردة ,, وتحرق في دمها وأعصابها وأنا مادريت عنها :)
ثنتين من صديقاتي يتصفون بالصفات اللي ذكرتها ,,
وكل البنتين حبوبات وعلاقتي بهم قوية جداً ,, بس اللي من النوع الثاني توترت العلاقة بيني وبينها حبتين ,, والسبب على كثر حرصها على علاقتنا ومداراتها لي اضطرت إنها تكذب علي في موضوع هي فاهمته فهم خطأ وفسرته تفسيرات بعيدة عن الحقيقة وما فكرت تستفسر مني أو حتى تقدم حسن الظن على الأقل !! وللأسف علاقتي بها الآن انقطعت بسبب تداعيات سوء ظنها :(
يعني بالنسبة لي لا الأولى ولا الثانية راح أتضايق منها ,, بس الأولى بترتاح معي أكثر وما راح أتسبب في جلطتها :)
أما الثانية فالله يستر عليها ,, أخاف أجيب أجلها وأنا مادريت :7ayyoh:
أبو رغد وش رايك في إجابتي !!
أنفع أكتب معلقات :)
يعطيك العافية أخوي ,, بس الله يرضى عليك افسح لنا المجال المرة الجاية وخل الخيارات مفتوحة :)
عشان تشوف معلقات ماحصلتش :)
