(( أفـو ا ا ا ه الملاقيــف ))
بسم الله الرحمن الرحيم
السلام عليكم ورحمة الله وبركاته
كل عام والمضايف وأعضائها بخير وصحه وسلامه ..
.
.
.
[poem=font=",6,white,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""] قال ابن عابد بعد ما الزمن لافه=يا وجودي والشجر ضايع ٍ ظله
ياقصيدي هات حزني بمغرافه=بالأذان الصاغيه طالبك صله
خل من يسمع شعوري تقل شافه=وبل حلق ٍ ناشف ٍ له زمن بله
دسّم المعنى ولا يتعبك قافه=ياشطير ٍ ما يبي غير من سله
آآآه وأفواه الملاقيف حذافه=إيه وكبود العواذيل منغله
راكب اللي يتعب الناس بأوصافه=جمس ٍ أحمر شوفته تبري العله
المواتر كلها تمشي اخلافه=كنّها من هيبة الجمس منشله
يمكن المصدوم من طيبه سعافه=والرجل لا ضامه الوقت يندله
راح عمر صويحبه مابعد عافه=والله انه ما نوى بيعته لله
إن قفيته قلت ياما أعرض أكتافه=وإن نطحته قلت ياحي هالطله
ما تقوده بالرجاجيل خوّافه=لا ولا تركبه بيّاعة اجبله
بالمواتر ماخبرت الذي طافه=والمواتر هابته دقه وجله
قايده بالشام بالصيف مصيافه=والشتى ما بين رعيانه وبله
مايخاف اليا نطح راس مشرافه=ولا يفكر خص لامن نصى خله
أشعث ٍ يدحم على العد بأطرافه=وإن صدفته منطني .. هاده .. وخله
اعطه الفنجال .. وارفق به .. وكافه=شر ضيق المال وإن خلص الدله
واعتدل كيفه .. تحيّن له وصافه=قله افزع .. وإن فزع .. باشر وقله
ياخوي الجمس للعلم خطّافه=طالبك لا يبطي الضيق والعله
انحر اللي كل سم ٍ بمعطافه=قله اني ما آتسمى خوي ٍ له
والرفيق اليا غبن صاحبه عافه=خص لا من زل قاصد مية زله
لو تعذّر للمعاذير صرّافه=مير قفى ما يبي خوتي كله
الله أكبر غره الديك بأوصافه=إن قعد باكر عقب باكر يمله
والا أنا ما همن الحزب وأحلافه=الوكاد اموت ما أصبر على الذله
قلتها واحلف ثمانين محلافه=مغتني بالله عن علوم خلق الله[/poem]
(( اعذرونا على التقصيــــر ))
محبكم
