"الله يساعدني على العشق الجديد
كد نهيت القلب لكن مايفيد
يانهيته قلت يا قلبي كفى
رد قلبي قال لي هل من مزيد ؟
عيني اللي غربلت قلبي كثير
مع فؤادي كنها ساعي بريد
في مهمتها خذت عشرين عام
صعب يصمد خافقي لوهو حديد
كنت أحسب الحب له طب بسيط
أجمل الالحان مع عذب القصيد
صوت عيسى او سلامه والصريخ
او ابن شنان والا بن سعيد
دارت الايام وافكاري تدور
ما حصل للفكر عن دربه يحيد
كل ما داويت جرح وانتهى
من ردى حظي بدا جرح جديد
وطيري اللي معتني به من قديم
لو يشوف الصيد لايمكن يصيد
لو بذلت الجهد واعجلت المسير
مالي الا ما كتب ربي اكيد
