عرض للطباعة
يالمشتبه ياويــل من نطلبه دين=يشهد فعايلنا جميع الخلايق
حنا العرب وأصل العرب بالدياوين=تاريخنا فيه العبر والحقايق
أن سلت عنا يالسـويطي قحاطين=عواصم واللي حـذانا لفايق
حنا وعبده والضـــياغم بجدين=لطامةً في دقلنــا كل مايق
ليش بن حلاف يقول حنا وعبده والضياغم بجدين
الاخ الحيمري مسيك بالخير
اسئل تقول هذه قصيده بن حلاف طيب ماذا وجهه لبن سويط وشي المناسبه
وانا اشوف البعض يعدل في بيوت القصيده وهي فعلا عندنا كذا
نواش يامسا الخيرات
كيف حالك وعساك بخير
كم ساعه الصيام عندكم وشلون الاجوى الايام هذي اكيد ثلج ان شالله ترجع بالسلامه
الجواب
ليس المسؤول اعرف من السأل
هذه تخص الطماح وليس لنا حق بالاجابه انت تعرف انها حساسه وانا اقتبستها من احد العضا في منتدانا علما انت تعرف قصتها كامله لانها كتبها احد الاعضا في منتداكم وانت من رد عليه من جمله اللي ردو
ســــــــــــــلام
اولا شكرا لك يالحيمري
اما الصيام خله على الله والاجوى كما ذكرت
استفساري لان الروات اختلفو ا
اخوي الباحث بالتاريخ والانساب و القبائل ا الحيمري .
تنبيه لو سمحت
البيت هاكذا وهو الصحيح والمشهور ............؟
حنا وعبده والهيازع بجدين=لطامةً في دقلنــا كل مايق
اقتباس:
المشاركة الأصلية كتبت بواسطة العبدى الضيغمي
العبدي الضيغمي
اولا تشكر على الاهتمام
ثانيا انا نسختها من نفس منتدانا ماعدلت فيها ولا حرف واحد كتبها الكاتب الكبير المفضلي11 الله يخليه لنا وهو من الاعضا المميزين ولا عنده مجامله لحد
ثالثا نفس القصيده مدونه في منتدى الظفير وصار عليها نقاش حاد بينهم النقاش اللي صار ليش بن حلاف وجهه لبن سويط اما بيوت القصيده لم يصير اختلاف عندهم وكان العضو اللي وجهلي السؤال \ نواش احد المناقشين في منتدى الظفير
وانا سراحه اتابع كتابات اخونا وكاتبنا الكبير \المفضلي11
واشكر مرور
اخوي الحيمري طال عمرك يشرفني انك من المتابعين لكتابتي المتواضعه
نعم انا من وضع الاستفسار عن هذه الابيات
يالمشتبه ياويــل من نطلبه دين=يشهد فعايلنا جميع الخلايق
حنا العرب وأصل العرب بالدياوين=تاريخنا فيه العبر والحقايق
أن سلت عنا يالسـويطي قحاطين=عواصم واللي حـذانا لفايق
حنا وعبده والضـــياغم بجدين=لطامةً في دقلنــا كل مايق
البعض يقول حنا وعبده والهيازع
والأكثرية ومن ضمنهم الراوي الكبير المرشدي يقول حنا وعبده والضياغم
وانا اعتقد انه حنا وعبده والضياغم
والله اعلم لأن الضياغم ليس حكراً على شمر بل عجة فخوذ من كذا قبيلة وشكرن
حنا وعبده والضـــياغم بجدين=لطامةً في دقلنــا كل مايق
نعرف الضياغم عدة قبائل وفخوذ
((القصيده حسب ماورد بكلامكم) اخوي له عدة معطيات بقول الشاعر
س/منهم الجدين الرابط بين القبائل المذكوره بالقصيده
س/هل بعض قصائد الشعراء حجه على النسب ؟؟ وهل كل شاعر ملم بعلم أنساب القبائل ؟
من اهل العرف لعلنا نستفيد ويستفيد غيرنا ++
اخوي العبدي الضيغمي حياك الله
الشاعر صاحب القصيده شيخ من شيوخ قبيلة قحطان اللي نرجع له انا وانت وكل عبدي على وجه الدنيا
وش مقصده عاد ننتظر اهل العرف يجيبوننا وشكرن لك
حتى الابيات الشعرية ومعانيها ما سلمت من التحريف والتاويل والزيادة والنقص لمحاولة سرقة واختزال النسب ! ..
