يالرياضيين .. إيش فيه ؟

/

السلام عليكم ورحمة الله وبركاته

مبروك عليكم الشهر وعساكم تقضونه بطاعه الرحمن والفوز بالجنان

/
/

مر عليّ اكثر من شكوى[ على فتراة زمنيه ] بتردي وضع المضيف ، من ناحيه الانضباط الحواري ، وصراحه ما اقدر اغطي الرياضي وجميع مايدور فيه ، وما يسعفني في ايجاد حل لاي اعراض جانبيه هو ان اغلب المشاركين به لديهم فن راقي في الحوار ، ولكن البعض منهم قد يخرجون عن هذا الفن بغير قصد من باب استمرار الجدال او اطاله المحادثه حول موضوع معين وقد اترجمها من باب توسيع الصدر والفرفشه لا اكثر ولا اقل .


ولكن ؟ كثرة المزاح تورث الضغائن

فياليت لو تساعدوني وتساعدون ايضا اعضاء الجهاز الاداري من له صلاحيه على مضيفكم ، بتهذيب تفاعلاتكم وجعلها تحت الخط المسموح به عقلا وعرفا



/


حبيت اسلم عليكم ، وافضفض لكم برجاء قبول حروفي كما هي



اخوكم
ابو سلطان

ابو سلطــان بيض الله وجهـك ياخالي




والمضيف الرياضي بحاجة ماااااااااااسه لمشرف










يعيك العافيه يابو سلطان واضم صوتي لصوتك ومنا للأخوان الرياضيين





<_ يراعي للشبث ومنصور :)

^
^

انا اسوي مثل الشبث لا تراعي لي



يعطيك العافيه يا ابو سلطان



و ابشر و ان شاء الله ننضبط اذا شفت انضباط منهم

هلا بالزعيم ابوشهاب



فعلا المضيف بحاجه لمشرف



وتواجدك هنا الليله سيجعل كل من يدخل



يفكر الف مره قبل الرد



تحياتي لشخصك الكريم

اقتباس:

---

والمضيف الرياضي بحاجة ماااااااااااسه لمشرف

---

يوسف وش رايك ترشح نفسك للاشرف على الرياضي

ابو سلطان يعطيك العافية






وان شاء الله الاخوان ماراح يقصرون



وكل واحد يتقيد بحدود الأدب في طرحه









تقبلوا تحياتي

أبو سلطان حياك الله وتواجدك بالرياضي يفرح مرتاديه


وإن شاء الله نكون عند حسن الظن

وأجمل ما بالرياضه النقاش ولكن الخروج عنه اعتقد لازم يكون لان جميع الاعضاء وان اولهم متعصبين لانديتهم ويحب يكون الافضل ناديه في كل شي !!




أبو سلطان مدامك شرفتنا نبي نطلب منك تعين مشرف للمضيف الرياضي

هلا والله ابو سلطان , كل عام وانت بخير ومبروك عليك الشهر وعلى الجميع
المضيف الرياضي وماادراك ماالمضيف الرياضي , لو يكون فيه انضباطيه و التزام من الاعضاء نفسهم صدقني ماراح يحتاج لـ إداري يكون واقف على روسهم ..
الهلالي هنا يكره النصراوي والنصراوي يكره الهلالي , وفيه ناس تفهم الذب خطأ , ويبي يغلط ومايبي احد يعاقبه . . ع العموم الله يقويك ويقوي الجميع وبالتوفيق لـ شمر سبورت . . !!

ابو سلطان

المضيف الرياضي ارحم من مضيف قصة وقصيدة

/

هلا بالغالين جميع من شارك قبل ردي

واللي يبون يشاركون بعد ردي :)

/


/

حاجه حابب اوصلها لكم جميعا ، وهي ميولي الرياضيه عشان الواحد ما يخطي على فريقي :)

انا هلالي متعصب حتى النخاع:a: عاد وش هالنخاع ماادري بس حسب سياق الاستشهاد بها عندما اسمعها توحي لي بان مقابلي منحد على اقصاه ، وشوي ويفتح لنا طبقه اوزون ثانيه فوق نفود الصمان :)

الزبده ..

