أمراه في حياة زوجي....معاناة....انقذوني
[c]
السلام عليكم ورحمة الله وبركاتة
قصة من الواقع
تعاني منها الكثير من النساء
وهاهي واحدة منهن تكلمت ونطقت وتطلب المساعدة منكن
فهل تجد لديكن الحل؟؟!!!
اما انها ستظل بحيرتها
وجراحها تعاني
ولمفردها
هاهي القصة بين يديكم كما روتها صاحبتها
اخواني وخواتي انتظر حلولكم وآرائكم
أختكم: بنت معشي الذيب
مشكلتي ياخوات مشكله تمر بها الكثير من المتزوجات بس انا اول مره تمر علي بالاصح مفجوعه من الي حصل لي ؟؟
وش موقفك لما تعرفين ان زوجك عاشق ؟؟؟ لغيرك طبعا ؟؟؟ وانه يتكلم معها بتلفون من شهور ؟؟ وانه يجهز ملابسه قدامك وتعرفين انه ريح لها ؟؟
بابتدي مشكلتي او قصتي من البدايه الا النهايه ومتى ماتعبت بوقف واكمل بوقت ثاني وانشالله تعذروني على الاسلوب لاني ماني متعوده اكتب في منتديات
وماكتبت ياخواتي والله العظيم الا لاني بحاجه لكم والله محتاره من الي يصير لي وماني قادره اتخذ قرار فيه ؟؟؟؟؟
انا عمري 30 سنه متزوجه من 13 سنه خلصت الثانويه وعلى طول تزوجت ولد عمي وكنا على علاقه حب صامت من الطرفين
بمعنى اني كنت من عرفت الدنيا وانا احبه وماقلت لاحد وهو بالمثل يوم تزوجني كان عمره 24 سنه مرت حياتنا بهدوء وحب
بينا انجبت 4 اطفال بنتين وولدين
صحيح اسكن مع اهل زوجي وتمر علينا مشاكل مثل كل بيت بس من عادتي ومن عادتي امي وخواتي لصارت مشكله نسكت ومانبين يمكن ماخذين هالعاده من امي لطيبتهاا
كنت اسكت حتى لو مارضيت بالامر اقول الله يهونها ومن اتفقنا انا وزوجي على ان نجلس عند اهله لحد مايبني بيت على حسب خططنا وانا ماتكلمت معه ولا مره بالموضع اعتبرته مغلق لحد مانجمع مال لبيت احلامنا
طبعا ماكملت دراستي عشان رفض زوجي بس للحين احب الدراسه واخذت كورسات ودورات كثيره بالكمبيوتر طبعا الوظيفه حاولت بس مافيه وظايف الا بشهاده جامعه غيرها لااا
المهم من 3 سنوات حطينا النت بالبيت تعلقت فيه اكثر من زوجي بس مأثر على زواجي والحمدلله زوجي يدخل دردشه ومحادثات بس قليل لحد هنا عادىىى
في يوم كنت مع زوجي بنفس الغرفه وهو جالس على النت والعيال معنا يطالعون بالتلفزيون وانا معهم زوجي على النت فجئه طالعت فيه لقيته يتبسم لحظتها مارتحت ؟؟؟ سكت قعدت شوي الا زوجي يوم اخذ جواله وهو يتبسم وطلع من الشقه ونزل تحت لبيت اهله ؟؟؟؟؟؟؟؟؟
رحت لجهاز الكمبيوتر ولقيت الي كان يخليه يتبسم ؟؟؟؟؟
وحده معه في محادثه خاصه وهو من الفرحه نسى الشات والخاص وطلع مع جواله؟؟ والي يقهر القلب الي مكتوب بينه وبين الي متعرف عليها؟؟؟
مكتوب : ترد على الجوال ولا اقفل الخط ؟؟؟ وش تتوقعون يوم اقراه وش احس فيه ؟ مع كذا سكت وسويت نفسي ماشفت شي
بس الحال استمر صرت اشوف رقم من دوله خليجيه بجوال زوجي ؟؟؟ مسجات تجيه واحنا جالسين يمكن عشر مسجات في الساعه؟؟
ونفس الرقم متكرر بس الي يقهر ويقهر ويقهر مكتوب اسمها بدلع بالانجليزي بجوال زوجي ؟؟
وش تتوقعون مني سكت وسكت
وصار زوجي يعطيني افلوس بهبل !!! ماقول طلب الا حاضر عيوني !!!! أي شي في بالي يوافق عليه !!!!