وش اللي يجري بالضبط ؟ ووش هالجرأة المستمرة والالحاح العجيب على العبث بالانساب لولا وراها سوالف اخرى مخفية بعضهم يردها لتصفية حسابات شخصية او قبلية فردية او جماعية قديمة عند بعض الشيبان اللي صدروها لبعض الصغار ومع الوقت وتكرار الكذبة صدقها بعضهم حتى انمسخت بذهنه ولابد له من صدمة كهربائية تجعله يفيق من علته ويرعوي عن حيفه . اعرف من اخذ على نفسه امانة الرد عليها والكتابة عنها مستقبلا وعن شبهات اخرى غيرها مدوّنة بكتب ومجلات وروايات ودراسات كثيرة وبالتفصيل الصريح الموثق بمراجعه وعلى ذمتها ما دام الطرف الاخر ارتضى ان يأخذ الامور هكذا بكل بساطة دون نازع او وازع او رادع او جازع او فازع ومناقشتها بفوقية وجرأة مشابهة لما يجري حيث سينشغل بعضهم عن اذى الاخرين في انسابهم المؤتمنين عليها وإلا فليتحمل العقلاء المتواجدين منهم بالمنتديات على الاقل وهم معروفون مسئوليتهم بلا منّة بفضج الجهلاء من القوم والتبرؤ من اقوالهم حيث لا كرامة لظالم ولو كان ابن ابيك ..
وللاسف يقدر أي واحد يسمي نفسه أي اسم مستعار وينتسب لاي فخذ مثل ( الفلاني / ري 99 ) او ( الفلاني / لي 999 ) او ابو بحث يبحث بحثا 9999 طبعا تاريخي فتّاني ما هو علمي تقني ولا غيره ، وهكذا .. ثم يستشهد هذا بهذا على هذاك بتداخل الاسماء المستعارة مع اسماء الافخاذ ..
البيت المشهور للمتجردين من الهوى والبحوث غير العلمية هو : حنا وعبدة والهيازع بجدين ...
قال وين اذنك ؟ قال من ورا اذني ! هالحين تترك اصحاب الشان انفسهم وترفض اللي يقولونه عن نسبهم المؤتمنين عليه جيلا بعد جيل وتروح تتعلق ببيت شعر لاجنبي ليس منهم وتاخذ نسبهم منه ، والله عيب ما يجري ، ونقص عقل وغيره ..
والمفترض انه يقول نجتمع بثلاثة جدود للعواصم ( جد ) ولعبدة ( جد ) وللهيازع ( جد ) ولكنه لم يفعل لان القافية ما ساعفته بل اضطرته يقول بجدين وهذا ما هو صحيح ولا يركب بالعقل لانه حسب السياق اما ان يذكر ثلاثة او يكتفي بواحد فقط ..
وبعض النسابة اللي قرأت لهم يقول ان العواصم من ال روح وهذا من جهة يدخلنا بتفاصيل كثيرة ما هو وقتها .. وهذا من جهة ثانية يتفق مع ما يقوله بعض الرواة والباحثين من ان اصل البيت الاساسي هو :
( حنا وعبده الضياغم بجدين )
يعني [ بدون واو بين لفظة عبده ولفظة الضياغم ] يعني الضياغم تكون صفة للموصوف عبدة
لانه يفتخر ان العواصم كقبيلة لها جد واحد يلتقون مع عبدة الضياغم كقبيلة مشهورة لها جد واحد وانهما اخوان ( جدان ) على مقصوده هو ( بجدين ) . وإلا ان كانت ثلاثة ( 1- العواصم 2- وعبدة 3- والضياغم ) فيلزم ان يقول : بثلاثة جدود ، ولم يقصد الشاعر ذلك لان المجال مجال افتخار بعبدة الضيغمية وحدها دون سائر القبائل الاخرى وان العواصم بالتالي طيبين لانهم اقرباء عبدة : الضياغم المشهورين بالمجد والطيبة ..
ولولا شهرة بيت الشعر برواية ( عبدة والهيازع ) لكانت رواية ( عبده الضياغم ) - بدون واو بينهما - شهادة من الشاعر نفسه على ضيغمية عبدة لانه اراد ان يقول حنّا عيال عم لعبدة اللي ترجع للضياغم ..
