من هو اللي دفق فنجال القوه في مجلس ابن رشيد

مساكم
او
صبحكم الله بكل خير

عندي استفسار ياليت اجد الجوااب الشافي ولكم كل الاحترام

فقط نبحث عن المعلومه الحقيقيه لو ان الواحد يتعصب

القبيلته ولكن مايصح اللا الصحيح

فيه من القصص القديمه تنسب العده قبائل

وفوق ذالك يدعمون كلامهم ب ابيات شعريه

ك شاهد.

السؤال ؟

من هو اللي نزل فنجال القهوه في مجلس ابن رشيد

او سكبه بطريقه اخفاء

ولكن ابن رشيد شافه

1 هل هو / سودان العبدي الشمري / منشور في كتاب

2 هل هو / علوش بن ظويهر العنزي / منشور في كتاب

3 هل هو / محمد بن راجح الحربي / منشور في كتاب.

او ان القصه من نسج الخيال

مع تحيات اخوكم / ستار

اهلا بالاخ ستار : حسب معلوماتي المتواضعة في هذا الجانب
خاصة-القصص المشابه لمضمون السؤال- الاجابة رقم 2
ولا اعلم هل سكبها ام انه قال انها- صايدة- فقط
واعتقد انه قال ولم يسكبها حيث ان مثل هذا الفعل- الدفق-
في مجلس الشخص العادي غير مقبول فكيف بمجلس
مثل مجلس الامير والحاكم ابن رشيد- يرحمه الله تعالى-
لك التقدير.

اتوقع سبب اللبس انها

دائما تحدث قصص مشابهه لها عند اغلب القبائل لكن لا تشتهر الا داخل نطاق القبيلة او الفخذ فقط


لكن المشهورة والمتعارف عليه عند الناس وعامة القبائل انه عنزي واللي وثقها بقصيدة حربي وكانت في مجلس ابن رشيد

اقتباس:

---

المشاركة الأصلية كتبت بواسطة عبدالرحمن

اهلا بالاخ ستار : حسب معلوماتي المتواضعة في هذا الجانب

---

اقتباس:

---

المشاركة الأصلية كتبت بواسطة عبدالرحمن

خاصة-القصص المشابه لمضمون السؤال- الاجابة رقم 2

ولا اعلم هل سكبها ام انه قال انها- صايدة- فقط

واعتقد انه قال ولم يسكبها حيث ان مثل هذا الفعل- الدفق-
في مجلس الشخص العادي غير مقبول فكيف بمجلس
مثل مجلس الامير والحاكم ابن رشيد- يرحمه الله تعالى-
لك التقدير.

---

عبد الرحمن

وهلابك اكثر

اخي العزيز الف شكر ع التعليق الرااااائع

وفعلآ كلمة دفقها صعبه في مجلس ابن رشيد

ولكن التعبير لم يساعدني وسوف اقوم بتعديل

حشاء احد يتجراء في مجلس

ابن رشيد ان يدفق القهوه

ولكن بطريقه اخفا مثل بينه او بين عباه يلبسها او بينه وبين عمامه

خوفآ من العقاب

المهم باي طريقه تخلص من الفنجال ولكن شافه ابن رشيد

الاشكال مو كيف تخلص من الفنجال

من هو هذا الشخص لان جميع لاشخاص المذكورين

قيلت فيهم ابيات تثبت ذالك

تقبل تحياات اخوك

طيب ليش ينثر القهوه

هل هي غير صالحه
او انه مايريد يمالح

اما اذا هو نارثن القهوه عمد والله ان بن رشيد نارثن دم رقبته
والظاهر انها حكي بحكي

القصة حقيقية لاكن نثرت الفنجال بطريقة خفية ولاحد كشفة الا الامير محمد ابن رشيد. وهي ان ابن ظويهر كب الفنجال بين افمه وشماغه حيث كان متلطم وكان الولين يحط الشماغ تحت افمه.قال الامير ليش ماتشرب القهوة قال شربتها حصل بينهم نقاش حتى اعترف علوش قال القهوة صايدة قال انكانك صادق خير وان كانك تكذب قطعت راسك كبوه العبيد القهوة ولقوا بعوضة بالمطباخة .والقصيدها قالها الحربي هذا مالدي

[align=center]
[align=center]

تفضل يالغالي وان شاء الله اني اكون قـد افدتـك

اقتباس:

---

1 هل هو / سودان العبدي الشمري / منشور في كتاب

---

نعـم هو سودان الوبير


وإليــك القصيــده


سودان الوبير الذي دفق قهوة طلال ال رشيد والذي قال فيه الشاعر عواد الوبير

يستاهل الفنجال والمؤسمينا 000 اللي كفا الفنجال بحضرة زقيحان
اللي خذا فوزأ على العارفينا 000 ولد الوبير اللي تقولون سودان
بحضرة طلاال وسل حد السنينا 000 في وسط شيوخٍ جالسينن ابرزان



ملاحظه زقيحـان : لقب الامير طلال ال رشيـد



تحياتي لــك .