اكيد لانه يحس بتأنيب ضميره ويعوض بالهدايا والفلوس
وفي يوم طلبت منه اروح لسوق قال ماقدر مستعجل مواعد رجال وضروري اقابله الحين !!! قلت خلاص اجل بعدين
والله ياخواتي ماشكيت باي شي صدقته وخلاص ماتوقعته شي ثاني
بس من طيبته قعدت شوي اتصل قال اطلعو بوصلكم بس بسرعه ماقدرت اخليكم بالبيت وبخاطركم الطلعه
مشينا لسوق وراح لمشواره
رجع بعد كم ساعه ياخذناا ووقف عند مطعم عشان نتعشاء نزل قبلي ولقى زحمه قال وش رايك قلت نروح ناكل بالبيت احسن
قال خلاص بطلب العشاء وناخذه للبيت يوم نزل جلست اطالع باب السايق الي هي جهتي لقيت شي ماتتوقعونه ؟؟؟؟؟؟؟؟؟؟؟؟؟
لقيت مناديل كلينكس بس وشفيها !!!!!!!! روج روج روج
وش سويت طبعا تمالكت اعصابي ورميته ؟؟؟؟
ولا فتحت فمي بكلمه عنه ؟ يمكن تعجبون مني بس توقعته موصل امه لمكان او خواته ونسو مناديلهم بس ماطرى على بالي شي ثاني!!!
بدت الاجازه ورحت لاهلي ثلاث اسابيع ويوم كنت عند اهلي كان يقولي انه بيروح لدوله ........ خليجيه طبعا عندي شغل بس يومين وارجع
طبعا انا عرفت انها نفس ديرت العشيقه بس ماقدر اقول لاتروح وانا مافتحت معه أي مووضع عنها من قبل ؟؟
قلت اشوف اخرتها
في الثلاث اسابيع الي قضيتها عند اهلي كان زوجي ولا مره يقول متى ترجعون ؟؟؟ وهذي اول مره بعكس دايم متى ترجون مليت وانا لحالي !!!!!!
في اليوم الي رجعت له حلمت حلم افزعني صحاني من نومي !!!!!! واول مره حلم اذكره بتفصيلاته كلها من حلمت فيه
حلمت بساحره لابسه مثل القميص الاسود وماده رجلينها وجالسه وقدامها بخور وتقول : ايوه هذا الي يجيبه الك ؟؟؟؟
وكانها تكلم وحده قدامها ؟؟؟؟؟؟؟؟؟
الحلم خوفني لا ارعبني وكنت بالحلم اقول هذي جنسيتها كذا نفس الديره اليبيروح لها زوجي؟؟
خفت اكيد ومن صحيت قلت لازم اتصرف
نفس اليوم اخذت جوال زوجي من غير مايدري وسجلت رقمها عندي ويوم راح زوجي للعمل دقيت عليها ردت سويت اني غلطانه بالرقم بس الي خلاني افقد اعصابي ان نبرة صوتها وحده تتعرف من الي متصله وش الي غرضها ؟؟؟ فيها ضحكه
فيها احساس غريب عطتنياه وبس جد ماقدر اوصف لكم الي حسيت فيه بس ماستبشرت خير ابد ابد
في نفس اليوم رجع زوجي من العمل سالني عن رقم قال تعرفين لمن ؟؟؟؟؟؟ وش تتوقعون ياخواتي
الرقم هذا انا شريته من محل عشان اتصل عليها ومايدري زوجي ؟؟؟؟ بس طبعا هي سجلت الرقم وعطته زوجي وهو بدور يطالع من الي دق عليها ؟؟؟؟؟
قالت ماعرفه طبعا بس زادت شكوكي مليون بالميه؟؟؟
دريت ان علاقتهم قويه ومن الحرص قالت له الرقم وهي حاسه انه انااا ؟؟؟؟؟
قلت بتاخذ طريق السلم بالاول عشان البيت والعيال
في نفس اليوم بالليل تعدلت لزوجي وضحكت له وسولفت وياه
قلت لها انا حلمت بحلم خوفني !!!!!! قال وش الحلم رحت وقلت له كل شي بالتفصيل قلت روحتك للبلد هذا انا متخوفه منه
عشاني لاتروح ..
