السلام عليكم ورحمة الله وبركاته
آلله لايسعد إلا صبآحكم ويسعد مساكم <- للي يستاهل بس اما اللي مايستاهل يسوقه :)
إيه يالربع وش الفرق بين الدخان والمخندرآي ؟؟؟
كلهن زينات :)
قصدي إنهن يدمرن الآدمي ولا بهن الا الفقر
يكتبون على علبة الدخان / تحذير صحي : التدخين سبب رئيسي للسرطان وامراض الرئة وأمراض القلب والشرايين
طيب دامه يسبب هالأمراض الخمنطيرية لمازا يباع وتسمح وزارة الصحة وقبلها التجارة بإستيراده :3ajeeb:
اتوقع انه صحي بس يبي يخوفونا علشان هم يستانسون فيه بس معصي
من بكرآ كل واحد فيكم يهجم على المحلات اللي حولهم
ويتشري اللي عنده من كروز دخان ويجيبهن لي اخزنهن لكم
<- يبي يسبح بوسط البكتات :d:
شي غريب ومتشكنم بنفس الوغت
عاد مانقول الا الله يرحمنا برحمته ويفكنا من هالدخان ويفك شباب وبنات المسلمين منه ويلعن من يستورده :)
قبل كم سنة ماهو منذ مبطي يعني تقريبآ قبل 10 سنوات
ماحنا وغدان متعدين المرحلة تونا بادين بمرحلة الجذعنه
المرحلة هذي من اخطر المراحل يقال لها علميآ المراهقه واسمها الصحيح الجذعنه
ليه جذعنه ؟؟ لأن الشاب والشابه توهم طالعين من مرحلة الوغدنه وبادين بمرحلة الجذعنه [ جذع أو جذعه ]
المهم عندي ولد عم دعوتن على شمر ماهو بس على أهله :)
وأنا مسير عليهم وأنا وياه وثالثنا الشيطان <- لحد يقول ثلاث شياطين اسمعكم تروني :(
المهم وهو يقولي يوسف وش رايك تبينا نصير رجال :a:
قلت قدام وش عندك بس
قال نبي نشرب دخان
قلت لايابعد حيي إمي شمت معي ريح دخان البارح وكمختن وعقب ترضتن بـ100 ريال
وعقب ساعه ارسلتني اجيب لهم اغراض وطارت الـ100 :)
قال بوه دخان نعناع ماتبين ريحته
وهو يراودن الشيطان وانا ابيعه بقوطي صلصل
ووقتها مافيه بقالات الا بشارع يقاله الشارع التجاري وبعيد وحنا نكرف مشي
وبنص الطريق قلت له تعرف حمآر القايلة قال وشو قلت ابد يشبهك وهو يزعل الخبل ويمشي يسار الشارع وانا يمين مسوي زعلان :)
المهم شريناه وانا طول الطريق وحنا رآجعين اطآلع للبكت ومسكرن بيديني عليه بالعن العافية
وندخل حاره وينطحننا بنات كويحه صحيح من كثر مااللون غامق تحس انهن رصاصيات :)
يوم صارو بجنبنا قلت يالعبده وولد عمي من جهتهن وهي تصفقوه بالشنطة بالعلبا هههههههههه
عاد الخبيل زعل علي يقول ماأعلمك شلون تشرب الدخان زي الرجال :)
المهم يوم دخلنا حارة عمامي الا هذا واحد من العيال شمري توه ساكن جاين من حايل
ومنحـرف من قلب كل شي يعرفه وحنا متهولين منه :)
سلمنا عليه وهو يقلطنا وابوه متوفي الولد وهو أكبر أخوانه وبالمجلس وهو يطلع البكت ويدخن
وانا انفضخ قلبي ذالن يدخل علينا عمه يلعن ابو خيرنا
<- من كثر مايفتح شوارع ابوه بوجهه انسفه صارت بوه خرعه
وهو يقمز ولد عمي ويولع الزقارة وانا اتحمس واقبعه معه
قالي ولد عمي اشفط الدخان داخل بصدرك
وانا اشفط اول شفطه وانا اقوم اكح يما بغت تطلع قطعه من تسبدي
قال وحده ثانية وانا اشفط وهم يصيحون يلعبون علي يقولون ثالثه ثالثه واشفطه ورا بعض الين صار نص الزقاره جمره
وهي تصير الدنيا خضرآ على سواد
وهو يصير الجدار ازرق غامق بعد ماهو ابيض
وهو يمر شريط قدامي بوه صور اهلي <- قبل الموته
وهو يغمىا على اول مادق خشمي الطفاية
ولاأقعد الا عجيزهم الله يذكره بالخير حيه ميته الله يرحمه مادري وين رآحو <- ماعشق عندهم :)
ايه عجيزهم معه ماء مقري عليه ترش علي قايلين له العيال ان بي جن :qannaj:
وأقوم واول شي سئلت عنه طاقيتي <- شاريه جديده
وأراعي الا ولد عمي قدامي وقراعيطه يضحك ويجيه بوز يمشي 200
وهي تبلشن العجيز تبي تقرآ علي هههههههه
وأروح للبيت يا الله اشيل روحي والله يلعن الساعه اللي دخنا به
وتوته توته خلصت الحتوته هييييييييييييييييييييييييييييييييييييييي يييييه
توسدو إحترامي