[/align]
[/align]

اللي نسمعه ونعرفه ومثبت انه علوش بن ظويهر العنزي
والقصه غير كذا هو ما دفق الفنجال لأن دفقت الفنجال تعتبر اهانة ولا يسكت عنه اي شخص به مر فكيف عاد ان القهوه هذي للأمير ابن رشيد طيب الله ثراه؟؟

اعتقد ان دفقت الفنجال فيها مبالغه شوي ويمكن يكون دفق الفنجال بين فمه ولطمته او خلف ظهره بدون لا يحس احد والله اعلم

اقتباس:

---

المشاركة الأصلية كتبت بواسطة المفضلي11

والقصه غير كذا هو ما دفق الفنجال لأن دفقت الفنجال تعتبر اهانة ولا يسكت عنه اي شخص به مر فكيف عاد ان القهوه هذي للأمير ابن رشيد طيب الله ثراه؟؟

اعتقد ان دفقت الفنجال فيها مبالغه شوي ويمكن يكون دفق الفنجال بين فمه ولطمته او خلف ظهره بدون لا يحس احد والله اعلم

---

حياااك الله ابن العم

والف شكر ع المشاركة في ولكن لي تعليق

بسيط بعد اذنك تقول يمكن خلف ظهره , تاليف
جديد هذه او تحليل ,

مو دفق الفنجال بي حاله من لاحوال اسمه دفق سكب كب , زج,,

لاسم واحد , انت تقول كلمة دفق الفنجال فيها مبالغه وترجع وتناقظ نفسك

وتقول يمكن يكون ( دفق ) الفنجال بين افمه وبين لطمته بالله وش جبت من جديد

مو قلنا دفق الفنجال ,

السؤال من كيف تخلص من الفنجال ياشباب,,

السؤال السؤال

من هو هذا الشخص

وذكرت ان فيه 3 اشخاص وفيه من لابيات التي

تثبت حقيته في هالقصه

مع اني اعتقد انها من نسيج الخيال

لان جميع اللي يحضرون عند الامير ابن رشيد

اما يترجون مده اي مساعده ماليه

او يخافون شدته اي يتقربون منه

خوفآ من قوته .

وعتقد ان شخص يحضر في مجلس ابن رشيد

من سابع المستحيلات يدفق فنجال ابن رشيد

والله لو هو فنجال سم اللا يشربه

يعني بالله شفة هالفنجال تبي تذبحه

هذه راي شخصي فقط

وتقبل اجمل تحيه

اخوي ستار

انا اقول ممكن دفقه بدون لا يشوفه احد وحس عليه ابن رشيد يعني ماهو مجاهر بالدعوى هذي

فيه ناس يقولون دفقه قدام عين الامير ابن رشيد طيب الله ثراه

وفيه الويبري يقول بضمن القصيده اللي حطه بالموضوع

يقول انه سل السيف على ابن رشيد

اقتباس:

---

بحضرة طلاال وسل حد السنينا 000 في وسط شيوخٍ جالسينن ابرزان

---

تشوف يابن العم الناس وشلون يلفقون قصص لكن اعتقد انه بس قال القهوه صايده بدون لا يدفقه
والله اعلم

اقتباس:

---

المشاركة الأصلية كتبت بواسطة ستاار

2 هل هو / علوش بن ظويهر العنزي / منشور في كتاب

---

هو علوش العنزي

هذه قصيده للشاعر محمد الذويبي من بني عمرو والذي يلقب على ما أظن (أباالروس أو ابو راسين)....
و مناسبة القصيده انه كان ابن رشيد أمير حائل مشهور بالكرم وله مجلس ويجتمع لديه جمع من الناس مابين أمراء ووجهاءالقبايل وكذلك الشعراء ....
وكان مجلس ابن رشيد كأي مجلس من مجالس الشيوخ والأمراء تدار فيه القهوه العربية ... وهناك أشخاص مكلفون باعداد القهوه وترتيب الدلال .
وفي يوم من الأيام كان في ضيافة ابن رشيد ( علوش بن ظويهر العنزي ) وعلوش هذا عنده خبرة ومعرفة دقيقة بالقهوه ، ويعرف وش عيوبها من مجرد الشم اوالذوق ويعرف القهوة هي برية والا مهيب برية ، ويعرف حمستها هي محترقة والا نية ، ويعرف اذا هجرت الدلال ويعرف طعم القهوة إذا تغيرت بأي شيء.
ويوم طلب ابن رشيد القهوه للمجلس جوا اللي يصبون القهوة وصبوا فنجال للأمير وبدو بالضيوف .... ويوم عطوا علوش الفنجال ... وجاء بيشرب شف منه شوي وتبين أن في القهوة شي ، ومتغير طعمها بسببه .....نزل الفنجال وكبه زي ماتقول بدون قصد .
ابن رشيد انتبه لعلوش : وسأله ليه ياعلوش كبيت الفنجال قهوتنا بها شي ؟
قال : ابدفي أول الأمر ... ولزم عليه الأمير ... وقال : لازم تقول وش في القهوة ليه ما شربتها .... قال : يالامير القهوة ( صايدة ) ... يعني طايح فيها شي من الحشرات .....
قال : وش هي صايدة ؟ قال علوش : صايدة ابو عوف.
ابن رشيد : سأل : اللي حوله ... يالربع انت متطعمين في القهوة شيء ..... قالوا : ابد ما القهوه شيء....
المهم علوش : قال اذا ما صارت القهوة صايدة .. لكم اللي تبون ....
قال الامير : نادوا راعي القهوة .... نادوا ( راعي المعاميل والقهوة ) جاء راع القهوه.... قال ابن رشيد : يقول علوش ان القهوة صايدة .... ونبيك تجيب الخمرة نشوف هذا صادق والا لا ..... والخمرة ( الدلة الكبيرة اللي تلقم فيها القهوة ) .
جابوا الخمرة وحطوا شوي ليف وكبوا عليه ( حثل القهوة) علشان ينشخل واخذوا يحركونها الين لقوا ابو عوف ..... انبهر ابن رشيد وقال لراعي الضيافة خل علوش يقعد عندنا عشرة ايام .....
صار علوش يقعد في صدر المجلس ....وابن رشيد ناوي يختبره ويتاكد من معرفته ..... قال لراعي القهوة .... اذا جاء باكر المغرب حط ورقة ( عرفـج ) في القهوة ( في الدلة اللي تصب منها لعلوش ) ....
ويوم صبوا القهوة قال ابن رشيد ترى الدلال منظفينها عقب ابو عوف تطعم بها شيء اليوم ....
قال : قهوتكم بها ريحة عرفج .
ويوم جاء باكر حطوا : كسرة مسواك .... وعرفها ..... وكل ما حطوا شي عرفة .... قال ابن رشيد لراعي القهوة : باكر اخلط ( حمسة مستوية وحمسة نية ) ... وصبوا لعلوش .... قال : هاه ياعلوش تطعم بها شيء .... قال : ايه : فيها حمسة محترقة وحمسة نية ....
عرف ابن رشيد ان الرجال داهية وخبير في القهوه ولزم عليه يجي لابن رشيد كل شهر ....
وقال محمد الذويبي هذه القصيده يمدح فيها ابن ظويهر العنزي..


تساهل الكيف الحمر يا ابن وايل = انت الذي تستاهل الكيـف كلـه
ياللي نقدته وسط ديوان حايـل = لولاك يا علوش ما حدن فطن له
بدلال من يقعد صغى كل عايـل = الضيغم مريف الايديـن المذلـه
الضيغم مرزى المهار الاصايـل = ياما انقطع في ساقته من سجله
يا بن ظويهر ما بها قول قايـل = تستاهل الفنجال لا جـاء محلـه
يا ناقد الفاقـد بحكـم الدلايـل = ياريف هجن والمزاهـب مزلـه
ربعك بني وايل مـزاز القبايـل = اهلا الجموع الراسيه والمظلـه
زبن الدخيل اللي توطـاه طايـل = الجمع دونه والرمـك مردفلـه

اقتباس:

---

المشاركة الأصلية كتبت بواسطة الغانمي

هذه قصيده للشاعر محمد الذويبي من بني عمرو والذي يلقب على ما أظن (أباالروس أو ابو راسين)....

---

اقتباس:

---

المشاركة الأصلية كتبت بواسطة الغانمي

و مناسبة القصيده انه كان ابن رشيد أمير حائل مشهور بالكرم وله مجلس ويجتمع لديه جمع من الناس مابين أمراء ووجهاءالقبايل وكذلك الشعراء ....

