رافع ضغطي من سنـــــيـــــــــن وش الحل ؟؟

السلام عليكم






أنا عندي مشكله ورافعه ضغطي ويمكن أغلبكم مارتن عليه المشكله !!





المشكله

شخص أعرفه ودايم أتواجه معه


كل مانتناقش في مجلس أو في أي مكان وهو موجود يسأل

عن اللي نتناقش فيه !



مثل



قبل يومين جالسين نتكلم عن مباراة النصر والهلال

فجأه خش عرض بالموضوع وقام يسأل أسئله تافهه مثل النصر من أي مدينه !!

من أفضل اللاعبين من الفريقين !



جاوبته قلت النصر من كوريا وأفضل اللاعبين عبدالملك الحوثي وحسني مبارك !!




زعل قال أنت تستهزي وكل ما أسأل عن شي تزعل وش السبب


قلت له يابن الحلال أنت سألت وأنا جاوبت وين الخطاء !!


قال انا أعرف النصر وأعرف اللاعبين اكثر منك



قلت طيب ليه تسأل إذا أنت عارف !




سكت وطلع

وهالشي دايم يحصل معي من نفس الشخص يسأل عن أشياء وأدري أنه يعرف هالشي واحاول أعطيه المعلومه خطاء عشان أشوف ردة فعله وأبي أعلمه أن أسلوبه خطاء !





أبي الحل مع النوعيه اللي زي كذا !!


وليه يسأل عن شي وهو عارفه ؟؟











وآسف إذا ماوضحت الموضوع

الله يعين
عينة من عينات تتكاثر في مجتمعنا
و حينما التقي بأشخاص من نفس الاسلوب
اتحاشى الحوار معهم
وخاصة إن اتضح أن كلامهم مجرد ثرثرة من غير فائدة
ولا اكتساب معلومة جديدة ..
ومع ذلك كوني اعاني من نفس المشكلة لنرى الحل من الدكتور الدهيم حفظه الله

الله يعين الجميع شام

با إنتظار الدكتور

والله يصبرنا على النوعيه هذي !

شف هذا الشخص يحاول يستفزك ويضايقك
لذا امش على هالمثل ( الخصران يقطع المصران)
يعني لاتهتم فيه مهما قال وحاول ينرفزك
وعطه جوه
مثلا يوم سال ماترد عليه
واذا لزم عليك بالسوال قل بسال واعلمك خله يكره نفسه وانك فاهم وماتبي ترد
يعني شف روحك عليه ههههههههه






العمده اقولك شي
هذا يغار منك ويدل انك انسان مميز بالمكان الي انت فيه
صدقني هالاشكال تزودك ثقه بنفسك مو تضييق صدرك عشانهم


هذا رايي
دمت هلاليا شمرياً:)

العمدة

عندي وعندك خير

وحنا بأنتظار الدكتور للاجابة وياليت نلقاء الحل


لك كل الاحترااام

والله انسان عجيب


انا ماخبرت هالحركات الا من البزران إذا فيه موضوع شدهم ..
يقومون يسالونك وهم يعرفون الاجابة .. ولو عدت عليهم السؤال نفسه يعطونك الاجابة الصحيحة وبالتفصيل الممل بعد..


العمدة,,

جرب طريقة ليالي..
وأن مانفعت حاول معه تعيد عليه نفس السؤال؟؟ وشف وش يرد عليك دامه يقولك أني أعرف ومسوي نفسه فاهم..!!



وبسألك..؟؟

إذا هو سأل زي هالأسئلة .. كد رديت عليه أنت بإجابات صحيحة...؟؟
وش يرد عليك عقبها .. بعد يزعل والا وش يقولك؟؟




وأتوقع والله أعلم أنه في حضوره يكون كأن ماله وجود..
أو أنك تكون شايل المجلس, والنقاش حامي وهو مهوب معكم ..
أو ماعنده القدره على النقاش ..
فيحب يبرز نفسه بها الاسئلة الغبية .. ويظهر بالصورة..




أنا قلت اللي عندي ونترك القرار للدكتور عبد الله :)


..