وعلى كل حال شوفوا كيف يعمل حرف واحد بحذفه او اضافته للجملة او لبيت الشعر عمايل بلاوي ويغيّر المعنى ويقلبه راسا على عقب فتنبهوا من الحرف والنقطة والفاصلة ونحو هذا ، وبعضهم له بحث اورد به شواهد مقنعة على بلاوي اضافة الحرف الواحد او النقطة الواحدة الى جملة او فقرة في كتاب ولو من عامل المطبعة نفسه او من الرواي او الناقل او الخطّاط او من سرقة الانساب والتاريخ اللي يعمدون على تحريف الحقائق ..
وما دام الاخ المحترم الحيمري كما ذكر الاخ العبدي الضيغمي باحث بالتاريخ والانساب فبودي اسأله هل بيت شعر الامير المؤسس عبدالله ال رشيد اللي يقول فيه
ومن اعتزى بالضيغمية تطليه !
يخرجه من الضيغمية ام ماذا ؟ وهل تظن ان له ابياتا اخرى غير هذا يعتزي فيها بالضيغمية ؟!
مع تحياتي للجميع
الاخ الفاضل شرفان الشديد بيض الله وجهك كفيت ووفيت ونحن كنا نراقب الموضوع ونخشى التدخل فالربع خلطوا الحابل بالنابل ومن الملاحظ التعمد بالمغالطة في الانساب في معظم مواضيع المنتدى وان لم تجامل في ردودك فانت معرض للتجريج والهمز واللمز
اخي الفاضل اكرر شكري وبارك الله فيك
شرفان
اقتباس:
وللاسف يقدر أي واحد يسمي نفسه أي اسم مستعار وينتسب لاي فخذ مثل ( الفلاني / ري 99 )
صحيح يقدر اي واحد يقول انا من الفخذ الفلاني بس الصعب تدري وشو الصعب اللي يبي ينتسب غصب للفخذ اللي يبي والاصل صعب اي واحد يقول انا من الفلاني وهو ماهو منهم اساساً والصعب هو اللي يدور له اصل بعد سنين ما حصله
وبعدين انت بعد العناء فسرت الماء بالماء
يعني ردك ما منه فايده مع احترامي لك رحت ودرت ورجعت تأكد لي ان عبده والشيخ القحطاني جدودهم اخوان والا وش رايك !.؟
اخي العزيز
شرفان الشديد
الله يعطيك عافيه ماقصرت
اخوي نسب واصل عبده معروف واضح قبل المنتدى وقبل القصائد هنا او هناك فالاصل لايتغيير معروف
مشكور اخوي
وما دام الاخ المحترم الحيمري كما ذكر الاخ العبدي الضيغمي باحث بالتاريخ والانساب فبودي اسأله هل بيت شعر الامير المؤسس عبدالله ال رشيد اللي يقول فيه
ومن اعتزى بالضيغمية تطليه !
يخرجه من الضيغمية ام ماذا ؟ وهل تظن ان له ابياتا اخرى غير هذا يعتزي فيها بالضيغمية ؟!
