دامه رحل مظنون عيني عن الدار
انا بعد لجله جفيت العشيره
كني عقب فرقاه واطي على نار
والقلب كنه تشتعل به سعيره
اظلم سمايه وانقلب جوي غبار
والروح من فرقا وليفه خطيره
امسيت محتار وانا اليوم محتار
والعين من ساعة رحيله سهيره
تطري علي ايام واحداث وافكار
مثل الشريط اللي تبث الجزيره
ياما تبادلنا السوالف والاشعار
واطول الاحداث لو هي قصيره
وين انت ياللي عندك علوم واخبار
شفلي عديل الروح بايات ديره
قلب الشقا ياما تعرض للاخطار
يالله عسى في تالي الامر خيره
ولوهو بكيفي ما تردد ولا احتار
ارسل بداله من هل الدار غيره
صح للسسسانك ياسالم مقبل صح للسسسانك مليون بارك الله فيك روعه روعه اخوي
