مصيبه لاتردت قيمتك في عين من قيمت
السلام عليكم ورحمة الله وبركاته
مسائكم شعر
حببت ان انقل لكم احد قصائد
الشاعر العملاق سعد ابن جدلان
وانشالله تنال اعجابكم
الا يالله ياللي تحـت هيبـة سلطنتـك اسلمـت
لك المسلم يسبح لك بحمدك والـك الاسلامـي
احمدك واشكرك واثني عليك بما علـي انعمـت
وزودني وفاء قدر العشيـر وصـل الارحامـي
ولجك الفجر ياليل الذهول اللـي علـي اظلمـت
يعرضك واقع الماضي عليه عـرض الافلامـي
ولهتك يالنديم اللي على صافي وفـاك اضرمـت
بصفحة ذكريات العام واللي مـن ورى العامـي
بعد تقرير مشوار التجـارب نجحـك واجزمـت
بأن السيف يبغى والعصـا والمحـزم احزامـي
ضمنتك راس مالي مكسبي في كـل ماساهمـت
قفلـت ابـواب حيطـان الحسايـف والتندامـي
عطتني عزلة اخلاصي معك نسيان من نادمـت
كتبتك وانطوت صحفي عليك ورفعـت اقلامـي
اباهـي لاابالـي واتبيسـط كــل ماقـدمـت
واشب النـار قـدام العـرب واشيـد اخيامـي
نهاري حر شمسه يستحي منها لسان الشمـت
وليلي ترجم انجومه ملامـة كـل مـن لامـي
على ضوء الكلام اللي كشف عنا ستار الصمـت
عرفت اني تحت برق الامل في روض الاحلامي
احسبنـك تيمـم باتجاهـي ويـن مايمـمـت
اثر مانتـه ورايـه بالطريـق ولانـت قدامـي
مصيبه لاتردت قيمتك فـي عيـن مـن قيمـت
يشوفك فالسهل وانته تشوفـه فالسماالسامـي
كثر ماحن قلبـي للونيـس وكثـر مادرهمـت
فجر صدري حنينـي واتعـب الاقـدام درهامـي
عيون الصد وعيون التجافي "حول"مهما اكرمت
تشـوف المجتهـد كسـلان والبنـاي هدامـي
مادام ان جانبي شام لجنابك وانت عنـي شمـت
كثر خيرك وانا لانـي بـلا جايـع ولا ظامـي
اشوف انه علي واجـب ليـا مريتكـم سلمـت
مرور اكرام تربطها الكرامـه عنـد الاكرامـي
على شان الخفوق اللي على عرشه قعدت وقمت
وحجب عنك الدجا لين اشرقت لك بيض الايامي
ختام السالفه ياطيـب العشـره كرمـت ودمـت
هذا حقك علي وحق هقواتـي علـى اوهامـي
مصير الوقت يشرح لك دروسه وان غفلت ونمت
يصحيك الزمان اللي يصحـي كـل مـن نامـي
تذكرني لامنها خابـت اوهامـك بمـن وهمـت
وعرفت الفرق في حب الخشوم وحب الاقدامـي
