(قــصــه و قــصــيــدة مــحـزنــة للــغـايــة )

(قــصــه و قــصــيــدة مــحـزنــة للــغـايــة )

قصيدة محزنة للغاية

قصيده محزنه جداااااا

قصتها //
القصيدة قصتها يوم كان الشاعر يحب وحد في دياره الشمال وماقسم

الله بينهم نصيب وتزوجت البنت من واحد ثاني وسافرت وكان الشاعر

يحبها حب خيالي وبعد ثمان سنين وكان الشاعر يعمل مدرس وجاه

نقل اجباري لمنطقه بعيدة الظاهر في الجنوب ويوم داوم او يوم في

المدرسه وكانت ابتدائي شاف بين الاطفال طفل غريب يحس بشي

يجذبه له ويوم ابتسم الطفل ناداه المدرس وقله من انت ولده قاله انا

ولد فلان قاله انت امك فلانه قال الطفل ايه قام المدرس سكت وكتب

القصيدة ومن بكرا عطاها الطفل وقاله عطها امك ؟!



------------------

واليكم القصيده :-


غابت ثمان سنيـن حل وترحـــــــال ***غـــــــابت ثمـــــــان كلها مدلهمه


غابت ثمان سنين وشــهـــــور ولـيــال**مافيــه قطـــــر غير موجهت يمه


وعقبالثمان الي تعبها برى الحـال*** جاب الزمــان الكـــــارثة والمطمه


جاني ولدها مبتسم بين الاطفــــال**ومن بسمته ذكرت أنا بسمت أمه


ركضت له ودمعي علي الخد همال**من كثرشوقي قمت بالحيـل أظمه


ساعة حظنته والطفل في يدي مال***شميت ريحتها على أطراف كــمه


واليوم بنت الناس في بيت رجــال*** حب على غير الشرف لي مذمــه


مجبور أعود واشتكي لكل الأجيال*** بنفس حزيــــنه تايـــهه مستهمه


برجع غريب سكته بر ورمـــــال*** يحي يــمــوت ويندفـــــــن ما يهمـه
n

----(( منقول ))

والله اعجتني هذه القصه والقصيده قلت انقلها لكم .
هااااه ادري اني ابي اثير المشاعر والحزن بس هذا اللي الله كاتبه علينا - اللي قلبه خضر مثلي يهوجسبه لو شوين الين الله يفرجه.


ولكم خاااااااااااالص تحيااااااااااتي

ولـــــــــــــد حــــــــــايـــــــــــل

طالما منقوله - كيف حالك ولدحائل وحياك الله معنا بالمنتدي
واحذر من المنقول

يالله ..فعلا مؤثرة وخاصة القصيدة

سلمت يداك على النقل .. ولاتحرمنا من هالقصص والاشعار الحلوة

وتقبل خالص تحياتي

الاخ الفاضل / ســيــدالــهـــوى الله يوفقه

السلام عليكم

حالي حال .

اول وهله حسبتك تقول (( منقود )) ركزت لقيتك تقول (( منقول))

والمنقول له انواع - من كتاب او......الخ .

المهم تاثير هذا المنقول وفائدته للمطلع علية والذي يقراه .

اقول وشلونك ؟

ولك خااااااااااالص تحيااااااااااتي

ولــــــــــد حـــــــــــــايـــــــــــــــــل

الاخت الفاضلت // الــبــــنــــدري الله يستر حالها


السلام عليكم

اشكرك وتسلمي يا فراشة المضايف.

الله لايحرمك من هوى بالك .

ولكي خااااااااالص تحياااااااااتي

ولـــــــــــــد حــــــــــــايــــــــــل

بعد التحية
اخي ولد حائل اولاً - انا اسف
ثانياً - المنقول في منتدي شمر مرفوض - لكن صحيح معرف من وين نقلته لكن انا معقد من كلمه منقول واخيراً ارجوك السموحة
وعن موضوعك والله انه جيد جداً ويعطيك العافيه - السموحة منك

الاخ الفاضل / ســيــدالــهـــوى الله يوفقه

السلام عليكم

لا تتأسف اخوٍ عزيز اطال الله عمرك .

حنا في مضايف عزيزه علينا وكلنا عيال عم وعزوه تشره علي وشره عليك بس ما تاصل حد القطيعه ان شاء الله.

ولوهو غيرك وبرد عليه كان هجوته شعرا .

ما كنت ادري ان المنقول مرفوض في المضايف هذا اولاً .