سلطان حاله حال جيل بليستيشن 2 ولا يهون ثري ، طلب مني اشتراك بطاقه عشان الكوره قلت فرصه ابين له تعصبي وانني شاب رياضي اتيكيت :) ، بعد الاشتراك وأول مباراة كانت للهلال قلت اعطيه تحليل فني قبل اللعبه عشان يعرف بعدي الرياضي واشخص عنده .

قلت له الحين يجيك صالح النعيمه صخرتنا الدفاعيه وتشوف دينمو الوسط المصيبيح وصاروخ ارض ارض ريفيلينوا .. وكنت ناوي اسجل معهم اخصائي كرات ثابته بس هالاخير جاء واخذ مركزي ... الخ ، قاطعني ، قال : يبه هذا ا لهلال السعودي ، رديت قلت : أدري ، قال : ماعمري مر عليّ اسماء هاللعيبه :wallah_hoo:عرفت ان بيني وبينك ماتفيد المراسيل :)


/

فـ انا رياضي منقرض :) عشان كذا لا احد يقول اني هلالي او نصراوي او جبلاوي :)


/
/



وبالنهايه ..

ادري ان المضيف ناقصه اداري ، واشوف فيه ثنين او ثلاثه من مشرفينه المخضرمين الذين اعتذروا متواجدين ، ولا ادري عن ظروفهم


/

/


شاكر لكم جميعا الاطلاع على موضوعي ، واطلاعكم عليه يعني لي الشيء الكثير

اقتباس:

---

المشاركة الأصلية كتبت بواسطة أبو روز

ابو سلطان

المضيف الرياضي ارحم من مضيف قصة وقصيدة

---

بالعكس مضيف قصه وقصيده حله سهل ، حبتين بنادول اكسترا ، وادخله بس لا تطول اكثر من عشر دقائق ، لان مفعول البنادول ينتهي مفعوله هناك بسرعه :)

/

بحاول اضع المشاركات هناك جميعا تحت مراجعه المشرف

^
^
^



حيالله ابو سلطان


مبروك عليك الشهر




مالك الى الاجر



مالي حاجه حبيت اسلم و ابارك في الشهر


الله يقويك

ابو سلطان انا وصلتني خبريه عن احتمال ان العمده يصير مشرف على الرياضي


و خبريه حلوه و ياليت تكمل






























اهم شي يكون المشرف هلالي << حتى بالاشراف تعصب

اقتباس:

---

المشاركة الأصلية كتبت بواسطة المشرف العام

/
طلب مني اشتراك بطاقه عشان الكوره قلت فرصه ابين له تعصبي وانني شاب رياضي اتيكيت :) ، بعد الاشتراك وأول مباراة

---

وشو له كل هالدفع والتجديد و الخساير يابو سلطان :puzzled:

خلك مثلي متعصب حتى النخاع للقرصنة :)
, قنوات الأوربت سبورت والجزيرة و الدسكفري والشوتايم وهلم جرا كلها عندي :qannaj:
بدون dsl و شيرنج و حوسة و تقطيع و باقل من او حوالي الف ريال شاملة
المعدات و التركيب..

مدري , ممنوع اذكر الطريقة هنا - بما انها منتشرة - او لا ,و خصوصأ ان اي قناة
مشفرة على اي قمر بيتم فتحها ..

- - -

بخصوص المشرف , سالم قالها : بعض الاعضاء يفهم الذب غلط .. وياخذه بجد ..
و مافيه إداري رياضي متمكن من ضمن اعضائنا , بنظري إلا واحد و له رد هنا لذا
اقترح تعيد تقييم فوائد وجود هالمضيف من عدمها ..

