أفيدوني أفادكم الله ..

أفيدوني أفادكم الله ..













أختكم الكريمة أهداااب ..





قررت من ضيقة الخلق و الملل تكمل ماجستير ..:)




في البداية أطلعت على الشروط و حطمني شرط واحد وهو اشتراط شهادة التوفل ..:puzzled:





فاتصلت على الدكتورة رئيسة القسم فقالت : يا نظر عيني هدوبة مو شرط

توفل ممكن تقدمي اختبار قدرات بس بسرعة قبل الوقت يروح عليك ..





فانطلقت و سجلت عبر موقع الجامعة على النت ..




و رحت للجامعة أمس و زكوني دكتورتين ..:)






يعني أوراقي الحين كاملة المتبقي بس اختبار القدرات ..




حسب ما قالوا لي أنه ممكن أقدم اختبار القدرات عن طريق موقع على الانترنت



بشرط أدفع بالأول مئة ريال و أخذ و صل من البنك ... الخ







سؤالي هو ..




من عنده خلفيه عن الدراسات العليا و كيفية تقديم اختبار القدرات هذا ..؟؟




إذا أمكن يشرح لي الطريقة و يعطني رابط الموقع ..










أسعفوني اخاااف يقفل التقديم و انا أوراقي ما اكتملت ..









و لكل العابرين من هنا قوافل جوري .. roooose

حسب معرفتي و قبل ثلاث سنوات او اربع سنوات

اذكر فيه اختبارين بالسنه بس :)


الاول قبل تنتهي السنه و بالضبط قبل نهاية الاختبارات النهائيه بثلاث اسابيع تقريبا


و الثاني بعد نهاية الاختبارات على طول يعني ممكن اسبوعين :)


و فيه تسجيل اللحين مفتوح مدري وش سالفته و اسمه اختبار القدرات العامة للجامعيين

و اشوف نهاية التسجيل 1/11 و يقولون مفتوح التسجيل


و الاختبار 3/11


وهذا موقع المركز الوطني للقياس و التقويم في التعليم العالي

http://www.qeyas.com/Qiyas/Info/Default.aspx

اقتباس:

---

حسب معرفتي و قبل ثلاث سنوات او اربع سنوات

اذكر فيه اختبارين بالسنه بس :)


الاول قبل تنتهي السنه و بالضبط قبل نهاية الاختبارات النهائيه بثلاث اسابيع تقريبا


و الثاني بعد نهاية الاختبارات على طول يعني ممكن اسبوعين :)

---

قبل أربع سنوات كنت لا ازال طالبة ..

و نظام القدرات عند تخرجي من الثانوية ما كان موجود ..


مدري من وين طلعوا لنا بهالسالفة .. :)

اقتباس:

---

اللحين مفتوح مدري وش سالفته و اسمه اختبار القدرات العامة للجامعيين

---

ايووووه هو ده .. :)

اقتباس:

---

و اشوف نهاية التسجيل 1/11 و يقولون مفتوح التسو فيه تسجيل جيل


و الاختبار 3/11


وهذا موقع المركز الوطني للقياس و التقويم في التعليم العالي

http://www.qeyas.com/Qiyas/Info/Default.aspx

---

انا المشكلة مو عارفه وش لون أقدم هالاختبار ..

في ناس قالوا لي بعد ما تختبري على هذا الموقع

تطبعي نتيجة الاختبار و أقدمها مع باقي الأوراق ..


على العموم ..

مشكور أخوي منصور و جزاك الله الجنة ..


راح اسأل و استفسر اكثر ..


اللي يسأل ما يتهوش .. :)



تقديري .. roooose

بالتوفيق لك يآرب

.
.

اقتباس:

---

المشاركة الأصلية كتبت بواسطة عطرشمر

بالتوفيق لك يآرب

.
.

---

أجمعين يا رب





فديتك عطورة كلك ذووووق .. rooose2

الله يوفقك هدوبه ..

اقتباس:

---

قبل أربع سنوات كنت لا ازال طالبة ..

و نظام القدرات عند تخرجي من الثانوية ما كان موجود ..


مدري من وين طلعوا لنا بهالسالفة .. :)

---

انا متخرج و كان فيه للطلاب بس

و توه حطوه للطالبات :)

اقتباس:

---

فاتصلت على الدكتورة رئيسة القسم فقالت : يا نظر عيني هدوبة مو شرط

توفل ممكن تقدمي اختبار قدرات بس بسرعة قبل الوقت يروح عليك ..