طبعا فيه
الضيغمي حط المراجل بعبه = وحنا لقط ماوقع بالترابي
مساء الخير ياخ شرفان الشديد
فعلا انت شديد في ردك هذا وبدون مجامله لحد اللا انك تجاوزت في ذكر الاسما المستعاره علما ان لايوجد في هذا الموضوع اسم واحد مستعار ابدا
جميع اللي اشتركو بهذا الموضوع وقامو بالرد كلهم باسماء صحيحه اللي ماهو باسمه باسم عايلته وعوايل شمر معروفه لمثلك اما اللي مايعرف عوايل شمر هذا ماعلينه منه حتى لو قال مايقول
انت وجهت سؤال لي بشان قصيده عبدالله الرشيد
الجواب
انت تعرف منهو موجهه له هذي القصيده موجهه فقط للجعفر ابد مالشمر او عبده بالذات علاقه بهذه القصيده وانت تعرف القصه كامله
اما من شان قصيده بن حلاف شيخ السعيد من الظفير
بعض الرواة والباحثين من ان اصل البيت الاساسي هو :
( حنا وعبده الضياغم بجدين )
هو قال حنا وعبده والضياغم بجدين
هذا شيخ الظفير وهذه قصيدته حناء مانقدر نحرف بها شي لانها موثقه في كتاب من كتب رواتهم وانا وجهلي سؤال من قبل الاخ نواش الظفيري عن سبب توجيه القصيده لبن سويط ولم اجيب عن السبب لانه اختصاص الظفير هم اللي يقدرون يجيبون عن السبب
ولك مني اجمل تحيه ياشديد
ابن العم الحيمري
تصحيح / بن حلاف هو شيخ من شيوخ قبيلة قحطان العريقة اللي نرجع له حنا يا عبده وليس شيخ من الظفير
اقتباس:
المشاركة الأصلية كتبت بواسطة المفضلي11
ابن العم وانت الصادق هو صحيح حسب قصيدته اصله يرجع لقحطان
لكن بن حلاف شيخ السعيد من الظفير
ســــــــــــــــــلام
( حنا وعبده الضياغم بجدين )
وانا طول عمري أحسب الضياغم من عبدة !!!!!
بس يالحيمري..
هل الضياغم من شمر ؟؟؟
http://www.qahtaan.com/vb/images/icons/icon1.gif قصــه وقصيدة ابن حلاف كامله ردا على ابن سويط الظفيري
هذي قصة ابن حلاف مع شيخ الظفير ابن سويط عندما حصل خلاف على مارد الماء
ألشيخ إبن حلاف شيخ السعيد من آل عاصـم من قحطان و ابن سويط شيخ الظفير كافه
حدث أن إبن سويط أمر رعيانة بأن يوردون أبلهم على الماء أولا ثم بعد ذلك بقية العربان وقد قال لجماعتة نحن أولا ثم الملفقين من الأجناب أي من هم من غير آل سويط أو الأشــراف فسمع بذلك ابن حلاف وقد غضب على إبن سويط وقال لجماعتـــــة من السعيد سوف نورد الأبل على الماء ولن ننتظر إبل إبن سويط فـإذا أرادوا القتال على الماء نقاتل أما إذا السلم و التعامل بالعهد
( التظفر ) الذي يربط بيننــا وبينهــم فمـــن أتى إلي الـــعد مصدر الماء أولا فله الميـراد وكان إبن حلاف و جماعته أول من ورد على الماء و بالطبع أبت نفس إبن سويط و أخذته الــــــعزة بالأثم نظــــرا لشجاعته هو وجماعته إلا أن يطاع فوقعت معركـــة بينـــــهم وقد إنتصــــــر إبن حلاف و جماعته على إبن سويط وبذلك إصبح إبن حلاف أولا في الميراد.
وحزت في خاطر ابن حلاف عندما تم تصنيفهم بالملفقين لذلك جات القريحه عند ابن حلاف و أنشد بالأبيات التالية معرفــــــا بنفسة و جماعتة وبنسبهم حيث ذكر ال مقحم بالقصب و الهيـــازع و قبيلة عبدة من شمر حيث أنهم بالأصل من قحطان ولكن نزحوا طلبا للرزق في العصور الماضية و إتحدوا مع القبائل المجــاوره لهم كعادة العرب قديما.
فقال إبن حلاف:
إن سألـت عنـا يالسويطـي قحاطـيـن .............. عـواصــم والــلــي حــذانــا لـفـايــق
حـنــا وعـبــده والـهـيـازع بـجـديـن .............. لـطـامـة فـــي حـقـنــا كــــل مــايــق
يـا مشتبـه ياويـل مــن نطلـبـه ديــن ............. تـشـهـد لنابالـفـعـل كــــل الـخـلايــق
مقحم نزل منا القصب وأغرس العين ............ وصاروا معـه بعـض القرايـا علايـق
مدهال من عرض على العسر واللين ............. متـبـيـن قــصــره بــحــد الـشـفـايـق
حناالعـرب وأصـل العـرب بالدواويـن ............ تاريخنـافـيـه الـقـصـص والـحـقـايـق
وشرايك تروح لمنتديات قحطان !!!!
غديك تشوف بنفسك ، وتجيب لنا الصح أو تترك هالمغالطات !!!
محد مطيعك هنا ،، لأن الكل يعرفون الحقيقة.