اقتباس:

---

اقترح تعيد تقييم فوائد وجود هالمضيف من عدمها ..

---

ملامح انت ما يهمك المضيف الرياضي و لا لك موضيع و لا لك ردود كثيره بالمضيف يعني تشوفه ما يهمك و لا له داعي وجوده بالمضايف بالنسبه لك

شلون تطلب انه يتقفل المضيف الرياضي


اذا انت ما يهمك المضيف الرياضي فيه غيرك ما يدخل و لا يشارك الا فيه


شلون تقول ما فيه له فوائد



ياليت تنظر للمضيف من جميع الاتجاهات مو من اتجاه يهمك

يستاهل العمده الاشراف

أبد جاي اطلع على الموضوع واتوكل على الله




واستلموا سلامي

ابو سلطان


الشهر عليك مبروووك


والمضيف الرياضي مابوه الا الخير


النقاشات الرياضيه الحامه حنا متعمدينه


من ايام محارش الله يذكروه بالخير وحنا نتفق ونجي هنا نتقابس



عادي








لكن انا معكم ان المضيف الرياضي ينقصه الكثير



بس الحل سهل





ابي ارسل لك رساله بالخاص



وتقلد تحيتي

^
^
^



سوء على الشخص هذا حضر عن المضيف الرياضي


بتحصل الهدوء و راحة و طمئنينه (( لي في مضايف الاسلاميه ))

بتحصل هنا في قسم الرياضي

حيا الله أبو سلطان
و مبارك عليك الشهر الفضيل

و يا ليت تحط لنا مشرف للرياضي بساع لا هنت

ترا نوبات يحصل به رمي

اقترح تعيد تقييم فوائد وجود هالمضيف من عدمها ..

اقتباس:

---

المشاركة الأصلية كتبت بواسطة منصور العطاوي

ملامح انت ما يهمك المضيف الرياضي و لا لك موضيع و لا لك ردود كثيره بالمضيف يعني تشوفه ما يهمك و لا له داعي وجوده بالمضايف بالنسبه لك

شلون تطلب انه يتقفل المضيف الرياضي


اذا انت ما يهمك المضيف الرياضي فيه غيرك ما يدخل و لا يشارك الا فيه


شلون تقول ما فيه له فوائد



ياليت تنظر للمضيف من جميع الاتجاهات مو من اتجاه يهمك

---

ابشر اخوي منصور , وليتك نظرت لردي من جميع الاتجاهات مو من اتجاه يهمك.

^
^

ملامح


مدري ليه اغليك يا دب






















شقردي


اوريك



وتقلدوا تحيتي

ملامح

اقتباس:

---

وشو له كل هالدفع والتجديد و الخساير يابو سلطان :puzzled:

خلك مثلي متعصب حتى النخاع للقرصنة :)
, قنوات الأوربت سبورت والجزيرة و الدسكفري والشوتايم وهلم جرا كلها عندي :qannaj:
بدون dsl و شيرنج و حوسة و تقطيع و باقل من او حوالي الف ريال شاملة
المعدات و التركيب..

مدري , ممنوع اذكر الطريقة هنا - بما انها منتشرة - او لا ,و خصوصأ ان اي قناة
مشفرة على اي قمر بيتم فتحها ..

---

ردك هذا تعليق على كلام ابو سلطان

اقتباس:

---

بخصوص المشرف , سالم قالها : بعض الاعضاء يفهم الذب غلط .. وياخذه بجد ..

---

وهنا تايد كلام سالم

اقتباس:

---

و مافيه إداري رياضي متمكن من ضمن اعضائنا , بنظري إلا واحد و له رد هنا لذا

---

وهنا تتكلم عن عضو وبالالغاز

اقتباس:

---

اقترح تعيد تقييم فوائد وجود هالمضيف من عدمها ..

---

وهنا كلامك الي علقت عليه

اقتباس:

---

وليتك نظرت لردي من جميع الاتجاهات مو من اتجاه يهمك.