كيف نطلع ونعرف علوم الرجال ونعرف سوالفهم وفعولهم وكيف نعرف التاريخ اللي زرعه اهلنا وجدودنا الأولين- وفدوا بروحهم على شانه - ثانيا .

كلمة ممنوع المنقول لي عندها موقف طويل .

يقول المثل (( اللي ماله اول ماله تالي ))

والرجال تعلم عياله الرمي بسلاحها اول ثم يشرون له سلاح كانهو يستاهل .

وحنا ياولد العم ضاع نصف تاريخنا لأن اهلنا بدوا رحل لا يقرون ولا يكتبون واللي حافظينه اما نسوه او ماتوا الله يرحمهم و لم نجد من يثبته في الكتب او نتعايب ذكره او اسند لغيرنا .
والسقوط سقط معه شيءٍ كثير ماهو بس التاريخ - روس رجال والحكم و العز والهيبه وغيرها .

الله يعطيك العافيه ويوفق .

انت بس ايمر وتدلل يالعزوة.

ولك خااااااااااالص تحيااااااااااتي

ولــــــــــد حـــــــــــــايـــــــــــــــــل

الله يعطيك العافية يا ولد حايل


وما قصرت




وعلىالمحبة ,,,

لا هنت ياولد حائل
والقصه والقصيده عز الله انها محزنه
ويعطيك العافيه على ها الأختيارات اللي تدل على الذوق الرفيع
تقبل تحياتي الحاره
....................
فهد حمود الخالدي

الاخ الفاضل // الـــعــــذب الله يوفقه

السلام عليكم

اشكرك على تعليقك .

الله يعافيك .

ما تجي بقصور يالعزوة .

يشرفني ويسرنى تقديم و عرض ونقل بعض المواضيع المؤثرة لكم.


ولكي خااااااااالص تحياااااااااتي

ولـــــــــــــد حــــــــــــايــــــــــل

الاخ الفاضل // الــــــمــــــطــــــــلاع الله يوفقه

السلام عليكم


ابو حمود -(فهد حمود الخالدي )(المطلاع) تسلم يالغالي

من قال الله يعطيه الصحة والعافية والخيرات الباقية.

لاهنت ولا هان غاليك - ومن عز لعز مرفوع الهامه .

اشكرك على تعليقك الراقي.

ولـــك خااااااااالص تحياااااااااتي

ولـــــــــــــــــــد حــــــــــــايــــــــــل

اخي العزيز


اشكرك على هذا النقل

ولم تنقل الا كل خيـــــر

ويكفينا اعتزازاً انك بينا


ونشرب من زلالك


تحياتي لك


اخوك فلاح السعد

جميل ماكتبت قصه عاطفيه مؤثره رائعه
مليئة هذه القصة بما لايمكن وصفه

ونحن دائما وابدا بحاجه لهذه القصص العظيمه


فأكتب وانقل لنا مااستطعت منها ونحن بانتظار هذه الروائع

أخوك/ أبو الجوزاء

الاخ الفاضل // فـــــــلاح الــــســــعـــــد الله يحفظه

السلام عليكم

اشكرك على تعليقك الذي زادني شرف وافتخار من اخون عزيز .

الله يعزك ويعز من تعز ويعز القبيلة اللي انت منه .

تشرب ان شاء الله من حوض الجنة وتخشرنا حنا وياك والاخوان واهالينا وجميع المسلمين .

دمت ان شاء الله عزيزا مرفوع الراس .

ولك خاااااااالص تحياااااااااااااااتي

ولــــــــــــد حــــــــــــــايـــــــــــــــــل

يعطيك العافية ولد حائل
والله انك كبير وقلبك كبير وانا افتخر يكون للي اخ مثلك وعندما ذكرت انه منقول سامحني - لكن فعلاً مو كل منقول يذكر وكلامك على الراس والعين
سالت القلب عنك من هذا ؟ .... فقال : هذا ولد حائل سكينه

الاخ الفاضل // ســـيـــدالــــهــــوى الله يحفظه

السلام عليكم

سألت عنك العافيه والعلوم الغانمه .

ابشر بلك اخ ايمر وتدلل عليه - ما يعرف كلمة لا .... الا في التشهد ان شاء الله .


انا اخوك واعزوتك بس ماذا ؟ **** تر الطلب نافذ وربك يعينه


لك كل حبي وتقديري يا غالي .

ولك خاااااااااالص تحيااااااااااتي

ولــــــــــد حــــــــــــــايــــــــــــــــل