معركه شبيرمه بين عتيبه الهيلا من جهه والامام عبدالله بن فيصل وطلال بن رشيد من جهه
شبيرمه 1273هـ واتحد فيها ال سعود وال رشيد ضد عتيبه وكان قائد جموع برقاء الامير الفارس الشيخ تركي بن حميد وقائد جموع الروقـــه الامير الفارس الشيخ مسلط بن ربيعان
انظر ( تاريخ ابن عيسى ( عقد الدرر احداث السنه المذكوره )
مما جعل هذا الاتحاد ان يقول تركي بن حميد في قصيده له
ياسابقي صكو عليك القبايل ** البدو والحضران راحو نحيه
قومن من العارض ليا سوق حايل**لاقرب جد ولا بهم مرحميه
قامت تروجن بينهم بالشلايل** تعاونوا عقب النقا بالحميه
ياقومنا لاتكثرون العذايل** اشوف لي شق توسع ارفيه
ياعنك جتنا من عزيز الحمايل** حكام نجد القطاع الصيرميه
لوانها من نازحين الحمايل ** ماسلت لو شر التلاحق ضويه
العمر بيد الله منشي المخايل**وحق على الراعي صلاح الرعيه
نرد الخطر والعمر لابد زايل** عقب الخطر نشرب ركايا عذيــه
ان كان مانرخي رزاب الاصايل**والا منازلنا غدت جاهليه
بدهم الفرج مطوعه كل عايل** فود لنا ماقد جتنا حذيـــه
ومصقلات تودع الراس مايل**من صنع مفراسهن وساعن الهويه
ان كان ماترث يدينا فعايل** يرحم علينا شربه الشاذليه
والزعفران وحب سمر الجدايل** وحط الشحم وسط البيوت الذريه
الحر لاصكت عليه الحبايل**يشهر وتاتي له من الله فضيه
عاداتنا نروي حدود السلايل**بايماننا في محتظر كل هـيه
حريبنا يسهر ونومه ملايل**واليا نسى يوم نجدد سويه
وصلاه ربي عد مازال زايل**على نبي الدين سيد البريه
ثم بعدها حمله ابن سعود وابن رشيد على عتيبه جنوب النير رمضان 1273هـ وكانت على مسلط بن ربيعان
وسلطان بن هندي بن حميد ( انظر تاريخ ابن عيسى المخطوط , الجزء 2 من الخزانه النجديه )
وهي رد اعتبار لإبن رشيد لأنهم انهزموا في معركه شبيرمه قبل شهرين
حيث قال ابن رشيد الآن عتيبه تفرقت عن مشائخها ولم يبقى الا المشائخ فهي فرصه لرد الثأر والصاع لعتيبه
وقد قال عبيد بن رشيد قصيده اكد فيها هزيمه ابن سعود وابن رشيد امام تركي بن حميد ومسلط بن ربيعان وعتيبه في شبيرمه
وانه اخذ الثأر عندما تفرقت عتيبه عن مشائخها مخاطبا الشيخ مسلط بن ربيعان :
الفود الاقشر صار فودك يا بن روق
واشوف تالي فودكم صار نقصـان
يوم ارتهيناكم ورى النيـر بلحـوق
يومٍ لحـق شـرّه دحيّـم وسلطـان
انظر مخطوطه الصويغ الشريه وكذا مخطوطه ابن يحيى
ياحبيي ياولد الطنايا في شي اسمه مصادر وكتب موثقه
اقتباس:
المشاركة الأصلية كتبت بواسطة طنياوي
ياحبيبي يابو عــتــب .. جــايــن تهــلس
عــليـنا بـ مضايـــفـنا .. والله لو كلامك
صحيح مانقول شيء لكن تعطينا من
هاالرخيص وتبينا نصدقك .. الله واعلم
انك من ربع قص ولصق .. ابن رشيد
ياالغالي صبحكم اربعين صباح ..
لكن خذ نصيحتي وخل عنك
سوالفن ماتسـرك .
خــالـــد الـشـمـيـلـي .
والله يالغالي انا كتبت هالموضوع بالمصادر وموثقه في كتب ومخطوطات ياعين ابوي