---

اقتباس:

---

---

اقتباس:

---

---

اتمنى تتأكدي

فالذي أعرفه أن اختبار التوفل معروف و معترف به عالمياً و هو شرط أساسي في القبول لدرجة الماجستير و الدكتوراة

و البكالوريس اذا كانت الدراسة في الخارج

أما إختبار القدرات (الذي يعده مركز القياس) فهو مخصص لقياس القدرات لما بعد المرحلة الثانوية و هو غير معترف به عالمياً

قد تكون الدكتورة تقصد (اختبار القدرات الأمريكي) و هو معروف بإختبار السات SAT و هو يعد في أمريكا و له شروط خاصة

اقتباس:

---

المشاركة الأصلية كتبت بواسطة منصور العطاوي

انا متخرج و كان فيه للطلاب بس

و توه حطوه للطالبات :)

---

طيب ..





تختبر بأسمي منصور ..





و الراتب بعدين ففتي / ففتي ..












وش قلت .. :)

اقتباس:

---

طيب ..





تختبر بأسمي منصور ..





و الراتب بعدين ففتي / ففتي ..












وش قلت .. :)

---

سجلي و ادفعي الميه و حددي موقع الاختبار و اروح ادخل الاختبار :)

اقتباس:

---

المشاركة الأصلية كتبت بواسطة الحنشل

[center]

اتمنى تتأكدي

فالذي أعرفه أن اختبار التوفل معروف و معترف به عالمياً و هو شرط أساسي في القبول لدرجة الماجستير و الدكتوراة

و البكالوريس اذا كانت الدراسة في الخارج

أما إختبار القدرات (الذي يعده مركز القياس) فهو مخصص لقياس القدرات لما بعد المرحلة الثانوية و هو غير معترف به عالمياً

قد تكون الدكتورة تقصد (اختبار القدرات الأمريكي) و هو معروف بإختبار السات SAT و هو يعد في أمريكا و له شروط خاصة

---

حنشل ..



ضربتين بالراس توجع ..




تكفا لا تحطمني ..:wallah_hoo:






أولاً : أنا تخصص أدبي ..



ثانياً : التخصصات المطروحة للماجستير كلها تربوية ..


مثل : طرق التدريس و الأدراة و التخطيط ..





أنا سألت و تأكدت أن المقصود بأختبار القدرات هو من يقدم عن طريق المركز الوطني للقياس



و لك الأطالع على هذا الرابط ..







http://67.225.196.222/vb1/showthread.php?t=221987





أحد الشروط يقول ..



أن يكون المتقدم حاصلاً على درجة 450 في اختبار التوفل( TOEFL450 )

أو نسبة 65 ٪ في اختبار المركز الوطني للقياس والتقويم في التعليم العالي. ( step)






ركز على حرف العطف أو ..





يا أخوك أنا ودي اتأكد ..:)






بس رئيسة القسم من أسبوعين رايحة شهر العسل و شاطفتنا




ما ترد على التلفون.. :)








شكر أخوي عايد على التوضيح





تقديري .. roooose

انا رجعت لموقع الجامعة (جامعة تبوك) و تأكدت من الطلبات


و دخلت لموقع (قياس) و فعلاً الاختبار هو لتحديد الكفاية للغة الإنجليزية step


و هو مثل ما ذكرتي مقدم من مركز القياس الوطني و معترف به


في بعض الجامعات السعودية .. المهم أنه معترف به لدى جامعة تبوك


توكلي على الله .. بس كان ودي لو تقدمي ماجستير ادارة تربوية (اذا كان متوفر بالجامعة)





بس انتي قدمتي طلب للإلتحاق ؟

ماشاء الله عليتس هديبه ..ايه هذا الدرس الي ينفع ..ماهو الحاسب وخرابيطه ..

الخوف ياهديبه تأخذين الماجستير ويقولون انتظري لين يجي رقمتس ..بالديوان ..

ويروح هالعمر ماجستير ودكتوراه اخرته نتوسدهن بقبورنا ككككككك

أول ما تخرجت وانا اجيتس طايره ابي اكمل الدراسات العليا حلم الطفوله <<امحق طفوله :)

وادخل على العميده حتى السكرتيره ما التفت له من قدي ابي اخذ الماجستير ..:)

المهم ..واقول له ..قلت ابشرتس يالعميده قررت احقق حلم الطفوله واخذ الدراسات ..

