اطهر حكاية محبة في حكاياتي
صباح - مساء الخير والأنوار
قصيده ما تمل من قراءتها
لشاعرها محمد جارالله السهلي
جزء من الأبيات ...
لا يطول سكوتك ولا يطول سكاتي
ترا الدعاوي بسيطه لا تكبرها
خلك على خبري وظني وهقواتي
خابرني الضيق و الضيقات خابرها
وسع لي البال يا سيد طموحاتي
ولا تغير النظره اللي كنت تنظرها
تقول: حب البشر طوق مساراتي
ابك انت حبك مساراتي يسيرها
ان غبت عانت عيوني من معاناتي
و ذكرك يصبرني و طيفك يصبرها
لا يا بعد شهرتي و اعظم نجاحاتي
و كل القصايد من ابسطها ليا اشهرها
ولا يا بعد من يدور انكساراتي
شعار سبب وجودي ضيق خاطرها
انت اجمل اللي تسجل في سجلاتي
ان جيت:وين البشر؟و ان رحت:مكثرها
يا اول و آخر قصيدي و اروع ابياتي
محد يحب القصايد كثر شاعرها
ما فاق حبي لك الا حبي لذاتي
يعني احبك محبة ما اتصورها
يا اصدق من النشوة اللي في بداياتي
لا قلتلي كم بيت قالوا انشرها
و اغلى من الدمعه اللي كل صدماتي
تطلب ايديها و احجرها و لا انثرها
و احن مني علي ان شفت زلاتي
القاك بررتها لو صعب ابررها
و اطهر حكاية محبة في حكاياتي
من قبل لا اعيشها حسيتك اطهرها
لا تلومني لا بديت اخاف و احاتي
كل حاجه غاليه ما ودي اخسرها
و لا اتضايق ليا اكثرت جياتي
ضيعت فيك السنين و جيت ادورها