---

طيب وين الاتجاهات الثانيه بردك

ماني شايف شي

ياليت توضح اكثر اذا فيه شي ثاني بكلامك

من يشآرك بالقسم الريآضي فعليه تقبل الحوآر والنقاش الرياضي بكل روح رياضيه

اقتباس:

---

المشاركة الأصلية كتبت بواسطة بــــــــــدر

من يشآرك بالقسم الريآضي فعليه تقبل الحوآر والنقاش الرياضي بكل روح رياضيه

---

مااختلفنا على كذا . . البعض مايبي يناقش بـ عقل و منطق // يبي الشي اللي يفرضه عليه تعصبه
ان تعدّل رده زعل , ان انحذف رده قال انا من الاعضاء القدامى وانت توك جاي :) و و و . . !!

مشكلتنا وحده بس // التعصب اللي ماله سنع

اقتباس:

---

ان تعدّل رده زعل , ان انحذف رده قال انا من الاعضاء القدامى وانت توك جاي

---

يا كثر ما صارت معاي و هذا سبب من الاسباب الي خلتني اتنزل عن اشرف المضيف الرياضي

8
88

منصور نفس الحاله


وبعد الحاح طلبت من طلال يطيرن من الاشراف

ابو سلطان

نورت المضيف الرياضي

واهلا وسهلا بك


والرياضيين هنا بالمضايف ما يبي

احد يناقشه ابد

واذا نا قشته فانك ما تفهم ويبدا يسفل

واذا حذف رد التسفيل فانك مجرم بحقوق الانسان

ويروح لولد عمه الاكبر من منصب ويبدا يهدد

بس يا ابو سلطان وسع صدرك

وحط لك مشرف جديد

واتمنى انك ترجع منصور العطاوي لانه بزمانه مر
المضيف الرياضي باجمل ايامه
ومنصور

تالق بالاشراف الرياضي

ودمت بخير

اقتباس:

---

واتمنى انك ترجع منصور العطاوي لانه بزمانه مر
المضيف الرياضي باجمل ايامه
ومنصور

تالق بالاشراف الرياضي

---

حمود و انا مجنون ارجع مشرف و الحال نفس الحال

لو ابي ارجع راح تكون فيه لي شروط
وهي ما فيه احد يتدخل بالي اسويه من الاداره الا ابو سلطان
و راح تكون فيه مخالفات كثيره و تحذير اكثر و لا يتدخل فيها بعد الا ابو سلطان
و امسح و اعدل جميع الردود من ضمنهم الي بالاداره


و اهم شي راح يكون فيه زعل كثير من اكثر من شخص

يعني ما انفع يا حمووود


و بعدين الي يبي يصير مشرف و انا ارشح العمدهـ
راح اكون معاه و اساعده بكل الي اقدر عليه

الى الارشيف مع التحيه :)

اقتباس:

---

المشاركة الأصلية كتبت بواسطة ملامح شمري

مدري , ممنوع اذكر الطريقة هنا - بما انها منتشرة - او لا ,و خصوصأ ان اي قناة
مشفرة على اي قمر بيتم فتحها ..

---

مدري ليه اغليك


بس اقول اذاممنوع يمكنك برسالة خاصة تنفع بعض الناس

لان
art
لو بريال
ماراح اشترك فيها
ولا يفرح صالح كامل بهللة من حلسابي
راعي الافلام والخرابيط

الرسائل الخاصة بانتظارك



سلمت يا ابو سلطان
وبالنسبة لوضع المشاركات تحت المراقبة بتكون صعبة
لان اصل المخالفات ان وجدت
فهي في الردود اكثر من المشاركات
الله يعين كبدك
عليك بالمرة والحلتيت
يخففون عليك شوي


لاهنت
دمت بخير

اقتباس:

---

المشاركة الأصلية كتبت بواسطة ابو فارس

مدري ليه اغليك


بس اقول اذاممنوع يمكنك برسالة خاصة تنفع بعض الناس

لان
art
لو بريال
ماراح اشترك فيها
ولا يفرح صالح كامل بهللة من حلسابي
راعي الافلام والخرابيط

الرسائل الخاصة بانتظارك
[/center]

---

أحشروني معكم بالخاص لاهنتوا :)

/

ابوسلطان مسّاك الله بالخير


هنا من يقول ان بعض الاعضاء يجرّحون أعضاء آخرين بسبب نواديهم وان عدّلوا ردودهم اشتكوا !