اقتباس:
المشاركة الأصلية كتبت بواسطة صلفيق
اقتباس:
المشاركة الأصلية كتبت بواسطة صلفيق
والله هذي كبيره منك اني ادخل منتدي ماني عضو به وسرق من كتاباتهم وانا ماجبرتك تطيعن واللا ماتطيعن
طيب وشي الحقيقه اللي انت تعرف وانا معرفه
اولا انت فهمت غلط بغلط بخطا
حنا ماتطرقنا لنسب حتى الان وبعدين انت ويننت رايح انا ادري ان بن حلاف اصله من قحطان من العواصم مثل ماشمر من قحطان
وهو شيخ السعيد من الظفير ويقاله ظفيري مايقاله قحطاني اما صله معروف انه قحطاني
يابنت من ينزل وراء = يدرهمه حمراء الظفير
الشرهه اللي جابتك= ماجابت الراس الكبير
وسبب القصيده لامعركه ولاشي توافق بن سويط وبن حلاف والكل منهم طرقي عند العلجاني
رجل من الظفير ظيوف
وحدث بينهم المراد المعروف لكل ظفيري وكل واحد يعرف القصه بين الاثنين مايحتاج لها فخفخه ونفخ
وانا مايحتاج اروح لا منتدى قحطان ولا احتاج لحد انت سمعت بمراد العام انتها على شان النسب وتوك تفطن واللا احد نخاك يفزعك على قصه العام
سؤالك ماهو في محله واللا اجبت عليك ؟؟؟؟ لان اصلا حنا ماتطرقنا لنسب
لازم ثاني مره وقبل ماترد تقراء وشي القصه ومن كتب الموضوع الاول وشو الموضوع اهل هو نسب او قصيده او قصه يجب عليك التاكد
هل هذا معقول يناس
السعيد اكبر فخذ من الظفير واشرز فخذ بالمعارك ماحد يعرفهم وشيخهم بن حلاف
بس معاركهم مع القني اللي هو بن عشوان شيخ اكبر فخذ من مطير تكفي الي يبي يتتب سوالف القبايل وقصايد هم في معركه الفاو
واللا الواحد يدخل له منتدى وشوف له قصه ويخذها نسخ ويصدقها هذا انا ماعتبره مجدي بالفايده خصوصا اللي تخص قبايل نجد لان كل شي معروف وحتى لو الواحد يبي يكذب يقولون له الناس وقف
بعدين ياصلفيق الظاهر انك توك تعلم ( WIND DIRECTION ) مبروك
الله يبارك فيك يالحيمري
نواش وجه لك سؤال مخصوص .. عن سبب توجيه القصيدة لأبن سويط ؟
وانت حتى الآن مارديت عليه بالجواب الكافي.
كان ردك عليه: مالمسئول بأعلم من السائل ..!
اذا انتم تعرفون شيء بينكم عن المناسبة ، خلونا نعرف !!!
كل يوم أدخل وأطلع ماأشوف الا اختلاف على نص البيت .
ماشفت اجابة على السؤال موضوع الحوار.
وأنا يالغالي ، وبما أني لست مهتما بالأنساب .. أقتبست لك الرد اللي كان يريده "نواش"، بما فيه القصيدة. ومن منتدى آخر.
القصيدة نفسها موجودة بهذا المنتدى ، ولكن أعلم مسبقا [من ردودك على الموضوع هناك] عدم اعترافك بالنص المكتوبة فيه.
البيت نفسه كما ترويه أنت : حنا وعبدة والضياغم بجدين .......................
يظهر للمتلقي ان الضياغم ليسوا من عبدة !!!
كل احترامي لك
آخرتها طلعتوا قحاطين ...^_^
إنقاذا للبشريه و انا ابتراسل مع شيخ مشايخ قحطان
ابقول لوه فيه ربعن لكم عندنا تذابحوا على الضيغميه
خذهم و فكنا من ازعاجهم ..^_^
اخوي الحيمري
وشن مصادرك؟او من وين جايب هالمعلومات ؟>>إن الضيغميه فقط للجعفر ...؟
انا بيي بيه قايلن له ان عبده الضياغم ..
عاد مدري يمكن الشيبان ماعندهم سالفه
وانتم يا شباب هالوقت اعرف منهم
لاهنت ..
