السلام عليكم
صباح الخير
يالربع
طلعت من الدوام يوم الاربعاء الساعه 2 و نص و امسك روحي ما ابي انام
عشان اعدل نومي
و ما نمت الا الساعه 1 بالليل
و انا ادخل الغرفه بشويش عشان ما ازعج الي بالغرفه
و هم اثنين الاول الحربي
و الثاني ابو هجر الويباري << معنا بالمضايف و توه جديد و تكفون حيلكم فيه هو سبب البلاوي لي :(
الوكاد و انا اسحبه نومه و جنبي جوالاتي على العام
و يدقون و لا دريت عنهم و لا حسيت فيهم
و قمت حصلت بالضبط 87 مكالمه
و 19 رساله
و اطالع الساعه يوم 1بالليل و قمت مفلل نوم و اركز بالتاريخ و اليوم
طلع نمت 24 ساعه << قولو مشاء الله
الوكاد و اتفقد المكالمات و الرسائل
كل عيال الي بالاستراحه داقين علي الا الحربي و ابو هجر
و استغربت
و اشوف الرسائل بعضهم يسبوني العيال :(
و بعضهم رسائل من جوال الزعيم
و رساله من ابو هجر يقول فيها ( مدري شلون نسيتك و سويت فيك كذا بس ترى ما اقصد )
ما فهمت شي و لا انتم بعد
و اطنش و اقوم و اغسل و البس و اتضبط ابي اطلع الغرفه الثانيه
ما حصلت فيها احد
و قلت اطلع اجيب لي شي اكله و افتح الباب ما يفتح و اسحب و اسحب
ابد مقفل من برى
و اروح على المغسله دايم نحط عليها المفتاح ابي اتاكد من الباب
حصلت المفتاح معاه ورقه
مكتوب عليها ( مدري شلون نسيت انك داخل الاستراحه و قفلت الباب )
^
تجي بالعقل
العن ام الحواطه بس :)
و ادق عليه و ادق عليه و بعد محولات كثيره رد علي
قلت تعال افتح لي الباب
قال ماني حولك و نسيتك
قلت وينك
قال بالقصيم رحت مع ماجد
و انا اقفل بوجهه و يرسل لي رساله كله ضحكه :(
و انا ارد عليه و اقول
........................ << تشفير :)
و الوكاد ادق على العيال و ابي واحد يرد
كلهم ساحبين نوم
و ادق لي على واحد من العيال اخبره دايم يستلم بحارتنا :)
و طلع مستلم و اقوله السالفه و هو يجي و يفتح لي الباب و يروح
و انا اركب سيارتي و اروح المطعم اكل
و افكر وش اسوي فيه
و قلت اروح له القصيم و العن جدفه و ارجع
و انا احرك و امسك طريق القصيم
و وصلت الشنان و طاح الي براسي :)
و انا اقول ليه اروح و هو يبي يرجع اليوم بالليل
و انا اخذ فوق تحت و ارجع :)
و وصلت الاستراحه
و الى اللحين افكر اسوي فيه مقلب و لا حصلت شي :(