لا اعرف حقيقة ماهي فائدة المشرف؟؟؟

انا اعرف ان المشرف مُجبر على تسيير مضيفه على اكمل وجه حسب وجهة نظره بغض النظر ما اذا كان له معارضين ام لا فالوقت هو الكفيل بجعل المعارضين لسياسة ( لاتعدل ردي أنا قديم ) ينصاعون لقوانين المشرف

المشرف واجبه الحتمي هو تسيير المضيف حسب المسار الصحيح وليس حسب أهواء اعضاءه

اذا كان المشرف لايستطيع ان يُسيّر المضيف واعضاءه حسب المسار الصحيح فهو مجرد ديكور للمضيف وازاحته افضل


الكلام ليس موجها لأحد بعينه بل هو وجهة نظري للواجب الاشرافي

اقتباس:

---

المشاركة الأصلية كتبت بواسطة منصور العطاوي

حمود و انا مجنون ارجع مشرف و الحال نفس الحال

لو ابي ارجع راح تكون فيه لي شروط
وهي ما فيه احد يتدخل بالي اسويه من الاداره الا ابو سلطان
و راح تكون فيه مخالفات كثيره و تحذير اكثر و لا يتدخل فيها بعد الا ابو سلطان
و امسح و اعدل جميع الردود من ضمنهم الي بالاداره


و اهم شي راح يكون فيه زعل كثير من اكثر من شخص

يعني ما انفع يا حمووود


و بعدين الي يبي يصير مشرف و انا ارشح العمدهـ
راح اكون معاه و اساعده بكل الي اقدر عليه

---

اسف\

بس اللي اشوفه انك افضل مشرف مر على الرياضي


والله كلامك صحيح

الله يعين

^
^
^


من يقوله اني افضل مشرف

من صرت مشرف و كله مشاكل و ما خفت المشاكل الا بعد نزولي من الاشراف

بالعكس يا اخوان الرياضي الحين كويس


وشفيها اذا تناقرنا علشان الرياضه


عادي



اهم شي ما تصير مشاكل وسب وشتم


ولا غيره تساهيل



وكلنا بالرياضي اخوان وفاهمين بعض



لا تكبرون السالفه



خلاص انا مشرف الرياضي ولا اشوف ولا هلالي هنا تفهمون خخخخخخخخخخخخخ




بالتوفيق للرياضي



وتقلدوا تحيتي

انا عندي حل لو كال واحد يصير يرقاب بنفس ويعرف شنويقول ماله داعي مضيف او مدير على المجموعه

بس المفروضان كال قسم عليه مدير
ومشكور على الموضوع يلي اتمنى من الاداره ان يتهمون فيه

/

والله الوضع ما يبعث بالسرور :(


/
/

هالمضيف تراه مايجي منه إلا وجع الرأس والتفرقه ..

قبل ستة او سبع سنوات ، خرج منا بعض الاخوان وفتحو ثلاث مواقع لشمر بسبب هذا المضيف

/

وبعد اكثر من ثمان سنوات ، الجو يصير ملبد بالغيوم من جديد ، والسبب يختلف :(


/
/

احبابي .. الله يهمّه وضع المضيف فرجاء المحافظه عليه ، ولا تخلوني اباشر ادارته بنفسي ، فإدارته من قبل غير متخصص مثلي في امور الرياضه قد تضر ولا تنفع المضيف


بدايه الاجراءات :

حجب مواضيعه من شريط اخر عشر مشاركات

الخطه القادمه ، حجبه من الزوار

وقد تتزامن مع عدم السماح بالنشر إلا بعد مراجعه الاداره للمواضيع والمشاركات


ياليت تفهمون وضعي الاداري وتكونون عون لي

8


النقطه الاخير طيبه جدا ..