و شنكر
حياك الله اخ صلفيق
برضه مافهمت سؤال الاخ نواش لي ماله علاقه بالنسب ابد
لكن انا اجاوبك على سؤالك ونعتبره خارج الموضوع لانك كرر النسب ثاني مره الله علم هل انت متعمد او هذه حد مفهوميتك او فهمت بالخطا؟؟؟؟
الجواب
حسب فهمك هل عبده قبل ضيغم او ضيغم قبل عبده
اذا مهتم في هذا الموضوع بامكانك تعرف الاجابه
اذا ماهمتك هذه الامور يلزم تجنبها وانا اعطيتك الاجابه اللبيب بالاشاره يفهم وهذي ماهي اشاره اجابه
ســـــــــــــــــــــــــلام
اقتباس:
المشاركة الأصلية كتبت بواسطة شرهــه
الاخت\ شرهه شكرا على المرور
وشو مسويه الفطور اول العشر الاواخر الله يرحمنا برحمته الواسعه
ياخت عليك بالاجتهات لله سبحانه وتعالى
كأننا والماء من حولنا .......... قوم جلوس وحولهم ماء
اخوي الحيمري
أسعد الله مساك
أشوف رجعنا على طير ياللي !!!!
الله يهديك بس ... ياخوي الله يرحم والديك اعتبر فهمي ضعيف
ونظري على قدي ، وعطني اجابة صريحة .
ابيك تجاوب على سؤال نواش..!
ليش ابن حلاف وجّه القصيدة لأبن سويط ؟
واذا تعتبر اجابتك كافية .. انا مافهمت مقصدك.
واذا أحد من الأخوان المتابعين فهموا من اجابتك شيء .. ياليت يوضحونه .
نترك موضوع النسب على جنب (بعدين أبتنيفذ لك عليه بموضوع مستقل ،، وموجه لك).
تقبل احتراماتي ،،،
اقتباس:
المشاركة الأصلية كتبت بواسطة صلفيق
اقتباس:
المشاركة الأصلية كتبت بواسطة صلفيق
الاخ المحترم \ صلفيق
والله ماودي انك انك تحدني على الاخر بالاجابه عن توجيه بن حلاف بقصيدته بن سويط لكن اجاوبك علما اني اعتذرت للاخ \ نواش من الاجابه لكن يسمحلي ابو ساري اجاوبك
توافق بن سويط وبن حلاف عند العلجاني من الظفير ولكل منهم ظيف وبعد العشا والجلسه
شافو برق ينوض بحد القاع يعني بعيد
قال بن حلاف يابن سويط وين تخيل البرق قال بن سويط اخيله على الديره الفلانيه (( يعني لمزه )) زعل بن سويط ليش تقولي وين تخيل البرق بمعنى اني شيخ عموم الظفير وتقولي هالكلام
زعل بن حلاف على جواب بن سويط وقال هذه القصيده ..... لو كانو بمعركه وذابح ومذبوح كان مايجيب لنسبه طاري بهالقصيده
بعدين ياسنايدي ياصلفيق
هل اقتنعت ان بن حلاف شيخ السعيد ظفيري واللا لا اترك اصله معروف ان اكثر العرب ترجع القحطان
اعتذاري للاخ نواش عن الاجابه سابقا
انا اجبت على شان لح الاخ صلفيق وانت يابو ساري تبي الاجابه هذي من اول حسب مافهمت من اديبكم ابو شوكان في منتداكم
ســـــــــــــــــــــــلام
اقتباس:
المشاركة الأصلية كتبت بواسطة شرهــه
ـــــــــــــــــــــــــــــــــــــ
الاخت : شرهة
هذولا ما تذابحوا على ( الضيغمية ) كاسم او مصطلح مجرد من المعنى او القيمة او نحو ذلك بل تذابحوا على ( إرث الضيغمية ) ، واظنهم مستعدين يتذابحون عليه من جديد زي اجدادهم الاولين ولما تقوم الساعة ..
( الضيغمية ) المقصودة هي ( ضيغميتان ) يعني : قسمين ( 1- النسب ) + ( 2- الإرث ) :
(1) والنسب سلالة عرقية فيها صفات فطرية وصفات مكتسبة متميزة نسبيا منذ نشأتها الاولى كخلاصة من انقى قبائل العرب العزيزة : يعني سلالة اشرف ملوك العرب : من جهة قحطان ( معاوية ابن عمرو الحارثي ) ومن جهة عدنان ( المهلهل ابن ربيعة التغلبي ) فكانت فصيلا قبليا يحمل صفات متوارثة محمودة متناسقة مطّردة محتدّة على الاطلاق منذ الاساس ..