العمده

اعتقد انك جانبت الصواب بتنرفزك عليه
واعتقد ان الاخوات ردن عليك بناء على عاطفتهم :)

أعتقد ان صديقك هذا يحب الحوار معك ويحب ان يكون بينكم طرف حديث
والدليل يسألك اسئله يعرف اجاباتها !
وهذا دليل قطعي انه من كثر غلاه لك ماعنده احاديث يفتتحها معاك الا اسئله يعرفها مسبقا ولكنه يريد ان يسمعها منك فقط لانها منك

اعتقد لو تلقي بال لصديقك اكثر وتفتح معاه مواضيع وسوالف راح تشوف انه بيترك اسئلته اللي يعرف اجوبتها مسبقا ويدخل معاك بحوار جميل

هذا الشخص يود ان يكون له مكان بين اصدقائك المقربين


هذا ظني ومجرد رأي وبانتظار رأي الاختصاصي بن دهيم


تقبل جل احترامي العمده باشا

[ALIGN=CENTER][TABLE1="width:95%;background-color:white;"][CELL="filter:;"][ALIGN=center]
العمـــــــــــــــــــدة ! صباح الخيــــــــــر هذا بنظري من اهم المواضيع التي تطرح وتستحق الوقوف ، اولاً :كلامك وجيه وأنا معك ميئه % وتحدث للغالبيه مثل هذه المواقف لوجود أشخاصهـا ، ثانياً: العمـــــــــــدة ما يزعل ولا يرتفع ضغطهrooose2 ثالثاً: إذا زعل ( غضب ) شخص ما من شيء يعني أن هذا الشيء يعنى له شيء أنا لا ادعوك للاحتقار ولكن إذا تتبعت كل مشكلة تحدث لك مهما كانت ! لن تسير ستقف ! لا احب الفلسفه لكني ربما اتفلسف قليلاً. أعطيك مثال بسيط لو خرجت للعمل او للدراسة ..الخ وشغلت سيارتك وتبادر إلى ذهنك أنك سمعت صوت بالمحرك ثم نزلت وفتحت غطاء المحرك وبحثت عن مصدر الصوت لم تجد شي والصوت يبدو طبيعياً اقفلت الغطاء وقبل أن تركب لفت انتباهك وجود قطعة خشب وفيها مسمار قريبه نوعا ما لــ إطار السيارة ! ثم قلت من يا ترى الذي وضع هذه ؟؟ اها ولد جارنا اللي غاثنا من العام ، دقيت الجرس وطلع جارك عليه ثوب النوم يعرك عيونه: هلا العمدة ، :هلا! هلا مسمارٍ بعينك ! ... الخ وفي اثناء سيرك مع الطريق كدت ان تصطدم بسيارة عن يمينك اثناء التجاوز لجهل السائق ثم اشرت بيدك( انت صاحي )؟ ما تشوووف ! ورد عليك انت اللي منعمي ! وقف على اليمين وقف .. اوقف وانا اخو مضايف شمر ، وطلعت القناة وصفقته الا هو منبطح ! جت الشرطه وحولوك للقسم ... وعيا يتنازل..الخ متى ستصل للعمل؟ لن تصل في ذلك اليوم وربما تفصل ان حوكمت وربما لا! لا يهم .. الذي أعنيه انك وانا والاخر لو واجهته مشكلة او حالةغير طبيعية مثل صاحب النصر! وتجاهلها طالما انه لن تعيقه او تقف في طريقه ولسان حاله يقول ( ماني فاضي اللي بعده عندي اهم ) ستسير وتصل + الراحة والطمأنينه + انك لن ترى لك خصوم في نهاية المطاف وستجد الجميع راضٍ عنــك .. استاذي هل سبق وان واجهت شخصاً من وراء زجاج يحدثك ويشير بيده إليك حتماً لا تسمعه ولكنك ترى اشارته وتعابير وجهه ان كانت عابسه لو دققت ستجده يشتمك ربما وهناك لن تتمالك نفسك ! لكن لو صرفت عنه نظرك وادرت له ظهرك النتيجه لن يؤثر فيك .. والقاعدة انها لو قابلتك حالة مثل هذه كل ما عليك اخراج الريموت من جيبك وضغطه لنزول حاجز زجاي من السقف إلى الارض وبه عازل صوتي وحبذا لو كان من النوع القاتم المظلل بحيث لا ترى من خلفه ..! جرب وانا متأكد بأنك ستشكرني واتمنى ذلك ليس شكري بل ان تفعل .. لك ودي ،،،،،،،،
[/ALIGN][/CELL][/TABLE1][/ALIGN]