بس مشكلتنا تكمن بالردود وليس بالمواضيع
عطن ادارتوه وابشر باللي يحرمدهم خخخخخخخ

اقتباس:

---

المشاركة الأصلية كتبت بواسطة المشرف العام

/


/

وبعد اكثر من ثمان سنوات ، الجو يصير ملبد بالغيوم من جديد ، والسبب يختلف

ملبد بقوه :(




الخطه القادمه ، حجبه من الزوار
لا ليش قادمه خليها من الان :za3lan:

---

يعطيك العافيه ..
الوضع بالرياضي مو تمام :za3lan:


ازعجناك ع الصبح:(







احتـراامي لك

اقتباس:

---

بدايه الاجراءات :

حجب مواضيعه من شريط اخر عشر مشاركات

الخطه القادمه ، حجبه من الزوار

وقد تتزامن مع عدم السماح بالنشر إلا بعد مراجعه الاداره للمواضيع والمشاركات

---

الوضع كذا راح ينهي المضيف الرياضي


نبي قرار حكيم يا أبوسلطان مو قرار يحسسك أنك مغصوب أو مفروض عليك !!

اقتباس:

---

ياليت تفهمون وضعي الاداري وتكونون عون لي

---

فاهمين ومطبقين وأبشر يالسند يا ابو سلطان وإن شاء الله ما يصدر مني إلا كل خير ..

اقتباس:

---

عطن ادارتوه وابشر باللي يحرمدهم خخخخخخخ

---

معروفين اللي بالمضيف الرياضي !!

ليه تحرمدهم يالغالي !

اقتباس:

---

احبابي .. الله يهمّه وضع المضيف فرجاء المحافظه عليه ، ولا تخلوني اباشر ادارته بنفسي ، فإدارته من قبل غير متخصص مثلي في امور الرياضه قد تضر ولا تنفع المضيف

---

ابو سلطان لو يكون فيه حكم بالعدل بين الاعضاء ما صار وضع الحالي

لو يكون فيه اداري ما يسمع كلام البعض ما صار الوضع الحالي

لو يكون فيه اداري ما يركز على صديقي او قريبي او مشجع لناديه ما صار الوضع الحالي

ابو سلطان اذا كان الكلام و التكلم على الاعضاء من اشخاص بالاداره وش يبي يكون موقف العضو

اذا كان الاداري هو من يبداء بالكلام وش تنتظر من العضو

اذا كان المضيف الرياضي ما يجون فيه الا بعد طلب الفزعه << صارت عصابات مهو حوار

اذا كان عضو يدخل باسم جديد و يغلط عشان على الاعضاء عشان يبداء بالغلط مثله عشان يصير فيه تبيلغ منهم


ابو سلطان الشخص الي بلغت عنه امس اسلوبه مشابه لاسلوب شخص بالمضايف

و اسمه موجود و التلبيغ موجود بالقسم المخصص


اتمنى من الاداره الحكم بعدل على جميع الاعضاء و ما تحكم على كل الاعضاء من اغلاط اعضاء بالمضايف الرياضي

لو العضو الي قال غلط اخذ مخالفه او ياخذ تحذير يرجع يقول الغلط مره ثانيه

اكيد لا و اذا رجع هذا شخص ما يستحي

و ياليت تكون المخالفات على الجميع من اعضاء و مشرفين

و ما تكون العضو مخالفه او تحذير و المشرف تعديل رد

كلنا اعضاء هنا

كلنا تحت اسم مضايف شمر

يعني ما تفرق بين عضو و مشرف و كلهم عليهم خطاء