اما سمعت يا اخت شرهة عن قصة الشيخ ابن ملحم ( العنزي ) – لكي يستعيد شيخته – مع الامير ابن علي ( الشمري ) .. ؟!
ولنكن واقعيين فان الفوارق الفطرية موجودة بين البشر كافراد وكجماعات وحتى تقوم الساعة . يقول عليه السلام : ( .. الناس معادن .. ) . ويقول الضيغمي المشهور عمير ابن راشد ال منيف – كما ينسب له في رواية - من قصيدة : ( .. وما الناس إلا في بنوك معادن – وما طاب في بنك المعادن طاب .. ) . ويقول شاعر ما ادري وش اسمه : ( من به جبلات ن من الله حاطها – تزول الرواسي والجبلات راسية ) ، وغيره مثله كثير ..
(2) اما الارث فهو التاريخ المكتسب المتراكم عبر الاحقاب المتتالية : الملاحم والبطولات والمغامرات والفزعات والمروءات والاخلاقيات وكل الطيبات ..
انهم يتذابحون على ( العزة ) وهي : النسب من جهة والارث من جهة ، او هو بصيغة اخرى ثانية ( المجد ) ..
ثم للاستدراك فان لـ ( الضيغمية ) إرثين عظيمين هما :
(أ) الارث الضيغمي المستقل ( القديم ) : وهو ارث فردي او قبلي ( جماعي ) عبر التاريخ الممتد تقريبا منذ القرن الخامس / السادس الهجري وحتى الاستقرار في منطقة ( رواســـي شـــمر ) ..
(ب) الارث الضيغمي الشمري ( المعاصر ) : حيث تحقق بتداخل بعض الضياغم ( السناعيس ) المذحجيين مع بعض ابناء عمومتهم الطائيين وغيرهم واسسوا هذا الكيان القبلي العظيم ( شمر – وريث المجد العربي القحطاني ) كاسم ونسب وكارث ومعنى ، وصنعوا دولة مركزية ارتهنت بتاريخ مشرّف مشترك ( يرفع الراس والرقبة ) ..
وهذا ما جعل بعض ( سرّاق النسب والارث ) كما يفضّل بعض الاخوان تسميتهم بذلك في بحث مفصل مخطوط وعد انه قد ينشره - لنوازع ذكية استبدادية – يحاولون الاستحواذ عليه واحتكاره لانفسهم دون سواهم حتى ولو كانوا من ابناء العمومة ..
ولهذا يتسائل بعضهم مقارنا بين غزو اليوم وغزو الامس : ايهما اسهل : ان تؤخذ إبلك وخيلك ( الحلال ) ؟! او يؤخذ نسبك وتاريخك ( الذات ) ؟!
اذن هي تماما كما يتصارع ابناء الملوك مع بعضهم او مع ابناء عمومتهم او عشيرتهم عبر الازمنة على موروث / تملك القيمة التاريخية والمهابة او امتياز الخصائص القبلية المنبثقة عنها ..
اخيرا كنت قد دعوت سابقا لدراسة النسب والارث الضيغمي بتفصيل وتركيز اكثر - ولا زلت - لما فيه من فرائد اخلاقية عظيمة جعلتهم يتذابحون فيما بينهم عبر امتداد التاريخ على تملك العزة والمجد كغاية ومعنى وليس على الحصان والبعير كتحصيل حاصل ..
اما " القحطانية " فلا تبتئسي من جانبها لانها ليست قحطانية اليوم القريب المعروفة وانما هي ابتداءا من ( ضيغم ابن معاوية ابن عمرو المذحجي الكهلاني القحطاني ) قبل 1400 سنة ..
