((.. غــدر الدخيـــل ..))
آه ياحد الخناجر../.. وآه يا غدر الدخيل..!
كيف ردّات الجمايل../..طعنةٍ بين الضلوع ..!
والله أني ماهقيته../.. غير من يد القبيل
ألتمس له ألف عذر ٍ ../..بين خملات الجموع
يدري أني ماأودّه ../.. وقدره بصدري قليل
ويعترض لي في طمانه../.. ولاهويت إلا الطلوع
هذا من تضمن طعونه../.. لانوى غدري بليل
لكن البلوى : دخيل ٍ ../.. جنـّـب احدود السنوع
جاوز احدود الخساسه../.. والنجاسه باألف ميل..!
مرجع ٍ كله نقايص../.. مرجع ٍ كله خضوع
وفوق هذا يالنشاما ../.. ماتحسفت الجميل
الجماله راس مالٍ ../.. ماذخّره إلا القنوع
خصلة ٍ فالوقت هذا../.. ماحملها إلا القليل ..!
والبدايد فيها خير ٍ ../.. وكل قوم ٍ له دروع
والمراجل ماتدرس../.. تجري بعرق السليل..!
وهبة ٍ من هالوهايب../.. وهبة ٍ بعض الطبوع
وادي ٍ سيـّله ربي../.. يستمر فيه المسيل
وكل قطرّه في مسيله../.. ترهق احمول الخنوع..!
الخنوع الي تقشف../.. في مصاريفه ذليل
لعنبو قرش ٍ يخبا ../.. وصاحبه هلكان جوع..!
عبرةٍ لاقلت عبرّه../.. كيف تقدير البخيل ..!
يوم تقديره بخس به ../.. وكن من نفسه ندوع ..!
والرجل ماطاح قدرّه../.. لاارتقى فعل ٍ جزيل
طيـّب ن يزهى مقرّه ../.. دله وطيب وقدوع
والجمايل في مفيضه../.. مثمره والله كفيل
والردي لو زاد طيبك../.. ودّه ألطيبك منوع...!
لكن أجزل ماسمعته ../.. حكمة ٍ صوته صهيل
(مانفـّع بالطيب شاوي) ../.. سافل ٍ مثـْله دنوع..!؟
"
صبحي مليح النجباني
