<>[] تعال ياللي، خاطري منك زعلان! <>[] للشاعر عبد المحسن الشراري
<>[] تعال ياللي، خاطري منك زعلان! <>[]
<>[] ابيك ترضيني، ولو.. بابتسامه.. <>[]
<>[]صحيح اخذت بخاطري! وانت غلطان..<>[]
<>[] وش عيشة المخلوق! دون احترامه! <>[]
<>[]صحيح احبك موت، واعشقك باجنان.. <>[]
<>[] للحب شي! ولاحترامي مقامه! <>[]
<>[]ياليت كل انسان، يهواله انسان! <>[]
<>[] ما يجرحه حتى وهو في منامه..<>[]
<>[]ماهو يزيده همّ، وجروح، وأحزان؟ <>[]
<>[] ويعيشه بين العتب، والملامه..<>[]
<>[]ودي أجيك من الوله حيل! عطشان! <>[]
<>[] وتروي خفوقي، يالغلا من غرامه..<>[]
<>[]ودي أجيلك، وارتمي بين الاحضان.. <>[]
<>[]ويذوب قلبي، من دفاك.. وهيامه!<>[]
<>[]ودي احسك، من عنا الشوق ولهان..<>[]
<>[] ويضيع قلبي، من حلاك بكلامه..<>[]
<>[]ياللي خدودك، مالها وصف، وألوان.. <>[]
<>[] ياللي تذوّب، في خطاك الحمامه..<>[]
<>[]ياللي لعينك، ينتحر صف غزلان.. <>[]
<>[] ياللي لحلاك الليل، يرمي لثامه..<>[]
<>[]ياللي جمالك، تنفتن فيه.. نسوان! <>[]
<>[] يا ذروة احساس الخفوق، ومرامه..<>[]
<>[]صحيح احبك موت، واعشقك باجنان.. <>[]
<>[] للحب شي! ولاحترامي مقامه!<>[]
