لاتقول الوجـد جابـك والشجـن
لاتقول انك علـى حبـي تمـوت
وينك امن سنين يـوم انـي اون
وازعج الونات صوتٍ عقب صوت
جيتني والشيب بالراس استكـن
والجسم مثل الشجر صار محتوت
صرت كني لاجـيٍ ذاق المحـن
او يتيـمٍ مالقـى بالـدار قـوت
دوك جسمي لاعبٍ فيـه الوهـن
صار اوهن من خيوط العنكبـوت
غيرن بُعـدك وغيرنـي الزمـن
عن لذيذ الهرج فضلت السكـوت
مابقي بالعمـر شـيٍٍ لـه احـن
غير ذكر الله ودعـوات القنـوت
اغنم ايامك قبـل لبـس الكفـن
العمر لحظه وما اسرع ماتفـوت
لايضيع العمر فـي فـن ولحـن
دام عندك وقت ترجـع للثبـوت
رزقك المكتوب لـو كـان بعـدن
ماترده عنك اهالـي حضرمـوت
اشهد ان المال في الغربه وطـن
واشهد ان الفقر غربه في البيوت
الوطن غربـه اذا مالـك سكـن
السكن هو الوطن ياهل البشـوت
وش يضر المَيت لامنـه اندفـن
باللحـد والا بزينـات التـبـوت
احمد بن عبدالرحمن العريفي
(نديم المجره)