أمّا أنا --- وابراءا لساحتي من أي فهم مغلوط --- فـ " مشتط " في هكذا مسائل قبلية حتى اصبحت من اولوياتي اللتي اتعبّد بها لله سبحانه لقناعتي – من خلال قراءة الواقع العربي المتردّي – ان القبيلة العربية الاصيلة ( الصافية النقية ) هي آخر القلاع المتبقية في " الامة المستهدفة " اللتي ستحافظ على بقايا العزة الضائعة لان القبائل في اصلها : مجموعة فضائل ان كانت طيّبة او مجموعة رذائل ان كانت رديّة ، ولهذا قال عليه السلام من حديث طويل في مسند الامام احمد ابن حنبل ( .. وقبيلة خير من قبيلة وقبيلة شر من قبيلة .. ) ، حيث لا اترقـّـب – باختصار – العزة أبدا من وسط دهاليز القاهرة او بيروت او الرباط او غيرها / مثلها / كلها حيث الناس مستهلكون في الصميم في الرز والسكّر والماء والكهرباء ، وليس عندهم أي مشروع حقيقي للعزة الحقيقية ..
نسأل الله تعالى المعافاة ..
ـــــــــــــــــــــــــــــــــ
اقتباس:
المشاركة الأصلية كتبت بواسطة شرفان الشديد
شرفان الشديد انت تعبيرك جيد لذلك اشكرك
لكن انت رحت بعيد جدا لان كلامك ماله علاقه بالموضوع الموجه لي من كاتب الموضوع تمنيت لو تمعنت وتصفحته من البدايه وبشرك الناس بالف خير لاذابح ولا مذبوح ؟؟
بعدين انت وجهت كلامك للاخت شرهه واقتبست كتابتها هذي شرهه دايم تمزح وفالتها بالمزح هي من رواد مضيف فله الحجاج
ســــــــــــــــــــــلام
تصحيح وتبيان :
تصحيح من نقاش وتبيان للحق والحقيقه لما دار بين صلفيق والحيمري وايضاح ذلك للجمهور حتى يكون على بينه , وهذا على لسان اصحاب الشأن فهم مصدر التأكيد والتوثيق بعيدا عن المغالطات والقلوب المريضه لأن نور الشمس لا يغطا بمنخل فهو واضح للعيان ... ,
اما بما يخص القصيده فالبيت الذي عليه الخلاف سوف نبينه ,,
وقبل ذلك اريد ان اوضح القصه التي ساقها الحيمري وهي غير صحيحه اطلاقا .
فهي لا تعني ابن حلاف لا من قريب ولا من بعيد فهذه القصه والتي فيها همز ولمز مقصود منها احراج كل طرف من المتعاطين فيها وهم ابن سويط واباذراع ..,
ولا يخفا ذلك على الظفير فالمتحرش بالأخر هو ابن سويط متحرشاً في اباذراع
حيث قال :
(( خلك معي يا اباذراع نبي نخيل هالبرق , تهقى وين تخيله..؟ قال له ابا ذراع ابدأ انت أول ,فقال ابن سويط اظنه على بيشه ورنه.,ورد عليه اباذراع لا وانت الصادق اظنه على الحجره ))
ومعروف عند الفاهمين مدلول الوصفين ...؟
فيأخينا الحيمري لا تخم العلم خم ابن حلاف نسبه واضح واصله معروف من رؤوس قحطان ولا مجال للأخذ والعطاء فيها واهل مكه ادرى بشعابها .
أما مايخص البيت الذي عليه الخلاف في مناقشتكم فتوضيحنا هو الأتي :
فالمعروف والمؤكد لدينا ان البيت هو (( حنا وعبده والهيازع بجدين))
وهذا هو الصحيح وتلك العربان التي استشهد بذكرها
الأمير/ نمر ابن حلاف هم من قحطان علما بأنهم بعيدا عن القبيله الام فعبده مرتبطه بشمر والهيازع بعنزه لكن الاصل ثابت ولا يخفى على احد ،ومالك بالقول اللي يقول الجد الاول وثاني وثالث فقصد ابن حلاف واضح ولا يخفى على الفاهم .
والقصه التي رواها صلفيق عن سبب القصيده هي الصحيحه حيث صار مشاد وتحدي بين ابن حلاف وابن سويط وجرت الواقعه على الماء كما ذكر سابقا.
[warning]ا
ايقاف عضويه دائم :
[align=center] إستخدام عضويه لمساندة عضويته الاساسيه
في حاله تكرار ذلك .. سوف يطال الايقاف العضويه الاساسيه
[/align]
[/warning]