السلام عليكم ورحمة الله وبركاته
شلونكم ياجماعه الربع والربعات
هاذا مره من المرات طالعين حول محطه الخليوي الي على طريق رفحا
انا واثنين من العيال واحدن منهم مشتريله جيب توه ومحدن يعرف جيبوه
وتخطر على بال خوينا الثالث فكره جهنميه قال ليه مانسوي لنا كم مقلب
مادام الشعب مايعرفون الجيب قلنا قدام قال اجل ودوني للبيت بضبط المقلب
نزلناه وظلينا نستناه برى شوين ويطلع لنا واحدن شكله يفضخ القلب
لابسن ثوب شتوي عريض بعز الصيف ومع لحيه مشتريه من ابو ريالين تركيب بس ضابطتن عليه<<<< يصلح يضبط مقلب:3ajeeb:
ومتلطم بالشماغ ومطلع اللحيه وطالعتن قرون لشماغ وفارعن الصدر
مضبط المقلب بقووووه
وجانا معه رشاش <<<<<<<<<<<< وخذنا يوم شفنا الرشاش
قلنا ياولد وين رشاش لو يمسكونا الشرطه ولا احد نوخذ قال ماعليكم
قلنا يالله نشوف تاليه
ياليته مانعادت يوم قلنا له تم
<<<<<< بدو الربع يخططون منهو الضحيه:)
وندق على واحدن من العيال الي نمون عليه حييييل
قلنا تعالنا بالمخيم قال تم
وشوي وندق عليه قلنا وين قال بالطريق
<<<<<<<<<<<<< بدت اللعانه:solh:
والله وحنا نوقفلوه بنص الطريق
وهو يجي على الدقسن المقروود:d:
وحنا نكبسلوه وهو يوقف ونزل خوينا المتنكر
ويمشي يموه يعرج والرشاش بيده حنا نطالع بالسياره وماسكين بطونا
يوم قربله خوينا ويسحب الساجور ويقوله وقف
<<<<<<<<<<<<< عاد تعال دور راع الدقسن:solh:
وهو يحطه بثاني وماتشوف الا غبرته
وحنا نلف عنه شنق بغا يدعمنا
وهو ينحاش مكيم للدقسن:a:
وحنا نلحقوه نبي نعلموه اننا خوياه
المسيكين من زود الذله عيا لايوقف وهو دازن طبلونه وحنا وراه
الا فيه شبه عند واحدن من الربع وجالسين برى
وهو يمرهم ميق له صياح ويطوط يقول افزعولي :solh:
وهو يوقف عند بيت عمامه الي هو بيت خوينا المتنكر وينزل ركض
يبي يدخل داخل البيت الا نطحه ولد عمه يضحك درى اننا سوينا به المقلب
وحنا نوقف الجيب ونتجضع من الضحك
وهو يزعل المقضور وست شهور مايكلمنا
ويوصي واحد قال ترى اذا فضحوني عند الربع مهو بحسلهم
والله وحنا نستر عليه <<<<<<<<<< ماكنه فضحبه:)
عاد انتم استرو على الرجال يالربع<<<<<<<< لا والله:qannaj:
نعتذر عن الاطاله وانشالله تعجبكم هالسولافه