قال : حلمك يخوف وسكتنا على كذا بس توقعته يكره السفر هذا
باليوم الثاني كلمت زوجي بالعمل قلت له : ابي اسالك منت رايح ولانت مسافر خلاص ؟
قال لا بروح انشالله!!!!!!!!!!!!
قلت ليه مصر على هالسفر ؟؟؟ وش الي تبيه هناك ولا بتقابل وحده ؟؟؟؟؟؟؟
قال وش هالكلام قلت : شوف ادري انك بتقابل العشيقه الي مجنون فيها وادري انك تكلمها جوال كل يوم والمسجات الي ترسلها عليك كل لحظه وادري عن اشياء كثيره بس ياأنا يالسفر هذا؟؟؟
قال برجع من العمل ونتفاهم
لما رجع قال وش الي صار لك قلت ادري انك رايح تقابلها والي خوفني حلمي ياهي بتسحرك سحر او سحر بفكرك وعقلك وتروح معها
قال اوهام وتخيلات انت الغاليه وانتي وانتي وانتي
قلت بس ماتروح قال لا بروح لازم اروح قلت اجل بروح لبيت اهلي قال تعوذي من الشيطان واجلسي وروحتي عشان شغل ماهو اكثررر
قلت انا اعرف انها معطيتك الرقم ايل اتصلت عليك منه انت وياها متفقين علي ؟؟؟ انا بعتني عشان وحده ؟؟؟
وتجادلنا كثير بالاخير رحت لبيت اهلي طبعا على اصراري اناا
تركت عيالي بالبيت وهذي اول مره اسويها بحياتي كلها من تزوجت
رحت لاهلي وليتني مارحت!!!!!!!!!!!!!!!!!!!!!!!!!!!!!!!
امي عاشيه مع اخوي وزوجته بس بما انها عطله خواتي كلهم متجمعات عند امي
دخلت عليهم وكنت متماسكه وقويه قلت لهم الي صار كله
وش ردهم ؟؟؟؟؟؟؟؟ غلطانه وحرام عيالك تركتيهم؟؟؟؟؟؟؟
تخيلو الكل مافكر بنفسيتي والقهر الي يحرقني
احس ان كرامتي انداست ومن من زوجي وعشقيته احس مخوعه من شهور ومتامرين علي هو وياها ؟؟؟؟
نمت عند اهلي ليله وحده ثاني يوم قال اخوي يالله البسي برجعك لبيتك وعيالك ؟؟؟؟؟؟؟
رفضت بس اصر علي هو وامي وخواتي رجعت ودمعتي على خدي مقهوره كرامتي منذله الكل لامني اناا قال وش ذنبهم عيالك
طيب انا ؟؟؟؟؟؟ وش ذنبي وش الي جنيته ضاعت حيايت حتى دراستي الي للحين احلم فيها ماكملتها عشانه
وكل سنه ابي التحق بجامعه يقول ماعندي امكانيه الحين واصبر واسكت
رجعت للبيت وماكان هو فيه دخلت بيتي واحس بخنقه ودي اصارخ على الناس كلها
نقلت جهاز النت لغرفه بنتي الكبيره ونقلت بعض اغراضي هناك
قلت بحرمه من الشات الي يسولف معها فيه طبعا حل ضعيف لانهم مستغنين عن النت بالجوال
بالليل شفته يطالع فيني وانا نايمه ماهو مصدق اني رجعت وبالسرعه ذي
ثاني يوم دخل علي قال وش تبين فيها تتصلين عليها وترسلين مسجات لها !!!!!!!!!!!!!!!!!!!!!!!!!!! قلت تدافع عن مشاعرها
طيب حس بمشاعري انا ولا معاد لي قيمه قال اتركيها ولا تتصلين عليها قلت ابي تعرف انك متزوج ؟؟؟ قال تدري قلت
بعددددددددد هذا الموت بعينه قلت وقليله الادب تعلمك اني متصله عليها ومرسله مسجات قال المهم خلاص فكينا
منها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وش تتوقعون شعوري احسب انه جاي يتاسف طلع يدافع عن شعورها ؟؟؟؟
ولاتكلمت معه ولا كلمني لمده 3 ايام وانا اصحى وانا م على دمعتي وحتى الاكل ماذوووووقه!!!
