تقبل الله منا ومنكم صالح الاعمال ...
يالربع يقولون أنك إذا ضيعت شي أو نسيت حاجة ما تدري وين حطيته ، تروح توضا وتصلي لك ركعتين ، يجي الشيطان يبي يوسوسلك بالصلاة ويذكرك بالي أنت مضيع .
أنا اليوم بصلاة المغرب وانا اصلي وراى الأمام جانن الشيطان وذكرن بلي سالفة قديمة ، بغيت اضحك ضحكه الضاهر يسمعونه المساجد الي حولنا كلهم ،، بس مسكت نفسي << اشوى أنه جت بالتشهد الأخير .
أنا يوم كنت اعمل بالشرقية وبالجبيل تحديدا كنت ساكن مع ثلاثة شباب شرواكم .. شرواكم الطيب .. كنا كلنا أهلنا بالرياض ، ونروح خميس وجمعه أو بالاجازات وكل مرة على سيارة واحد .
مرة من المرات رحنا للرياض خميس وجمعه وأنبسطنا وجت الجمعة ونبي نمشي قبل المغرب مدري وش اللي اعجلنا ... وحنا بالطريق جاء وقت صلاة المغرب وقفنا نبي نصلي .. قلت لهم من يبي يصلي بنا .. قالوا أنت .
قلت أصليبكم . حمد لله حافظ الحمد وكم جزء .. أقامو الصلاة وكبرت .
بالوقت هذا كانت فيه سيارتين تعدت شوي وقفت ونزلو يصلون معنا وكانوا خمسة ، أنا ما أنتبهت لهم خاشع بالصلاة .
صليت بالشباب وكل شي طبيعي ، جلست للتشهد الأخير .. وسلمت .. جلست شوي معطيهم ظهري ؟؟؟؟؟؟
وبدل ما أديور لهم ،،، قمت تزغلبت قدام << تشقلبت ..
وأنا اقف وألتفت لخوياي أبي أقول مشينا .. إلى الشباب كثرانين ونصهم ما أعرفهم . بهالحظة تمنيت أني مصلي بالبيت وماشي .
الحين ما أمشي إلى بعد صلاة العشاء .
ودمتم
