تحية ياهل المضايف وتقدير...

السلام عليكم ورحمة الله وبركاته

صبحكم الله بالخير ويالله صباح خير لا شر فيه ..
قضينا من الالغاز اللي من اول رمعه تصيدونه ..
انا صراحه كنت أحطها علشان افكك عنكم عقد الغاز الجعيثن لأنه الله يسلمه اذا حط لغز نشب لغزه بصدر المضايف ثلاثة اشهر ما ينحل لكن هالحين استلمو هاللغز ومعكم مهله الى تاريخ 24/10/1431 هـ :)<=== الله يستر شكله من أول رمعه يبي ينفضخ ...
يقول :-

تحية ياهل المضايف وتقدير..
من قلب وافي قالها به حراره
هندست لي لغز بفكره وتفكير..
وصفه مثل صف اللبن في جداره
ياويش بنت خالفت خطة السير..
معاكسه خط الحياة ومساره
الكل بالدنيا بداياته صغير..
وهي الوحيده لا بدت من كباره
ماغيرها يولد كبير بتدبير..
الله يعين اللي تمره بداره
وارمع ترى الرمعه مثل رمية الطير..
ان كان ما صدته تطير غباره

وسلامتكم,,,

[align=center]
ابرمع وعساه تصيب








انفلونزا الخنازير








هاه فضخت عين اللغز والا من جنبه
[/align]

اقتباس:

---

المشاركة الأصلية كتبت بواسطة الكاتم

[align=center]
ابرمع وعساه تصيب








انفلونزا الخنازير








هاه فضخت عين اللغز والا من جنبه
[/align]

---

ثورت غباره ماصدته:3ayyen_khair:

والله اني متوقع اخوي الكاتم انك تفضخ عينه من أول رمعه بس الحمدلله جت سليمه هالمره :)

ننتظر رمعاتك المقبله بس انتبه ترمع بالجمله كالعاده <=== قمط ام العافيه يخاف يجيبه:)

[align=center]
نبي نجرب الرمعة الثانية ومولم لك الثالثة لكن نبي ننتظر محاولات بقية الربع
وش رايك برمعة





















الجلطة الدماغية>>كفى الله شره جميع المسلمين
[/align]

الكاتم..
رمعتك الثانية تخووووووووّوووووف

لاهنت انت والوافي
لي عودة للتفكير

صح لسانك

وش رايك بالطلق او الفشق
مدري تسمونه كذا او لا؟

[align=center]
يالله ياوافي انجز عليّ
مولم لك رمعتين جدد ان كانت رمعتي ماهي صحيحة
بحول الله وقوته انه ما يجي باكر الا وحنا حالينه

^
^
ماهو هين الكاتم بدت تفتر صفيرته وجهز الطبخة لا تحترق
[/align]

رمعتي والله يستر منه المصيبه الله يكفينا شر المصايب

اقتباس:

---

المشاركة الأصلية كتبت بواسطة الكاتم

[align=center]
نبي نجرب الرمعة الثانية ومولم لك الثالثة لكن نبي ننتظر محاولات بقية الربع
وش رايك برمعة





















الجلطة الدماغية>>كفى الله شره جميع المسلمين
[/align]

---

الله يكفينا وياك والمسلمين شر الجلطه
مالك لوا يا بعدي...

اقتباس:

---

المشاركة الأصلية كتبت بواسطة صلفيق

الكاتم..
رمعتك الثانية تخووووووووّوووووف

لاهنت انت والوافي
لي عودة للتفكير

---

هلا بالذيب

صحيح ان رمعة الكاتم تخوف بس ماصاده ..
بالنسبه للعوده والتفكير ما أظنه يمديك:3ayyen_khair:

اقتباس:

---

المشاركة الأصلية كتبت بواسطة عطرشمر

صح لسانك

وش رايك بالطلق او الفشق
مدري تسمونه كذا او لا؟

---

صح ابدانك يالعطر

بالنسبه لنا نسميه فشق بس مالك لوا:)

اقتباس:

---

المشاركة الأصلية كتبت بواسطة الكاتم

[align=center]
يالله ياوافي انجز عليّ
مولم لك رمعتين جدد ان كانت رمعتي ماهي صحيحة
بحول الله وقوته انه ما يجي باكر الا وحنا حالينه

^
^
ماهو هين الكاتم بدت تفتر صفيرته وجهز الطبخة لا تحترق
[/align]

---

ههههههههههههههه

ابشر يالكاتم... والله انك مانت هين يالذيب ....