هلا بالجميع

أنا مع الرأي اللي يقول اخسره ولا كأنه موجود وحتى لو سأل كمل كلامك ولا كأنك سمعت كلامه،

بالعربي لا تسمعه ولا حتى تناظر فيه لأن هذي النوعية تحب تلفت الأنظار لها باستفزاز الآخرين ومن ثم الاستعراض عليهم

اقتباس:

---

المشاركة الأصلية كتبت بواسطة ليالي نـــ ج ـــد

شف هذا الشخص يحاول يستفزك ويضايقك

لذا امش على هالمثل ( الخصران يقطع المصران)
يعني لاتهتم فيه مهما قال وحاول ينرفزك
وعطه جوه
مثلا يوم سال ماترد عليه
واذا لزم عليك بالسوال قل بسال واعلمك خله يكره نفسه وانك فاهم وماتبي ترد
يعني شف روحك عليه ههههههههه

العمده اقولك شي
هذا يغار منك ويدل انك انسان مميز بالمكان الي انت فيه
صدقني هالاشكال تزودك ثقه بنفسك مو تضييق صدرك عشانهم

هذا رايي
دمت هلاليا شمرياً:)

---

أشكرك ليالي نجد



رايك مقنع ولو أنه خساره للشخص المقابل




دمتي هلاليه شمريه :)

اقتباس:

---

المشاركة الأصلية كتبت بواسطة شموخ شماليه

العمدة

عندي وعندك خير

وحنا بأنتظار الدكتور للاجابة وياليت نلقاء الحل


لك كل الاحترااام

---

الله يعينك شموخ شماليه



إن شاء الله تلقين الحل



حياك الله

اقتباس:

---

المشاركة الأصلية كتبت بواسطة فوووز

والله انسان عجيب


انا ماخبرت هالحركات الا من البزران إذا فيه موضوع شدهم ..
يقومون يسالونك وهم يعرفون الاجابة .. ولو عدت عليهم السؤال نفسه يعطونك الاجابة الصحيحة وبالتفصيل الممل بعد..


العمدة,,

جرب طريقة ليالي..
وأن مانفعت حاول معه تعيد عليه نفس السؤال؟؟ وشف وش يرد عليك دامه يقولك أني أعرف ومسوي نفسه فاهم..!!



وبسألك..؟؟

تفضلي

إذا هو سأل زي هالأسئلة .. كد رديت عليه أنت بإجابات صحيحة...؟؟

إيه رديت عليه كثير وأعطيه الصحيح لكن مليت من الحركه هذي وغيرت الطريقه صرت اعطيه إجابات خطاء عشان يعرف انه على خطاء !!

وش يرد عليك عقبها .. بعد يزعل والا وش يقولك؟؟

إذا عطيته الإجابه الصحيحه يسكت ..

لكن إذا عطيته العكس يتنرفز !


وأتوقع والله أعلم أنه في حضوره يكون كأن ماله وجود..
أو أنك تكون شايل المجلس, والنقاش حامي وهو مهوب معكم ..
أو ماعنده القدره على النقاش ..
فيحب يبرز نفسه بها الاسئلة الغبية .. ويظهر بالصورة..




أنا قلت اللي عندي ونترك القرار للدكتور عبد الله :)


..