من جيت من اهلي وانا ناويه اقاطعهم ولا اكلمهم وطبعا اهله بعد الي ساكتين وهم يدرون بينا مشكله ولا وحده من خواته او اهله قال بنروح نسالها ؟؟؟؟
كرهت اهلي واهله وهو معهم كرهت كل حياتي ومقهوره على ضياع احلى ايام عمري بالهم والنكد وضايع دراستي الي احلم فيها
قلت مافي غير ماعطيها فرصه تسررقه والحل لازم انا اسويه محد نافعني لاهلي ولا هله؟؟؟
رابع يوم من رجعتي رحت له بالغرفه هو طبعا ماصدق اني انا الي اجي
قلت هانت عليك حياتنا وحبك قال لاوالله ماهانت ولانويت اخليك تطلعين لاهلك بس انتي اصريتي انك تروحين لاهلك
قلت اوعدني مايتكرر الي صار ؟؟؟؟ قال وعد والله مايصير شي يكدرك ابد والله مايسوون رجلك كل الحريم
طبعا من هالكلام وزوجي له اسلوب حلو مثل شكله
سكت وماكثرت الكلام قلت بالاسلوب اقدر ارجعه الي واخليه يتركها وايب اعرف اكثر عنها وش فيها زود عني
يوم جاء ثاني يوم قلت له ابي اتكلم معك قال عن وشو قلت عن الي صار قال والله ماله داعي خلاص نزوه وعدت مارح تتكررر
قلت ابي اعرف وش فيها احلى مني ؟؟؟ فيه شي ماهو عندي ؟؟ وش لقيت عندها وش اخذت منها ومتى شفتها ؟؟؟ ومناديل الروج لها ولا لاا ؟؟؟؟؟؟؟ رايح تقابلها يوم قلت لك لاتروح ؟؟؟؟؟( طبعا ماسافر زوجي )
اعترف لي بكل شي وعن شوفتها وانا شافها مره وحده مجرد مقابله قلت المناديل الي فيها روج لها قال ايه ؟؟؟
تتوقعون وحده تدري ان الرجال الي معها متزوج وتحط مناديل فيها طبعات روج على يد الباب حق الراكب الامامي وش قصدها ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تبي تثير الفتنه وتنبهني صحححححححححح
توني دريت مقصدها الله لايوفقها ولايهنيهاا بشبابهاا
المهم قال نزوه والله ماتسوى رجولك والله انك حتى احلى منها وحلف لي بكذا
قلت طيب ليه مستمر معها ؟؟؟؟؟؟ سكت
الحين تصالحنا وخلاص بس الي بيحرق قلبي ويومتني من القهرررررررررررررررررر
تتوقعون وشووو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لقيته مغير اسمها بالجوال لاسم رجال ؟؟؟؟؟؟؟ وللحظه هذي ترسل له مسجات
وش اسوي ياخواتي والله ماعندي أي حل بموووووووت من القهر
والله كل شي موفرته اله أي شي في خاطره أي شي في باله وانا من النوع الي مهتمه في نفسي وشكلي ولبسي
البس احسن ماركه اغير لون شعري امشي مع الموضه اروح لصالون كل شهر مرتين اعتني بشرتي والله كل الي يشوفوني مايصدق عندي اطفال وربي
البس له اقمصه نوم احلى ماركه واحلى موديل غرفت نومنا اغير مفارشها واغير الوانها كل فتره عشان مايميل ويحس بروتين
معطرتها بالعود والعطور كل يوم
والله العظيم ماهو مدح في نفسي بس هذي الحقيقه
صح تجي الوحده فتره تهمل شوي نفسها بس مايتعدى يومين او ثلاثه وارجع لطبعي
قلت له قصرت بشي قال لاوالله قلت فيني شي ماهو عاجبك قال والله العظيم مافيه وحده مثلك حتى هذي انيت اجمل منها وربي
ابي اعرف وش اسوي ؟؟؟ اهلي واهله مقاطعتهم ايل اسبوع من صارت المشكله لاني كرهتهم يوم شفتهم موقفهم معي
سكرت جوالي عشان اهلي مايتصلون صارو يتصلون على عيالي يسالون عني قلت قولو لهم مابي اكلم احد ؟؟؟؟؟
محد يلومني مجروجه وربي
ابي حل ياخواتي اسكت وانا اشوف رقمها عنده ومسجاتها عنده يعني للحين مع بعض ؟؟؟؟؟؟؟؟؟