اقتباس:

---

المشاركة الأصلية كتبت بواسطة جود الضياغم

رمعتي والله يستر منه المصيبه الله يكفينا شر المصايب

---

هلا بالضيغيميه

صح لسانك الف وانتي مصيبه بهالرمعه:)


المصيبه حينما تبدا كبيره وتصغر الى ان تنتهي وهي بعكس جميع الاشياء تبدأ صغيره ثم تكبر وتنتهي ..

الله يعين على عبدالله الجعيثن وش يفكنا منه تلقاه متسلقي من الضحك هالحين علشانهم حلوه:solh:

انتظروا الجديد

صح لسان من بنى اللغز ومن حله

الرمعتين كانت الازمة الاقتصادية وقناة الجزيرة وكل رمعاتي مصايب كفى الله شرهن المسلمين- يحوم حول الحمى يوشك ان يقع فيه- ماوقع الكاتم وقعت بهن جود الضيغمية >> ونعم والله

يالله لاتوخر علينا يالوافي>>>> الكاتم لابس ترنغ رياضه خضر ابو خطين بيض والبدلة ام سحاب عليها شعار وزارة المعارف والكرش ناطة شبرين قدام ويصلح عملية احماء استعداداً للغز القادم

اقتباس:

---

المشاركة الأصلية كتبت بواسطة الكاتم

صح لسان من بنى اللغز ومن حله

الرمعتين كانت الازمة الاقتصادية وقناة الجزيرة وكل رمعاتي مصايب كفى الله شرهن المسلمين- يحوم حول الحمى يوشك ان يقع فيه- ماوقع الكاتم وقعت بهن جود الضيغمية >> ونعم والله

يالله لاتوخر علينا يالوافي>>>> الكاتم لابس ترنغ رياضه خضر ابو خطين بيض والبدلة ام سحاب عليها شعار وزارة المعارف والكرش ناطة شبرين قدام ويصلح عملية احماء استعداداً للغز القادم

---

اضحك الله سنك اخوي الكاتم هههههههههه :solh:

اجل الكرش ناطه شبرين ... عسى ما بسرك قطن ..

يالله يالذيب شف الجديد هناك استلمه..

السلام عليكم ياهلا بالغالي وافي

بصراحه مالي في الالغاز ولكن اعجبتني الابيات حقت اللغز اثااريك شاعر

الشي الثاني معد شفناك بالماسنجر اشنوح كان ودي اكتب لك رساله خاصه ولكن ماقدرت فأظطريت اكتبها هنا علشان اسلم عليك يالعزوة

اقدر اقول رمعه لو طلعت غلط محد يزعل ولا يتشمت >> تو الناس:)

تحيااااااااااتي لك
اخوك

اقتباس:

---

المشاركة الأصلية كتبت بواسطة عبدي اصيل

السلام عليكم ياهلا بالغالي وافي

بصراحه مالي في الالغاز ولكن اعجبتني الابيات حقت اللغز اثااريك شاعر

الشي الثاني معد شفناك بالماسنجر اشنوح كان ودي اكتب لك رساله خاصه ولكن ماقدرت فأظطريت اكتبها هنا علشان اسلم عليك يالعزوة

اقدر اقول رمعه لو طلعت غلط محد يزعل ولا يتشمت >> تو الناس:)

تحيااااااااااتي لك
اخوك

---

هلا بالشيوخ عيال الشيوخ...
وش هالطلة المباركة يابعدي تو ما نور الموضوع ...

وبالنسبة للابيات ترى ذوقك الحلو ووالله مانيب شاعر ولا شي...
وبالنسبه للماسنجر والله اني من زمان مادخلته كارهــه مدري ليش ...
شرفتنا بمرورك ...
ولا تحرمنا زياراتك للالغاز