الحلقة الثانية من مسلسل عبيد ابونايف
السلام عليكم ورحمة الله وبركاته
الحلقة الثانية..............
قلنا ان ابو نايف اختار حنشل
والسبب هو ان ابونايف ما عنده فلوس يشتري (انكريزيه) ولا يحب (التتن اللف) – الظاهر يبي (مالبورو)-
رتب ابونايف ربعه (جماعة التحنشل) اعضاء العصابة :-
1 عبيد ابو نايف
2 عذاب ابو مرعي
3 يربوع ابو زيدان
مسكن الربع بقرية حدودية محادين القرى الكردية ابونايف وضع الخطة على انهم يحنشلون على قرية كردية الي يجي بيدنا غنم دجاج علو شيش اي شي-ذابحهم الهيف-
ابومرعي: انا ابي ( اجبنه) انام عليها .
ابو زيدان : انا ابي مراة اتمرى بها واعاكس البنات (شنو موبايل)
الربع قاطعين ذيله جايبين راس الدريعي
مشو على خطة راسمه ابونايف انهم يغيبون الشمس وهم مو بعيد عن القرية عشان تالي الليل يغيرون ويحنشلون ويريدون لهلهم سالمين غانمين.
غابت الشمس وهم مو بعيد عن القرية
جمعو حطب الان الجو بارد وهم لازم يبقون لنصف الليل ويغيرون على القرية والي يجي على ايدهم –اي حاجة- ما يضر
وهم يجمعون حطب شافوهم شباب القرية وعرفو انهم ناوين الفاينه رتبو الشباب وقالو نتغدى فيهم قبل لا يتعشون فينا
والربع ما يدرون مكيفين راح يجيبون الغنايم والبنات يسولفن بهم انهم راحو وجابو (عجيييييب)
اختلط الظلام شبو النار ويتسامرون بالحديث . ويتخيلون انهم يسوقون الغنم من يدخلون للقرية والحريم يهلهلن والرجال يضربون فشك (فلم هندي)
قربة ساعة الصفر وابو نايف يكتم انفاسه ويشد على ربعه انهم يدرجون مع الشعيب لين يدخلون على القرية واقرب كوزت غنم يفتحونه ويسوقون الغنم وقال لهم :- اسمعوا اول شي تسوونه تملصون اطبول الغنم عشان ما يفضحننا
ونسوق الغنم اول شي مع الشعيب نسوقه على القرية الثانية عشان نضيع الاثر وبعدين ننحدر على ربعنا(خطة استراتيجة)
وهم على هذا الحال اهجمو عليهم شباب القرية الكردية
اسروه الربع و خذوا ثيابهم .
عذاب لابس تحت الثوب (بريم) وهذا يصنعونه بمن جلد الغزال وبرمونه برم عشان يتشكل الرجال به
شافو البريم ويريدون ياخذونه من عذاب .عذاب حيى ومات على البريم وفي الانفاس الاخيرة تركوه لعذاب (حسافه يالربع)
خلوهم على هذا الحال ومشوا عنهم تورطو الربع مصاليخ وبرد والنار طفت (حال الجلب)
الحل قاموا يتمرغلون على السماد رايحين...... رادين..... ذبحهم البرد اصبحوا ويليتهم ما اصبحو جن الحطابات شافن هالمنظروساءهن ما شافن رجال مصاليخ والسماد مغطيهم و(جن بالنهار)
قاموا يدورون الشعبان مستحين اشلون يدخلون العرب وهم على هذا الحال
اخر السالفة طلعوا يحنشلون
ردو بطرك بريم عذاب ابو مرعي.................
انتظروا انتقام ابونايف
وما ادراكم ما هو ابونايف
