جاء يشوف الحال كيفه بعد ما هزهـ حنينه ..}
جا يشوف الحال كيفة بعـد ماهـزة حنينـة
قبل يسالني سالته كيـف حالـك يالحبيـب
قال انا كني غريب ضيـع دروب المدنيـه
..{قلت انا كني مدنيه تنتظـر رجعـة غريـب}..
قال اجل وش فيك تلعن سيرة الحب وسنية
قلت أجل وشلون ماالعن سيرته دامك تغيب
انت لامن غبت حتى مرايتك صارت حزينه
كيف ما تبغاني أحزن وانت لي مثل النصيب
الهدايـا والرسايـل والمكاتيـب الثميـنـة
الليالي والقمر والريـح والكـون الرحيـب
كل ماتبعد تجيب الشعـر ليـه مـن يدينـة
وتقعد جروحي تودي فالمتاهـات وتجيـب
يابعـد كـل القصيدونـزوة حـداه وانينـه
لاذكرتك لاح بيت وطاح ورد وفاح طيـب
وان نسيتك مانساني صوتك المبحوح لينـه
ياخذ لجرحي بثاره من خطايـاك ويطيـب
وبعد هذا جاي ترمي ذنبك بوجـة المدنيـة
مادريت ان المدنية كلهـا شمعـة غريـب
لــ فهد المساعد