وكان مجلس ابن رشيد كأي مجلس من مجالس الشيوخ والأمراء تدار فيه القهوه العربية ... وهناك أشخاص مكلفون باعداد القهوه وترتيب الدلال .
وفي يوم من الأيام كان في ضيافة ابن رشيد ( علوش بن ظويهر العنزي ) وعلوش هذا عنده خبرة ومعرفة دقيقة بالقهوه ، ويعرف وش عيوبها من مجرد الشم اوالذوق ويعرف القهوة هي برية والا مهيب برية ، ويعرف حمستها هي محترقة والا نية ، ويعرف اذا هجرت الدلال ويعرف طعم القهوة إذا تغيرت بأي شيء.
ويوم طلب ابن رشيد القهوه للمجلس جوا اللي يصبون القهوة وصبوا فنجال للأمير وبدو بالضيوف .... ويوم عطوا علوش الفنجال ... وجاء بيشرب شف منه شوي وتبين أن في القهوة شي ، ومتغير طعمها بسببه .....نزل الفنجال وكبه زي ماتقول بدون قصد .
ابن رشيد انتبه لعلوش : وسأله ليه ياعلوش كبيت الفنجال قهوتنا بها شي ؟
قال : ابدفي أول الأمر ... ولزم عليه الأمير ... وقال : لازم تقول وش في القهوة ليه ما شربتها .... قال : يالامير القهوة ( صايدة ) ... يعني طايح فيها شي من الحشرات .....
قال : وش هي صايدة ؟ قال علوش : صايدة ابو عوف.
ابن رشيد : سأل : اللي حوله ... يالربع انت متطعمين في القهوة شيء ..... قالوا : ابد ما القهوه شيء....
المهم علوش : قال اذا ما صارت القهوة صايدة .. لكم اللي تبون ....
قال الامير : نادوا راعي القهوة .... نادوا ( راعي المعاميل والقهوة ) جاء راع القهوه.... قال ابن رشيد : يقول علوش ان القهوة صايدة .... ونبيك تجيب الخمرة نشوف هذا صادق والا لا ..... والخمرة ( الدلة الكبيرة اللي تلقم فيها القهوة ) .
جابوا الخمرة وحطوا شوي ليف وكبوا عليه ( حثل القهوة) علشان ينشخل واخذوا يحركونها الين لقوا ابو عوف ..... انبهر ابن رشيد وقال لراعي الضيافة خل علوش يقعد عندنا عشرة ايام .....
صار علوش يقعد في صدر المجلس ....وابن رشيد ناوي يختبره ويتاكد من معرفته ..... قال لراعي القهوة .... اذا جاء باكر المغرب حط ورقة ( عرفـج ) في القهوة ( في الدلة اللي تصب منها لعلوش ) ....
ويوم صبوا القهوة قال ابن رشيد ترى الدلال منظفينها عقب ابو عوف تطعم بها شيء اليوم ....
قال : قهوتكم بها ريحة عرفج .
ويوم جاء باكر حطوا : كسرة مسواك .... وعرفها ..... وكل ما حطوا شي عرفة .... قال ابن رشيد لراعي القهوة : باكر اخلط ( حمسة مستوية وحمسة نية ) ... وصبوا لعلوش .... قال : هاه ياعلوش تطعم بها شيء .... قال : ايه : فيها حمسة محترقة وحمسة نية ....
عرف ابن رشيد ان الرجال داهية وخبير في القهوه ولزم عليه يجي لابن رشيد كل شهر ....
وقال محمد الذويبي هذه القصيده يمدح فيها ابن ظويهر العنزي..

تساهل الكيف الحمر يا ابن وايل = انت الذي تستاهل الكيـف كلـه
ياللي نقدته وسط ديوان حايـل = لولاك يا علوش ما حدن فطن له
بدلال من يقعد صغى كل عايـل = الضيغم مريف الايديـن المذلـه
الضيغم مرزى المهار الاصايـل = ياما انقطع في ساقته من سجله
يا بن ظويهر ما بها قول قايـل = تستاهل الفنجال لا جـاء محلـه
يا ناقد الفاقـد بحكـم الدلايـل = ياريف هجن والمزاهـب مزلـه
ربعك بني وايل مـزاز القبايـل = اهلا الجموع الراسيه والمظلـه
زبن الدخيل اللي توطـاه طايـل = الجمع دونه والرمـك مردفلـه

---

الغاتمي

الف شكر على القصه الراااااااااااااااائعه

ولابياات ك دعم وشاهد للقصه شرفني

رايك ومرورك زااد في الموضوع اشراقه وتالق

يعجبني من يسند كلامه بدليل قاطع بغض النظر عن قناعة

القاري من عدمه

تقبل تحياات اخوك / ستار