لا تزال ... في الذاكرة .. مع المدهشة مهاجرة باحساس
بسم الله الرحمن الرحيم
وتستمر وقفاتنا الطيبة ...
مع الذكريات الطيبة ...
لاناس طيبين ...
كانوا بيننا ...
وبعضهم .. غادرنا ...
وبعضهم لازال ... معنا ...
من هؤلاء ...
مهاجرة باحساس ..
او ..
الماسة سلطان ... بعد موضة تغيير الاسماء :)
لا أطيل عليكم ...
فالابداع سيبدأ عما قليل ...
تم نشر هذا الموضوع في مضايفنا في تاريخ : 27/9/2007
وكان تحت عنوان :
طبخ عن طبخ يفرق ...
والان اليكم الموضوع ...
=================================================
عندي أسئلة وصدقوني ماامزح ولا قاعده أستخف دمي
/
\
/
\
/
\
/
ليه طبخ أمي غير عن أي طبخ؟؟
ليه الاكل اللي تسويه كأن فيه عسل؟؟
ليه أذا أطبخت لنا نأكله ولا نخلي شي منه أبد, واذا كنا جايبين من المطعم أو أي احد طابخ غير أمي
ماناكل؟؟
هل الام أذا أطبخت لعيالها يصير في الاكل اللي طلع من تحت أيدينها شي غريب, عجيب, سحري ؟
يمكن صارفيه شي من حنانها!!!!
والا عشان نفسها غير على الطبخ ,لانه يحمل كل اللين والعطف ؟
والا لان قلبها وهي تطبخ يلهج بذكر الله ,, تدعي لولدها الغايب يجي والمريض يشفيه الله والمقصر يهديه الله
وكل هذا وهي تحرك الطبخه وغير الابتهال اللي مايعلم فيه الا عالم الغيب والمطلع على الاسرار
.
.
.
أنا استغرب من البنات اللي يقولن وبدون احساس: أنا اعصب وانقهر من زوجي أذا قال: طبخ أمي غير
طيب تراه والله صادق طبخ أمه غير
ومع ذلك لما يصير عندها اولاد ماتسوي لهم اكل , الا حتى الرضعه ماتصلحها تخلي الشغاله
تصلح الرضعه ولا احيان كثيره تترك الشغاله ترضع الطفل
وشوف عيني والله عيون البيبي الصغير تطالع في عيون الشغاله
وكأنه يسأل وين ماما ؟؟
وأنفاس الشغاله تخالط أناس الطفل؟؟ وا عزتي له حتى نفسها حسره عليه
.
.
قلت مره لأمي وحنا جالسين , يمه طبخك أحسن من طبخ أمهر شيف بالعالم
قامت تضحك قالت تضحكين علي
قلت والله اني صادقه
دمعن عيونها وقالت الله يرحم أمي
يومنا صغار تحط لنا خبز وسمن واحيانا روب غنم
طبعا الخبز جدتي خابزته
والروب هي اللي حالبه الغنم ومسويته لهم
تقول كنا نتخاطف الخبز وناكل وكأننا ماكلين من اشهر المطاعم في زمنكم
وتعالوا وشوا الصحه
تقول يازين طبخ أمي اذا سوت لنا رز , كانت تسويه بدون لاتحط بهارات ولا خلطات سريه
ويطلع يهبل
قلت اها
أجل ليه ماصدقتيني يوم أقول طبخك أحسن طبخ
وضحكت احلى ضحكه
/
\
.
/
\
همسه لكل بنت...الام هي كل شي في حياة الانسان
واذا تبين تصيرين كل شي بحياة ابنائك
أطبخي لهم>> امزح معاكن لا القصد انه انتي اولى بقلوب ابنائك من الشغاله
ولا تتذمرين اذا في يوم قال زوجك طبخ أمي أحلى طبخ
والله يخلي أمي وامهاتكم كــلــكم ....بنات وعيال ..
ويرحم أمهات المسلمين الي صارن الى رحمة الله......قولوا آآآمين
.
.
