ليلة الخميس وكالعاده اجتمعنا ...وماأدري والله وش الفايده من
أجتماعاتنا ..قال يسمونها أجتماعات عائليه ...طبعا لو تجي وتشوف هالأجتماعات ...تقول عيني عليكم بارده...
اللي ماغير مبحلق بهالقنوات والريموت يقول تكفى أرحمني..واللي حاط لابتوبه بحضنه وماهو مع العالم...
وكل أثنين ثلاثه حاطين روسهم بروس بعض وقرق...
واللي جالس لحاله وماغير يخز بهالعالم ..والله أعلم وش يسولف
على نفسه...
وأنا وبنات عمي بزاويه ....وماتسمع وش نقول الف موضوع
نبي نسولف به..
نطلع من سالفه لسالفه وحنا مابعد خلصنا ذيك السالفه
وآخر ماوصلنا له من حوار>>>>حلوه حوار
لما قالت بنت عمي ..اليوم قريت خبر في الجريده
عن وحده تبي تسوي عملية تجميل ..وصار خطأ طبي
وماتت ..ردت الثانيه ياحرام ..
ردت الثالثه ..يختي ليه هالعالم مو راضيه بخلقتها..
يعني اللي تبي تكبرواللي تبي تسمن
واللي تبي تصغر خشمها ..
المهم صار أخذ ورد بالكلام ...
وكل وحده تدلي بدلوها>>>>أبوك يالثقافه..
فطبعا أنا مسويه فيها فاهمه..وذكيه..
قلت شوفوا هالحين الكل يبي ينفخ شفايفه..وأنا عندي
الحل بدون أخطار ومشاكل طبيه...
كل وحده تعلقت فيني..أمانه قولي لنا وشو ..
تكفين ياقلبي...
قمت أتدلع شوي عليهن...قلت شوفن أنا راح أسويها
لكن لوجه الله ..ماأبي ولاريال..
ببلاش صدقه ..
يابنت قولي ..الله يخليك ..
انا ودي...وأنا بعد ...
قلت يالله صفن طابور ...بالدور كل وحده أبي أعطيها
بوكس على خشتها وأضمن لها شفايف متورمه لمدة أسبوعين
....
,,,,
....
...
عفوا أنقطع الأرسال ...
وش تهقون صار بعدها..............
...................
......................