---

لاهنتي فووز


الله يعينك ويعين الجميع فووز





حياك الله

اقتباس:

---

المشاركة الأصلية كتبت بواسطة المطنوخ

العمده

اعتقد انك جانبت الصواب بتنرفزك عليه
واعتقد ان الاخوات ردن عليك بناء على عاطفتهم :)

أعتقد ان صديقك هذا يحب الحوار معك ويحب ان يكون بينكم طرف حديث
والدليل يسألك اسئله يعرف اجاباتها !
وهذا دليل قطعي انه من كثر غلاه لك ماعنده احاديث يفتتحها معاك الا اسئله يعرفها مسبقا ولكنه يريد ان يسمعها منك فقط لانها منك

اعتقد لو تلقي بال لصديقك اكثر وتفتح معاه مواضيع وسوالف راح تشوف انه بيترك اسئلته اللي يعرف اجوبتها مسبقا ويدخل معاك بحوار جميل

هذا الشخص يود ان يكون له مكان بين اصدقائك المقربين


هذا ظني ومجرد رأي وبانتظار رأي الاختصاصي بن دهيم


تقبل جل احترامي العمده باشا

---

المطنوخ ليش لا !


يمكن كان قصده مثل ماقلت لكن صدقني يالغالي أنا ماني من النوع اللي يحب يخسر صديق

بالعكس معطيه جوه للآخر لكن وش أسويبه لا صار كذا !

وأنا ماكتبت المشكله إلا إني أبي رأي الجميع ..

ورأيك غير من تفكيري تجاه الصديق !

والله يعين الجميع

ألف شكر لك يالمطنوخ

اقتباس:

---

المشاركة الأصلية كتبت بواسطة الساطع

[ALIGN=CENTER][TABLE1="width:95%;background-color:white;"][CELL="filter:;"][ALIGN=center]
العمـــــــــــــــــــدة ! صباح الخيــــــــــر هذا بنظري من اهم المواضيع التي تطرح وتستحق الوقوف ، اولاً :كلامك وجيه وأنا معك ميئه % وتحدث للغالبيه مثل هذه المواقف لوجود أشخاصهـا ، ثانياً: العمـــــــــــدة ما يزعل ولا يرتفع ضغطهrooose2 ثالثاً: إذا زعل ( غضب ) شخص ما من شيء يعني أن هذا الشيء يعنى له شيء أنا لا ادعوك للاحتقار ولكن إذا تتبعت كل مشكلة تحدث لك مهما كانت ! لن تسير ستقف ! لا احب الفلسفه لكني ربما اتفلسف قليلاً. أعطيك مثال بسيط لو خرجت للعمل او للدراسة ..الخ وشغلت سيارتك وتبادر إلى ذهنك أنك سمعت صوت بالمحرك ثم نزلت وفتحت غطاء المحرك وبحثت عن مصدر الصوت لم تجد شي والصوت يبدو طبيعياً اقفلت الغطاء وقبل أن تركب لفت انتباهك وجود قطعة خشب وفيها مسمار قريبه نوعا ما لــ إطار السيارة ! ثم قلت من يا ترى الذي وضع هذه ؟؟ اها ولد جارنا اللي غاثنا من العام ، دقيت الجرس وطلع جارك عليه ثوب النوم يعرك عيونه: هلا العمدة ، :هلا! هلا مسمارٍ بعينك ! ... الخ وفي اثناء سيرك مع الطريق كدت ان تصطدم بسيارة عن يمينك اثناء التجاوز لجهل السائق ثم اشرت بيدك( انت صاحي )؟ ما تشوووف ! ورد عليك انت اللي منعمي ! وقف على اليمين وقف .. اوقف وانا اخو مضايف شمر ، وطلعت القناة وصفقته الا هو منبطح ! جت الشرطه وحولوك للقسم ... وعيا يتنازل..الخ متى ستصل للعمل؟ لن تصل في ذلك اليوم وربما تفصل ان حوكمت وربما لا! لا يهم .. الذي أعنيه انك وانا والاخر لو واجهته مشكلة او حالةغير طبيعية مثل صاحب النصر! وتجاهلها طالما انه لن تعيقه او تقف في طريقه ولسان حاله يقول ( ماني فاضي اللي بعده عندي اهم ) ستسير وتصل + الراحة والطمأنينه + انك لن ترى لك خصوم في نهاية المطاف وستجد الجميع راضٍ عنــك .. استاذي هل سبق وان واجهت شخصاً من وراء زجاج يحدثك ويشير بيده إليك حتماً لا تسمعه ولكنك ترى اشارته وتعابير وجهه ان كانت عابسه لو دققت ستجده يشتمك ربما وهناك لن تتمالك نفسك ! لكن لو صرفت عنه نظرك وادرت له ظهرك النتيجه لن يؤثر فيك .. والقاعدة انها لو قابلتك حالة مثل هذه كل ما عليك اخراج الريموت من جيبك وضغطه لنزول حاجز زجاي من السقف إلى الارض وبه عازل صوتي وحبذا لو كان من النوع القاتم المظلل بحيث لا ترى من خلفه ..! جرب وانا متأكد بأنك ستشكرني واتمنى ذلك ليس شكري بل ان تفعل .. لك ودي ،،،،،،،،
[/ALIGN][/CELL][/TABLE1][/ALIGN]

