%%غــــــــــــــــــلا شــــــــــــــــــــــــــــــمر %%
لعل الوسم يمطر علـى ديـرة الوافيـن
واشوف البروق تلوح والقاع ممطـوره
ديارٍِ غلاها له بوسط الضلـوع سنيـن
ينادي وعشب فياضها فاحـت زهـوره
وانا جيت اجدد حب راكان بـن حثليـن
لاهل سربةٍ بالخيل والطيـب مشهـوره
سرى يطوي فجوج الخلا والعرب ممسين
يسوقه غلا شمر وتقديـر اخـو نـوره
عسى الله يلوم اللي يلومه ليـوم الديـن
ما دام القلوب بحب الابطـال مفطـوره
قرينا تواريـخ العـرب والعلـوم تبيـن
وكم بارقٍ ليل الدجى مـا حجـب نـوره
على العز يسري والحقايق تسر العيـن
مثل لمعة سيـوفٍ بالامجـاد مشهـوره
من فعولها ذكر الطنايـا يهـز الصيـن
ونهار الشدايد لا اعتزوا زعزعوا سوره
سلامي عليهم في العسر واليسر والليـن
اقوله وانا روحي على الوصل مسـروره
للشاعر الكبير عبدالله ابن عبيان لما زار حائل
