من اجمل...ماقرأت
شدّ الركايب ورانا يا حمـد مسـرا
خايلت برق ٍ يفز القلب من نـوره
سقها عسى جرحي اللي ضامني يبرا
لا الذنب ذنبي ولاني راعي البـوره
وش حيلتي لا تولـع قلبـي بعـذرا
عند الملا دايـم ٍ بالزيـن مذكـوره
خشفٍ لها جادلٍ ما شلّتـه شقـرا
يا علّ ماهي على فرقـاي مجبـوره
عيني وطنها وصدري جنـةٍ خضـرا
بين المحاني بنَت للعشـق معمـوره
واليوم ماعادلي منها سوى الذكـرا
بعض الرسايل وبيتٍ في قفا صـوره
قفّت وكنّ الوطن من عقبهـا قفـرا
وخلّت قصورٍ بنَت للعشق مهجوره
يالله دخيلك من أيام ٍ لفَـت قشـرا
كم زعزعَت شامخ ٍ ثمء بان مستوره
خلّت خدَمها على عمّانهـا تجـرا
وصغيّر القوم يسبق شيخها شـوره
يا يابس العود لا لا تزري الصحـرا
شف عرقك اللي ظما والقاع ممطوره
الراس دلّ السنَع ما ناظـر لحـدرا
ماهزته دمعته لو أخلفـت شـوره
حذراك ياللي تماري بالهـوا حـذرا
الناس لا أمسَت ترا في داخلي ثوره
كيّتك عيّت معَ الاوجاع ما تبـرا
وباقي المواجع معَ الأنفاس مقبـوره
والبارق اللي لمَع في ناظري حـدرا
والله مـا اتبـع مخاييلـه ولا ازوره
لكنّ ما عاد بـه شـدٍّ ولا مسـرا
ببكي حمد واتغزل في هـوى نـوره
فيصل بن قنه اليامي
