ليش أحب رفحاء الجزء الثالث ؟؟؟؟؟؟
السلام عليكم ورحمة الله وبركاته
مسالخير يالربع و يا بنات تنفيذا لرغبة بعض الأخوة و الأخوات الأعضاء نبي نستكمل
سلسلة ليش أحب رفحاء ؟؟؟
و ألحين راح نبدأ بالأسباب المؤدية لذلك
بسم الله الرحمن الرحيم
أولا
يالربع هذا واحد بدوي على بطنوه ساكنن بالنفود ما عمروه طب الديرة ألا ليلة
عيد الفطر و الأضحى علشان يشري ثوب الدفة أو يجيب علف للشياه
الوكاد أمه الله يخليه لوه أنمرضت و قرر مستشفى رفحاء تحويله لمستشفى بالدمام
و يوم صار كذا
جا أبو الولد و قاله يا ولدي خذ أمك و رح للدمام ودها راجع بها الطبيب
الوالد المسكين أرتكب غلطة عمره يوم أعتمد على هالكمخة
الوكاد راح الوالد و نزل ولده و مرتوه على باصات النقل الجماعي
و كلم نسيبه أخو المرة خال الكمخة و هو ساكن بالدمام
و قاله أبناخيك و أموه جايين للدمام علشان يراجعون بالمعزبة
و عطاهم رقم تلفون الخال و قالهم أذا وصلتوا الدمام
أتصل بخالك و خله يجي ياخذكم من الباصات
المهم توكل على الله الولد هو و أموه و راحوا للدمام
و هم بالطربق يوم وصل الباص للنعيرية
تخبرون الباص ينزل ركاب و ياخذ ركاب و نزل الكمخة يبي يشري ما
لوه و لأموه
ركزوا شوي ألحين
يوم نزل الكمخة سمع الكداديين حقين المشاوير يصوتون الدمام الدمام
يبون ياخذون مشوار للدمام
الكمخة هنا أتخذ قرار مصيري و قرر طوالي و بدون تفكير و لا تردد أنهم وصلوا للدمام
و أن هذولا الكداديين حاطينهم يعلمون الناس أنهم وصلوا الدمام
راح و نزل عجيزوه و قال يمه خلاص وصلنا الدمام
و يجي و بكل ثقة و يتصل على خاله و يبلغه أنهم بالدمام و هم ينتظرونه عند الباصات
ركب الخال سيارتوه و راح للباصات و يدور يمار مامن أحد
و يتشوف الغبي و لله ما من أحد
و يرجع للبيت ( على فكرة أكلحين مافيه جوالات )
و ياخذ شوين عند التلفون و ينتظر أتصال منهم
و شوي يدق الكمخة و يقول هاه خالي وينك ؟ ( شرهان أبو الشباب على التأخير الحاصل )
و هو يجاوبه الخال :يا وليدي دورتكم ما لقيتكم
و قال الخال له وصف لي مكانكم أنتم وين ( الحاسة السادسة أشتغلت عن الخال )
المهم قعد يوصف الولد ليما قاله الخال عطني أي واحد من ألي يمشون عندك ابي أنشدهم
و سأل الخال الرجال و عرف انهم بالنعيرية
قال: مشكور و يجزاك خير عطني الـ (طوووووووووووط ) ألي عندك
و كلم الخال الولد و قاله هاه وين الباص
رد الكمخة أي باص ياخالي الباص حرك من زمان و حنا نحتريك
قال الخال للكمخة : خلك بمكانك يا ( طوووووووووووط ) و لا تتحرك ألعن الله أبو أنت طووووووط
أنا جاي أخذكم ألحين الله طووووووووط يا طووووووووووط الشرهة معي عليك
يا طووووووووط الشرهة على أبوك الـ طوووووووووط ألي خلاك تسافر مع أمك
ثانيا
هذ مرة واحدن من العيال يقول يوم جيت البيت المغرب و أنا القا
ورقة معلقة على الباب و مكتوب عليه
( فلان تعال سير علي الليلة عندي شبة بلايستيشن )
بس
يقول و انا أنقهر و لا فيه جوالات أكلوقت
يمار ودي أعرف ألي كاتبن الورقة
الخبيل كاتبن الدعوة بس مهو موضح من منهو
يقول و انا اقعد أدخن عند عتبة الباب يمكن يجي ثاني مرة
حرام تقل مرتي تولد و انا أنتظر عند باب المستشفى
يقول و انا أنغث كل أكليلة و انا أفتر من بيت لبيت غديني اشوف سيارات
ناس متجمعين و اطب عليهم الوكاد يقول ليما أنغثيت و انا تندبل تسبدي
و اروح للبيت أنام
يوم جا من بكرة يمار ألي كتب الورقة صادفوه بله مجلس
و شرهان عليه
و قال لوه ليه ما سيرت علي البارح و يقوله اترك عنك الكبرة و لا خايف لا تصقع بالبلايستيشن
يقول يوم عرفت أنه هوه و انا وقتها كان ودي لابسن حزام ناسف و افجر فيه
حتى لو اروح فيها معوه
ثالثا
هذا مرتن كنت أتمشى مع واحد مواصل لوه ثلاث ايام
و قاعدين نفر بالشارع الأصفر و نسولف و نضحك
و خويي المواصل هو ألي يسوق و مبين عليه أثار قلة النوم
و ما غير يدخن كننا مسعرين بكفرة معانا بالغمارة
المهم يوم جينا عند الأشارة و حنا نوقف للأشارة الحمراء
و هو يجي خويي و يكز ولاعة الدخان ألي بالسيارة
يبي يولع زجارته
و ساكتين
و فجأة يوم طلعت ولاعة السيارة و هي تطلع صوت
و هو يجي خويي و يعشق السيارة و يدز
و يقطع الأشارة و بغينا نولي وننشب بلنا سيارة بالتقاطع
و أنا انشد خويي ياولد عوذا وش بلاك قطعت الأشارة ؟؟
قال مدر ي يوم سمعت صوت الولاعة مشيت حسبت الاشارة خضرا
بالله عليكم شدخل صوت الولاعة بفتحة الأشارة
هذاك صوت و الاشارة لمبة خضرا تولع
الرجال شكله على الريحة ما صدق خبر
و ألحين عرفتوا ليش أحب رفحاء ؟؟
لا تلوموني
و ألي ما عرف ينتظر الجزء الرابع علشان يعرف أكثر
رفحاء أحسن مدينة بالعالم