والله العظيم مافيه كلمه قلتها لكم ماهي حقيقه انتظر ردكم علي ابي حل تكفووووون
اختكم مجروحه
[/c]
يا مقلب القلوب ثبت قلوبنا على دينك
بسم الله
الحمد لله
والصلاة والسلام على رسول الله
وبعد
اختي المجروحة السلام عليكم ورحمة الله وبركاته
لقد قرأت بالحزن قصتك المريرة التي والله العظيم انها نزلت دمعتي بسببها رغم اني لا ابكي بسهولة لكن
انا اعتب عليك اختي بسبب انك اخبرتي اهلك عن ماحدث واخبرتِ زوجكِ بانك عرفتي قصته دون اي تصرف جاد منكِ فلو انك اخي قمتي بمحاولات خفية وانتظرتي النتائج لكان افضل من هذه النتائج لأن هناك قصة اريد سردها لكِ وللجميع لعلها تكون فائدة
يروى ان هناك امرأة استغربة من تصرف زوجها ومن خروجه من داره وكان هذا الخروج ليس له عادة فيه وكان كل خمسة ايام يخرج ليلة
شكة الزوجة ان زوجها غير طبيعي وعلى فكرة ترى شك الزوجة غالبا يكون في محله اما يكون صحيح او ان الزوج متغير بسبب زوجته بمعنى انه ضائق منها فيجب ان تتدارك الأمور قبل ان يقع مالا يحمد عقباه
نعود للقصة
فأرسلة وراء زوجها الجارية كي تتبعه الى اين يذهب فرأة الجارية انه يدخل في ذلك البيت فسألت عن البيت فعرفت انه متزوج فيه من زوجة اخرى
فرجعة الجارية الى سيدتها فأخبرتها بالخبر
فأمرة السيدة جاريتها ان تكتم هذا الخبر ولا تبيح به
هل تعلمون لماذا
لأن الزوج لو علم ان زوجته علمت به وان الزوجة الأخرى ايضا علمت بأنها علمة لكان واجب عليه ان يعدل بينهما في المبيت وعلى هذا الأساس سكتت
وما ان اخذوا اشهر الا ومات الزوج فأرسلة الزوجة الأولى جاريتها الى الزوجة الثانية ومعها نصف الميراث ميراث زوجها لأنه حق لها
فعندما طرقة الباب الجارية فتحت الزوجة الثانية فقالت ان زوجكِ مات وهذا نصيبك من الميراث
فقالت الزوجة الثانية ارجعيه الى اهله فإن زوجي طلقني قبل ان يموت !!!
وهذا تصرف سليم من الزوجتين
اما بالنسبة الى قصتك فهناك حل ؟؟
وهو انا عندي رقم تتصلين فيه على الملك وتشرحين فيه عن حالك
وانا واثق انه لن يردك الملك انا لا امزح انا جاد
نعم ولكن اتصالك يجب ان يكون ليلاً لأن ذوي الحاجات قد خصص لهم اخر الليل نعم
ورقمه هو وتر من الركعات اي مثنى مثنى وتختمينها في ركة تسألين الملك نعم ملك الملوك هو الذي يستطيع ان يفيدك في هذه المسألة صدقيني والله العظيم هو الذي يرد اليكِ زوجك ويصلح لكم احوالكم ويعيد المياه الى مجاريها اكثري من الدعاء في السحر ودبر كل صلاة وعند نزول الأمطار وفي السجود اكثري الدعاء ولا تتعجلي النتائج فوالله العظيم والله العظيم والله العظيم وبالله وتالله انه إن اراد الله ارجاع زوجة انه سوف يرجع لو كانة هناك كل بنات العالم وساحراتها
ولكن ادعي الله وانتِ موقنة بأن الله سيستجيب لك والحِ على الله
اسأل الله العظيم رب العش العظيم عالم الغيب والشهادة رب كل شئ ومليكه اسأله ان يرد زوجك الى صوابة وان يعيده الى اولاده وبيته وان يبارك بينكما ويحفظكما من شياطين الأنس والجن الله صلي على عبدك ورسولك محمد وعلى اله وازواجه وسلم تسليما كثيرا آمين آمين آمين
والسلام عليكم ورحمة الله وبركاته
السلام عليكم ورحمة الله وبركاته
هلا بج اختي بنت معشي الذيب