---

مساء الورد يالساطع



أول شي أباخذ عندك دوره تعلمن طريقة تنسيق اللون الأزرق والأبيض << أعشق اللونين



كلامك في محله وصدقني راح أمشي على نصيحتك يالساطع








بس لحظه أنت تقول

اقتباس:

---

استاذي

---

لا والله انت استاذي يالغالي



لاهنت يالساطع والمعذره على التأخير بالرد

اقتباس:

---

المشاركة الأصلية كتبت بواسطة د. عبدالله بن دهيم

هلا بالجميع

أنا مع الرأي اللي يقول اخسره ولا كأنه موجود وحتى لو سأل كمل كلامك ولا كأنك سمعت كلامه،

بالعربي لا تسمعه ولا حتى تناظر فيه لأن هذي النوعية تحب تلفت الأنظار لها باستفزاز الآخرين ومن ثم الاستعراض عليهم

---

حي الله الدكتور




افهم من كلامك وكلام الأخوان أنكم ضد الطنوخ في وجهة نظره !!




ارائكم وضحتلي اشياء إن شاء الله تنفعن تجاه مثل هالنوعيه الله يهديهم








شكرآ لك يادكتور

ممكن اعطي رايي

نوعيته مثل بنت اختي عمرها 22 سنه

نفس المشكله معها لكن واجهتها وقلتلها ليش تسوين انك موفاهمه وانتي تفهمين الكفت اتوقع انوه نوع من انواع الدلع

وهالشخص يحبك يالعمدة ومثل ماقال اخ مطنوخ اعطيله شويه بال واهتمام وبتزين الامور وشكرااا

اقتباس:

---

المشاركة الأصلية كتبت بواسطة صعوة فسفورية

ممكن اعطي رايي


نوعيته مثل بنت اختي عمرها 22 سنه

نفس المشكله معها لكن واجهتها وقلتلها ليش تسوين انك موفاهمه وانتي تفهمين الكفت اتوقع انوه نوع من انواع الدلع

وهالشخص يحبك يالعمدة ومثل ماقال اخ مطنوخ اعطيله شويه بال واهتمام وبتزين الامور وشكرااا

---

أول شي حي الله صعوه



ثاني شي الله يعينك على بنت أختك:)




ثالث شي أبستخدم معه جميع الطرق اللي ذكروه الأعضاء منها طريقة المطنوخ وطريقتك




وإذا مانفع يا انا ياهو:3ajebni:

عندي الحل وانا بنتن لابوي




طال عمرك

يقول المثل لاشفت سفيه اعقبوه


ويقول الخصران يقطع المصران

ويقول الحقران يقطع المصران

واذا مانفع كل اللي شرحته فيقول المثل


مافيك حيله



ومن صيته احلى تحيه

بارك الله فيكم


الله يعين

والله غريب هالرجال اللي تقول عنه

الله يشفيه انشالله

ووسع صدرك عليه يا الغالي ...