عرض للطباعة
أنشدك عن خمس ٍ تساق متتالين
في بطن ملهوف الحشا فاهق الراس
ظلن ثلاث وضيع الوقت ثنتين
ياما تغنينا وغنت بهن ناس
لاشدوا البدوان ماينشدن وين
فيهن معزه واعتزاز ٍ ونوماس
ابي انشد أهل المعرفه والفهيمين
عنهن وابي رمعه تصيب وعلى ساس
عن اللغز
1- جديد وحصري وانتاج محلي
2- ممنوع الرمعات النص كم
3- عدم سؤالي عن الايضاح بتاتا
4- عدم الترجي بالرسائل الخاصه
والله يعينكم
اخوكم... فيصل اللويش
حي الله فيصل
نبي نستفتح الرمعات
الخمس الجعفريات
مالك لوا
كان لي رمعة ثانية فهي
بيوت الاولين مخومسه وهالايام مثولثات
عمدان البيت او القطب
وتصبح على خير
يالله حي فيصل اللويش
وفرحنا بعودتك
وبالنسبه للغز لي نكسه انشالله
لاشك جيت ارحب بعودتك
لغززززز مليان يالذيب
لي نكسه
مالك لوا مره اخرى
ذيبان
ان كان ملهوف الحشا فاهق الراس!!!
الدله............فانا نتفت اللغز
وش رايك بي
استاذنا
عبدالله الجعيثن
من شروط اللغز عدم الايضاح
منتظر رمعة اللغز
ماهي البريم او الوشيحي فيد البناه اللي يربطنه بالعروس الاولين
طبعن
صار له بديل بهالوقت عقب هالتطورات
هلا والله بالذيب ... والغازه
ابسرق رمعة الجعيثن ....
معاميل القهوه ...
الدله والفناجيل ومدري وشي ..
والنجر والمحماس هن اللي مفقودات ...
وشكرا
يقول
جيت المراح اللي به العشب محتاس
وثلاث لا يبكن ولا ينبكني
الثلاث اللي ما ينشدن عن البدو لا شدوا (( هوادي النار )) والثنتين واحدة دلة ابو غازي وواحدة محماس شرهه او نجره
كان الربع حول اللغز يالذيب بين لهم (ان ضاعوا ما ينكسون للحل ابد))
لا والله ما اظنكم رمعتوه
اظنّه تبهيرات القهوه واللي ذكرهن القاضي بقصيدنه المشهوره
وزله على وضحا بها خمسة ارناق & & & هيل ومسمــار بالأسبـــاب مسحــــــوق
مع زعفران والشمطري إلا انسـاق & & & والعنبــر الغالي على الطــاق مطبــــوق
فالا اجــتمـع هــذا وهــذا بتـــيفـــاق & & & صبه كفيت العـوق عن كـــل مخلـــــوق
وفعلا ان كان هذا حله.....فاللغز مليان حيل ياذيبان
كفو يابو غازي
والله انك فضخت عين اللغز
فطنت للحل يوم رجعت ابحله لين ابو غازي سابق كالعادة >>ماشاء الله عليك
كفو يا فيصل لغز من العيار الثقيل
تسلمون كلكم
وماقصرتوا
لكن الذيب ابوغازي جابها بالصميم
وهي بهارات القهوه
كانت خمس تقريبا ( الهيل - المسمار - الزعفران - الشمطري - العنبر ")
والوقت ضيع ثنتين وبقن ثلاث
( الهيل - المسمار - الزعفران )
بيض الله وجهك يابوغازي
اخوكم... فيصل اللويش
لاتلومن يافيصل اشهد انك عقده قليب قاضين ماهـ ههههههههاقتباس:
المشاركة الأصلية كتبت بواسطة فيصل اللويش
على العموم انا جازلي اللغز وشهد انه طال عمرك يستاهل اللي يفكربه
وطعمه باالشوشه ابي افكر به
طيب تعرف احد يعرف احد من اللويش اللي بحايل :315r:اغديه يعلمنا خخخخخخ
بهار القهوه <-- كل تبن
عزالله لغزن دسم
ماهو بعض الالغاز مثل الغاز شرهه :)