في البدايه اقولج الله يعينج على ها البلوه اللي انتي فيها ولكن هوني على نفسك فهذه ليست نهاية الدنيا وكل شيء له حل ان شاء الله فقط لا تياسي من رحمة الله وتقربي اكثر من الله وادعي ربك الله يهديه ويرده لرشده اللهم امين
وصدقيني ان زوجك حالته سهلة جدا فقط تمالكي اعصابك وكوني قويه
واحمدي الله انه لا يغلط عليكي ولا يضربك بل يحترمك ويقدرك ويقدر ان ابو عيال ومسؤول عن اسره واذا كانت مسالة شات وخيانه فصديقيني ان ثلاثة ارباع الازواج اما يتبعون هذه الطريقه واما يتزوجوا بالسر الا من رحم الله اهم شيء اختي ان تثبتي وتصوني بيتك فالرسول صلى الله عليه وسلم قال: (ائتمن من ائتمنك ولا تخن من خانك )وعندي لك طريقه عسى ان تنفع معه حببي اليه سماع القران والا شرطه الدينه والمحاضرات التي تذكر هذا الموضوع ولكن لاتبدأي بالخيانه مثلا عندما تطلعي معه في السياره ضعي شريط محاضره دينيه في المسجل واستمعي معه اذا كان زوجك يسمع الاغاني فصديقيني هي اللي تحرك شعوره وتجعله يرتكب المعاصي
ومن الاشرطه الجميله جدا وانصحك ان تجعلي زوجك يسمعها شريط وهم الحب /للشيخ سليمان الجبيلان شريط اروع من رائع
وكذلك شريط اعترافات عاشق
وارجو ان الله يهديه ويعرف ان المراه اللتي تتجرا وتتكلم رجل غريب تكلم الف واحد غيره
والله يرده لك
وتقبلي تحياتي
رد : أمراه في حياة زوجي....معاناة....انقذوني
[align=center]|513|[/align]
رد : أمراه في حياة زوجي....معاناة....انقذوني
أبو غازي ,,, عسى ماشر :)
شكل القصة جايزتن لك ,, قاعد تحتري الحلقة الأخيرة :)
رد : أمراه في حياة زوجي....معاناة....انقذوني
بسم الله الرحمن الرحيم
أختي المجروحه , أنا مع الاخ فرحان في كل ما ذهب إليه , ولكن لا بد من الأخذ بالأسباب وهي أن تخبري شخص أمين على أسرارك كأن يكن أخوك , وهو بدوره يحاول التفاهم معه بطريقه لا توحي زوجك بأنه يعلم أنك اخبرت أحدا بهذا الأمر , ايضا حاولي أن تهدي له أشرطة دينية تحذر من ذلك وأن لديه أبناء وبنات , ومن دق باب الناس , سوف يدق بابه حتى ولوب المضايقه , أخيرا توجهي للذي يسمع ويرى وأدعيه من القلب لعله سبحانه ان يهدي زوجك لطريق الرشاد
رد : أمراه في حياة زوجي....معاناة....انقذوني
ماقول الا اللة يجيرك فى مصيبتك ويخلف عليك صحيح مشكلة واللة مادرى وش اقول لك الا الحال من بعضة بس انا اختلف عنك
انا تونى دارية لانوة توة ماصار لة فترة وانا صارحتة على طول مانتظرت وحلف لى انها نزوة وانة ماراح يعيدها بس مانى متاكدة
يتكلم معها عبر النت بس ودى اعرف هوللحين او لا مادرى اذا فية احد من الاخوان يستطيع مساعدتى فى ذللك يعنى عن طريق برنامج او اى شى عاد لاتضحكون على لانى ابى اتجسس علية
واللة يااختى انا مابى ازيدعليك بس ماعندى احد اتكلم معة وصراحة هذا شى ماينحكى فية عند اى احد
تحياتى لك واللة يكون بالعون
رد : أمراه في حياة زوجي....معاناة....انقذوني
اقتباس:
[align=center]اسأل الله العظيم رب العش العظيم عالم الغيب والشهادة رب كل شئ ومليكه اسأله ان يرد زوجك الى صوابة وان يعيده الى اولاده وبيته وان يبارك بينكما ويحفظكما من شياطين الأنس والجن الله صلي على عبدك ورسولك محمد وعلى اله وازواجه وسلم تسليما كثيرا آمين آمين آمين [/align]
أختي بنت معشي الذيب ... هذا حال كل البنات من بعد هاتشات حسبي الله عليه ..:(