قالت التقدير ..قلت والله وسط ..زين نجحنا بدون حمل <<حمل مواد :)

قالت ضفي وجهتس واقضبي الباب هذا وانا معلمتن الجماعه كله اني ابي اكمل الدراسات

العليا وهالعالم ما سيرته غير حمراء والماجستير ..حتى الديره

يحتسونه بالمشاريق وبالدتسات ..من قده بنت فلان تبي تصير دختوره ..اخرته ..ادور

الرخصه ههههههههه

اقتباس:

---

المشاركة الأصلية كتبت بواسطة الصـpearLـغيرهـ

الله يوفقك هدوبه ..

---

ما عليش ..



فتك ..



الأيام هذي كلي مو على بعضي .. :)





أجمعين غلاتي ..





شكراً .. roooose

اقتباس:

---

المشاركة الأصلية كتبت بواسطة الحنشل

انا رجعت لموقع الجامعة (جامعة تبوك) و تأكدت من الطلبات


و دخلت لموقع (قياس) و فعلاً الاختبار هو لتحديد الكفاية للغة الإنجليزية step


و هو مثل ما ذكرتي مقدم من مركز القياس الوطني و معترف به


في بعض الجامعات السعودية .. المهم أنه معترف به لدى جامعة تبوك


توكلي على الله .. بس كان ودي لو تقدمي ماجستير ادارة تربوية (اذا كان متوفر بالجامعة)





بس انتي قدمتي طلب للإلتحاق ؟

---

ما قصرت يا النشمي



كفيت وفيت







كلي امتنان لك ..







تقديري ...rooose2

اقتباس:

---

المشاركة الأصلية كتبت بواسطة حمــ الموت ـراء

ماشاء الله عليتس هديبه ..ايه هذا الدرس الي ينفع ..ماهو الحاسب وخرابيطه ..

الخوف ياهديبه تأخذين الماجستير ويقولون انتظري لين يجي رقمتس ..بالديوان ..

ويروح هالعمر ماجستير ودكتوراه اخرته نتوسدهن بقبورنا ككككككك

أول ما تخرجت وانا اجيتس طايره ابي اكمل الدراسات العليا حلم الطفوله <<امحق طفوله :)

وادخل على العميده حتى السكرتيره ما التفت له من قدي ابي اخذ الماجستير ..:)

المهم ..واقول له ..قلت ابشرتس يالعميده قررت احقق حلم الطفوله واخذ الدراسات ..

قالت التقدير ..قلت والله وسط ..زين نجحنا بدون حمل <<حمل مواد :)

قالت ضفي وجهتس واقضبي الباب هذا وانا معلمتن الجماعه كله اني ابي اكمل الدراسات

العليا وهالعالم ما سيرته غير حمراء والماجستير ..حتى الديره

يحتسونه بالمشاريق وبالدتسات ..من قده بنت فلان تبي تصير دختوره ..اخرته ..ادور

الرخصه ههههههههه

---

ههههههههههه



يا حبني لك يا حمرا .. :d:





تصدقين عاااااد ..


أنا أحسن منك ..




من قبل ما أتخرج ينادوني خوالي يا الدكتورة .. :)




خلوني اشوف حالي غصب ..


أحس بعقدة الذنب إذا ما حققت لهم هالحلم .. :)




أمي من تركت هالمدرسة وهي تحن على راسي ..



ما تقعدي عاطلة ..


لازم تدرسي و عطتني خيارات ثلاث :


ماجستير .. دبلوم تربية خاصة .. دبلوم حاسب ..



تقول :


دامكن لا وظايف و لا عرسان لا تضيعن شبابكن كذا


أدرسنّ << مع التشديد على نون النسوة .. :)




يا حبني لها أميمتي ..


حكيمة ليتني طالعه عليها ..:)






هلابك حمرا منووووورة ..



بالتوفيق يا الغلا .. rooose2

تم تحديد موعد الإختبار في 24 / 11





دعواتكم لنا ..:165r:









لرغبات في الإلتحاق سارعن في تقديم صور من الأوراق المطلوبه و إرسالها عبر صندق البريد ..








و شكل السالفة دوخة راس و تعب على الفاضي ..




لأن بعد الإختبار فرز .. و بعد الفرز مقابلة شخصية .. و بعدها يدخل شغل الواسطة ..











مراسلتكم من تبوك ..







أهداااب






تصبحون على خير ..










:)

ههههههههه



و لا لك الا الصبر .. وش وداك له



ما شفتي شي



لكن اصبري و صابري << جهاد مو ماجستير