:
بسم الله الرحمن الرحيم
:
هذآ يا طويلين الآعمآر البآرح في آحدى مدن المملكه ..
صآرت سآلفه وابي اسولفها عليكم..
:
حيث كآنت المدينه في هدؤها المعتآد ولا يشوبها اي شي ولا يعكر مزآجهآ اي شي ..
ولكن دآخل هالمدينه بيت من البيوت العريقه اللي آهل هالبيت تربوا على الحميه
والنخوه وعزة النفس .. كعآدة البدو ..
الوكآد / عجوزهم ذآك اليوم خرب جوآلهآ وقآلت لحدى عيآلهآ الصغآر ..
بالله يا وليدي صلح لي جوآلي .. قآل ابشري يا يمه ما طلبتي شي ..
:
رآح ذيبآن / عند محل تصليح الآجهزه .. على نيته يبي يصلح جوال اميمته
المهم خلآه عند المحل ورجع له بعد سآعتين تقريبآ وآخذ الجوآل وعطآه آمه
آمه قآمت تدعي له وآستآنس هو مفرفح من الونآسه ..
:
ولكن / والبلا باللي بعد لكن ..
:
صآرت الازعآجآت على هالجوآل ..
:
يدق وآحد وبس سآكت .. آلو آلو آلو آلو ما يرد خيب السد ..
:
آخذه الذيب ولد العجوز وكلم الو الو الو الو .. ما يرد بس سآكت ويتسمع ..
الذيب اندبلت تسبده وقآل له والله لآجيبك .. يبي يرفع ضغطه هذآك سآآآكت
الوكآد سكر الجوآل الا الاخ مرسل رسآله ( تبطي تجيبني )
وهي تقفل بوجه الذيب .. وهو يقعد يخطط يبي يصيد هالدجآجه الصقعآ ..
:
الوكآد .. خطط وخطط ووصل الى فكره ..
وقآم بتنفيذهآ بمسآعده اخوآنه ووآحد من الشباب عنده موهية تقليد
الآصوات ..
دق على هذآك وقآم يتميلح عنده .. طبعآ الركبه ذآك تحلحلت صوآميله ..
وقآل البنت حبتني .. طبعا هو خبيث ونيته مثل وجهه خآيسه ..
:
الوكآد بعد ما تطمن الولد لهالصوت النآعم توآعد معها .. او عذرا معه ..
وجآتك يا مهنآ على ما تمنآ ..
الوكآد توآعدوا في مكآن عآم ..
وشوي شوي الآ الذيب لقطه يدق علي الا هالرجآل بالسيآره يكلم
:
ما فيه غيره ..
:
ويهجمون عليه .. الرجال معه اثنين / والذيب معه اخوآنه ثلآثه /
الوكآد كمخوه وكمخوه .. حطوا ركبته بخشمه ههههههه
الوكآد اجتمعت النآس .. وينقز وآحد من آخوآن الذيب ..
ويهدد النآس ويقول ( اللي يفرق نحطه فوقهم ) النآس ابعدت ..
والذيب يركب الولد واللي معه بالموتر .. ويشر لآخوه يعني اركب سيآرة الرخله
والحقنا .. النآس خآفت قآلوا هذي عمليه اختطآف ..
الذيب رآح لبيتهم .. وآحتجز الرجآل واللي معه بالبيت ..
من صلآة العصر الا ما بعد صلآة العشآء ..
الدوريآت والنآس وابو الولد عند الباب ولا وأحد يقدر يفتح فمه
كلهم سآكتين لآن الولد ذآك اعترف بكل شي وانه كل ما جآه وآحد
نسخ ارقآم جوآلآته ..
الوكآد يا هم لعبوا بوجهه .. المسكين ..
ويجي الضآبط زعلآن كيف تخطفون موآطن .. ويقعد يصايح عند الباب ..
ويجي وآحد من اخوآن الذيب .. قآل يا ولد تعال لا تقعد تصايح وتلجنآ ..
الوضع كذآ وكذآ وكذآ .. الضآبط يوم سمع هالكلآم تغير وصآر بصف الذيب
:
قآل ابي اقآبل هالرخله وينه .. قآلوا تعآل الا حآطينه بالزاويه .. بالديوانيه ..
وكل ما مر وآحد وطآ على صآبره .. يوم شآفه الضآبط وهو يصفقه الكف الاول
ويلحقه بالثآني .. ويستلمه تلمييييخ لين ما عض الارض ..
:
الوكآد .. بعد اخذ وعطآ وبعد آهآنه هالوصخ ..
اطلقوآ صرآحه بعد آحتجآزه من بعد صلآة العصر الى ما بعد صلآة العشآ ..
:
الغريب بالامر .. الذيب جآني اليوم وتقهوى عندي ويسولف السآلفه ..
الا ينقز وآحد عندي قآل بالله اخر رقمه كذا كذا قآل ايه ..
قآل يا ولد هذا مزعجنا وهالخسيس ما يرد ..
قآل ابشرك ما عآد تشوف رقمه ..
:
طلع هالنذل كل ما جآه جوآل نسخ الارقآم وقآم يدق على هالعآلم ويزعجهم ..
:
على شآن كذآ انتبهوا بالله انتبهوا .. حييييييييل
:
هالزمن ما به ثقه ..
:
تحيآتي
:
