كما هو واضح من العنوان
وين صارت ذبحة الجليدة وبأي تاريخ؟؟؟؟؟
عرض للطباعة
كما هو واضح من العنوان
وين صارت ذبحة الجليدة وبأي تاريخ؟؟؟؟؟
في 1340 ه 1921-1922م في بدايتها اغتيال ضاري بن طواله من قناص في جلديه جنوب شرق حائل
ومن ثم ذبحة الجليده من الاخوان ضد الاسلم ومقتل 90 اسلمي فيها
فواز الغسلان
اقتباس:
المشاركة الأصلية كتبت بواسطة المفضلي11
اشهر مجازر التطهير العرقي التي قام بها الاخوان اربع مجازر
الاولى: في الشعيبه في رمضان عام 1338 ه وهي ذبحة المسجد الشهيره وقتل فيها سبعين
رجل اثناء اداء صلاة الظهر 0
الثانيه: في النيصيه في عام 1339 ه وقتل فيها 315 رجل 0
الثالثه: في الجليده داخل سلمى وهي ضد الاسلم في نهاية عام 1339 ه وقتل فيها 90 رجل0
الرابعه: في الظهر شمال رفحاء وتسمى مذبحة الحد وهي ضد الزميل في 1341 ه وقتل فيها
120 رجل وجميع القتلى من قبيلة شمر 0
ولد البدو بارك الله فيك
الراوي ابو فهد شكرا لك والله يعطيك الصحة والعافية على التوضيح يا شيخ
اللي
اعرف ان الجليده
على الحدود العراقيه
الجليده قرب الحد العراقي
في نواحي الساده
معارك التطهير الاخواني الاربعة!
قتل فيها اكثر من 700 شخص
لو حسبناها حسب النمو الطبيعي
خلال ال تسعين عام التي حدثت فيها
لأصبح عدد القتلى يفوق ال 10000 شخص!
حسبنا الله ونعم الوكيل ورحم الله تعالى
شهداء شمر والمسلمين اجمعين .
شكرا لصاحب الموضوع والراوي المفيد.
من عقب ماني سالية بس أصلي *** فزيت أنا من حر شي جرى لي
لا عاد لامدلي ولا من أمد لي *** على الجليده لا سقاها الخيالي
تسعين قرم كلهم دنوة لي *** ضحو بهم عوجان الالسن قبالي
مامنهم اللي ذل اولا استذلي *** ولا منهم اللي يتقي بالجبالي
وغدانهم بالقيظ ما هم بظلي *** وحريمهم دجت بليا ارجالي
ضاري يا أخو صلفه خلف كل من لي *** وين أخو صلفه ياعوض من غدالي
جيتك على الاقدام دمي يشلي *** امشي على الرجلين مابي انعال
اذبح لهم ذبح العديم المغلي *** وخلو عليهم مثل يوم حرى لي
[/poem] منقوله
= ستار ماتشوف الراوي وش يقول يقول بجبال سلمى وينك ووين الساده
= عبدالرحمن لاشكر على واجب الله يرحم شهدائنا وحقهم ياخذونه بالاخره عند الله سبحانه
= باجي فيه بيت ناقص بقصيدة نزيلة الاسلمية وهو المهم اللي به اسم شخص اللي سبب الذبحة او بالعربي هو الدليلة لجيش الاخوان وللاسف هو مفضلي بس لله الحمد ما يمثلنا شذوذ شخص عن القيم والعادات السليمه
اقتباس:
المشاركة الأصلية كتبت بواسطة المفضلي11
المفضلي حيااك الله
الله يسلمك
استغرب من الشخص اللي يرد وهو ماعنده خبر
يعني مع الخيل ياشقر معهم معهم عليهم عليهم ,,
يالحبيب الجليده تعتبر في ديار الظفير قرب الحدود العراقيه
ومن الجيان القريبه لها عتيق , والوقباء عنها ايمن الغرب
بعيده عنها شوي لان الجليده كانت داخله في الحد العراقي
ولان في التخطيط الجديد دخلت من ضمن الحد السعودي ,,
اما اسم الشخص اللي لم يذكر في القصيده
وهو معرووف تقاضا العضو عن ذكر اسمه الشخص
تحاشيآ اللحساسيات المفتعله
الف شكر اخي/ باجي
مع تحياات ستاار
ستار ابقاك الله والله يهداك اقول لك شف كلام الراوي ابو فهد وشهو كاتب يقول الجليدة عند اجبال سلمى وانت تقول حول الساده اللي حول الحد العراقي
يمكن فيه جليدة حول الساده بس مهي هي اللي صارت به الذبحة
اقتباس:
المشاركة الأصلية كتبت بواسطة المفضلي11
ابو فهد و30 نعم ماشالله عليه راوي وحافظ للقصص والقصائد
ولكن اكيد مشتبه عليه الاسم مع اسم ثاني،,,,
يابن العم والله غريبه ماتعرف الجليده وانت من المفضل
ماعندك شايب من اهل الخشيبي تساله وتفكنا من هالمشكله,
يابن الحلال هذه مواقع ثابته على مر العصور ماتبي راوي..
(توضيح عن الجليده اكثر )
الجليده اللي فيها الذبحه من لاخوان ضد شمر
هي القبلية الظفير وعتقد انها ال بن حلاف
على الحد العراقي, وعد لك من المواقع القريبه من الجليده
ساده الحنيه و الرخيميه والدليميه والوقباء
ومركز سماح لسلاح الحدود
ابعد موقع مماذكر اعلاه عن الجليده في حدود 30 كم
والجليده مشهوره في وفرة المياه سابقآ عليها 12 مقام
انشالله اتضحة الصوره لك يابن العم
وذا مااقتنعت بجيك بسيارتي وشيلك حتى اوصلك
الجليده وشوف الحق علي او عليك
تحياااااتي
اقتباس:
المشاركة الأصلية كتبت بواسطة ستاار
^
^
لاتقتنع يالمفضلي 11 غديه يمرك وتمرونن ونتمشى لهكالديار وغدي بعد يحصل لنا تحريك حنتس أما بالوقباء وألا حول سماح :)
الجليده مكانها مثل ماتفضل به اخوي ستاار ,, ماهي بسلمى
الونش
-
شكرررا للجمبع
معلومات استفدنا منها للتعرف
والله لايعيد الماضي
الونش ..
يالغالي ليامنهم مرّوك لاتخلوني !!
الوكاد نبي ناخذ طليّنا معنا .. وقيمته على واحد من الثنين !
بس يبي يحصل لنا خووووووش مقيال بحدا هكالفياض .
ستااار..
طوّل بالك يالعزوة ،، ترا الأسامي تتكرر ، لكن تبقى الأحداث ثابته .
يمكن التبس الأمر على أحد ، وخلط بين المكانين ..!
بالنقاش البعيد عن التعصب >> نقدر نوصل للأجابة الصحيحة .
انا والونش نبي ناخذ الطلي ، ونروح معكم - والله يعين اللي عليه الحق !
احترامي للجميع,,,
^
^
ايه هذا الحتسي اللي يدسم الشارب :7ayyoh:
والموتر اللي مايمرك نحرج عليه :)
بس المشكله تسانهم مامروني :232r:
وان كانك تباطيتنا / تلقانا بدنى الوقباء من شرق
بس انتبه لاتقع بحدى قلبانه >>> الله لايعود الشر :d:
/ الونش /
= ستار هلابك والله مايندرى وين الصح ولاهو تشكيك بمعلوماتك وخلاص اتحراك تجينن ونروح لم الجليده
= الونش تهقا ما اقتنع ياما يجينن ونمرك وتروح معنا بس نبيك دليله مهو راس ضب
= سيف الدوله العفو
= صلفيق حياك الله مرافق معنا بالرحله الممتعه والطلي اكيد انه على ستار
[align=center]
هلا وغلا
في العزوه عيال العم
والله اكبر شرف تواجدكم
المفضلي11 حياك الله
الرجال يبون حق يعني بلوشي
ماتركب بعد هالجهد والتعب لازم يكون فيه حق مع رحله للجليده
هههههههههههههههه
الونش والله تستاهل هههههههههههه حلوه وصاتك للمفضلي11
اهم شي انه يتمسك بوصاتك حتا نطلع للموقع ,
صلفيق الف مبرررررررررررررررررررروك لاشررررررررررررررررررررررررررراف
وتستاهل . وبشرك الوضع عاادي مافيه اي تعصب
والمكسب هي الفائده والمعرفه
من لاخوان الملمين في القصص والقصائده
القديمه
والف شكر للجميع
مع تحياات اخوكم // ستار
[/align]
ــــــــــــــــــــــــــــــــــــــــ ـــ
بسم الله والحمد لله تعالى ..
الاخ العزيز ( سلطان ) ..
ما كنت اريد اشارك هنا لان اكثر الاخوان بهالمنتدى ما شاء الله تعالى يقرءون ما بين السطور ويدركون ما وراء أي خبر او أي مشاركة يعني عندهم نضج سياسي بالملابسات كلها على قولتهم وما تمشي عليهم بعض الحركات المكشوفة اللي المفروض انا تجاوزناها من زمان .. بس حبيت اشعر الاخوان القراء ان المفضل كل المفضل مع شيوخهم ال جبرين الامجاد وعلى راسهم الشيوخ المشاهير : ( برجس وملبس وطايس ال جبرين ) الله تعالى يرحمهم ويغفر لهم جميع هم وغيرهم كثير من شيوخ وفريس ومشاهير المفضل واللي تاريخهم يشرف ويرفع الراس حتى ولو اسيء فهمه من قبل بعضهم او فسّر تفسير مغلوط لعلة او اخرى .. ولا تدري وين الخيرة لان الجماعة اذا احست بالظلم والغبن ما يزيدها هذا الا قوة ووحدة وتكاتف وهذا هو الواجب على كل الفضلان ولا تهتم من بعض المغرضين على اختلاف منازعهم ومقاصدهم اللي يستخدمون الاسماء المستعارة للاساءة والتشويه او استمرار المفاهيم الخاطئة اللي كانت مشاعة سابقا لسبب ما يخدم جماعات معينة على حساب اخرى ... الخ
والان الحمد لله تعالى الدويلة / المواليف هم اكبر فخوذ السناعيس ودينهم واضح وطيبهم واضح لاي متجرد واللي يحسن لهم بالمعروف ونعمين به واللي يحاول يسيء لهم او لشيوخهم فهذا هو وذمته وشانه ..
اما الفضلان انفسهم فما يبيعون ولا يشرون بشيوخهم ابد لا الاولين منهم ولا التالين لان كل منازعهم ومماشيهم في اصلها اجتهاد صادق على الدين والمرجلة في وضح النهار والعلوم الغانمة حتى ولو اساء فهمها بعض المغرضين من غيرهم او حتى لو وظـّفت لاسباب اخرى او حتى لو اتضح فيما بعد ان بعض مواقفهم في سياقها التاريخي كان اجتهادا شريفا ولو كان غير مصيب على راي البعض . وهذا اللي ودي يعرفه كل واحد من شمر العزيزة واللي شارك المفضل والفضيل واليحيا من وراهم بتحقيق هالمجد العظيم .. وما عدا ذلك فمرفوض ابد ويصنّف عند العقلاء على انه مزايدة ممقوتة .. وعلى كل واحد انه يراجع ذمته ومعلوماته ومواقفه على هالاساس ..
يقول الشاعر عبدالله المفضلي ( والجاهل اللي قال للناس جهال ـ والناس معهم للخفايا درابيل ) نعم الناس تفهم وخاصة مع انتشار الوعي ... وعلى قولتك فان اللي يكتب باسم ( المفضلي 11 ) منطقه ما هو منطق مفضلي حقيقي وهذا واضح من مداخلاته السابقة بهالمنتدى في موضوعات اخرى ولا اريد ازيد اكثر ..
وهنا احب اني انقل ما كتبه الاخ ( فضلان ) في ( منتديات المفضل ) حول موضوع مشابه لتجلية الامر من موقف الشيخ ( ملبس ابن هجرس ال جبرين ) رحمه الله تعالى وغفر له واعز ذريته على الحق من ( ابن رشيد ) رحمه الله تعالى وغفر له ولجميع ال رشيد الاموات واعز الاحياء منهم امين ..
ــــــــــــــــــــــــــــــــــــــــ ــــــــــــــــــــــــــــــ
[[ بسم الله الرحمن الرحيم
ايها الاخوه الكرام السلام عليكم ورحمة اللهوبركاته
ابارك لكم هذا المنتدى المبارك ان شاء الله واتمنا له النجاح الدائمعلى العز والمعزه وجمعا المواليف الفضلان الدويله
واراها مناسبه مواتيهلاكتب عن موضوع حساس ولكنه مهم ويجب التصدي له من قبل ابناء المفضل لاظهار الحق والتصدي لتشويه الحقائق وسرقة تاريخنا المشرف الذي نعتز به ولا نسمح لاحد بالتطاول عليه ما استطعنا حيث لاحظت ان الفضلان مقصرين في هذه الناحيه لكونهم لا يحبون الظهور الاعلامي والتكلم عن افعالهم لانهم يرون انهم اكبر من ذلك ولكناحيانا للضروره احكام
هذا الموضوع سوف ان شاء الله اكتب عنه على حلقات وهوكما اسلفت موضوع التاريخ الخاص بالمفضل فقد تعرض لبعض التشويه واحيانا للسرقه بقصداو بغير قصد
وما قصة مشاري الشقاق ومفيز العفر ومحاولات البعض تحريف التاريخ والقصائد الا مثال واضح على ذلك وسالفة نقذه وغيره من السوالف التي سوف نحاول انشاء الله نقلها بصوره صحيحه وواضحه على لسان من عاصر تلك الحوادث ونقلها لابنائهواستمر النقل المتواتر بدون تزييف او تحريف
والله ولي التوفيق وبهنستعين
والعنوان مستمد من قصيدة مبيريك التبيوناوي المؤرخ المشهور عندماقال
نوت صاحت وزجّت له اصوات
هيفا تراها العـام لجّـت قطينـه
على شجـاع ٍراح منـا للامـوات
منيع ابـن نوبـان هـم خابرينـه
هذي قـروض بيننـايالقرابـات
وحلـو ردّاد الجـزى قبـل حينـه
عقاب ٍ طريح ٍ يوم الافراسعجلات
عزّات من طير ٍ نقـر حجرعينـه
حجاب ياما قال بالبيت قـم هـات
عـزّيلكـم يالابـة ٍ فاقديـنـه
فـوات قبـل مدوّريـن الجمـالات
ياليـت عقّـالالعـرب حاظرينـه
ايّات خمسيـن تعشيّهـم الشـات
ضياغـم ٍ مـن زوبـع ٍخالطينـه
لميتين خيّـال وخيـل ٍ مريحـات
وجيش ٍ يعزّل من وراهـمكمينـه
من زوبع ٍ والا السناعيس لافـات
ذهيـب ماعـوّد علـىمرتجينـه
من هدّت عليهم شمر ٍ عقب الاقفات
وغدو بصيّـاد الحبـاريبحينـه
الموضوع الذي سأتكلم عنه اليوم في الحلقة الاولى قد يكون هو اكثرالمواضيع التاريخيه حساسيه الى يومنا هذا واكثر ما نال منه التحريف والتشويه بقصداو بغير قصد واستمر تناقل الموضوع مشوه ولم يتصدى احد لبيانه بالصوره الصحيحه للسببالذي ذكرت انفا وقد يكون لطبيعته السياسيه ايضا دور كبير في ذلك
الموضوع هو قصة الشيخ ملبس بن هجرس بن صنيدح بن مطلق بن جبرين مع ابن رشيد
ملبس واخوه مذود وابوه هجرس وعمامه الصنيدح وجده صنيدح وجماعتهم المفضل كان لهم دور لايستهان به مع ابن رشيد وخاضوا معه كل الحروب الكبيره وكانت علاقتهم مع الرشيديشوبها احيانا بعض التصادم والمعارضه ويقال انه لهذا السبب سميو الدويله ولكنهمبالاخير يبقون جماعه
ومن اشهر المواقف التي حصلت في هذا السياق سالفة صنيدحمع بندربن طلال بن رشيد يوم يغزي ابن سعيد ويوم دري صنيدح ان الغزوه على بن سعيد منشمر عارضه بشده وقال له ابن سعيد بنحرك وحنا بظهرك وسانده بذلك كتاب بن طواله وغيرهمن شمر ولما شاف بندر هذا الموقف الصلب منهم انثنا عن غزو بن سعيد واصلحوا المشكله بين بن سعيد وبن رشيد وانتهت بسلام وقصيدة مطلق بن سعيد الطويله في هذا السياق التيمنها هذا البيت :
يوم ان بندر قفل الخيل يا دبيس *** وقف صنيدح بالسناعيس وكتاب
وبيت نواف بن نهير العلياني الذي منه حول هالموضوع قوله :
( فضلان يالدغيرات ما ينسوني (
وموقف مذود ايضا مع الظفير يوم لجو له من ابن رشيدايضا معروف وسموه بسبب هالموقف محيي
وملبس شارك مع ابن رشيد في موقعة الصريف وهو شاب صغير وينقل موقفه في تلك المعركه الكاتب فهد المارك في احد كتبه انه يوم تواقف الجيشان جيش بن رشيد وجيش بن سعود جمع بن رشيد قادة شمر وسألهم عن رايهم هم يهجمون على جيش بن سعود ولا ينتظرون هجومهم ويصدونه فكثر الكلام حول الموضوع فقامواحد من قادة شمر شاب صغير لم يبلغ العشرين يملأه الحماس يوصف المارك لبسه بانهزبون ازرق وقرونه منسدله على كتفه وشاربه توه خاط وقال حنا ماجينا هنا ننتظرعليهم والدايس يدوس فلاقت هذه الكلمات قبول عند الجميع فثاروا وهجموا على جيش بن سعودوهزموه
كذلك شارك في غزوة جراب التي قال فيها العوني هذه الابيات يذكر جيش عبده ومنهم الجبرين ملبس وطايس وبرجس :
دار يا الي تحت سمر الهضاب
علها منمقاديرهم الوسوم
ديرة عزها الله بالشباب
خاضو المعركه تسعين يوم
ياانها رجاه مثل الضباب
قام ضد على ضد يزوم
شفت غوش اليمن تتلي عقاب
ورده للمناياو السهوم
حسهم كاصواعق بالسحاب
في نهار تواقع به النجوم
انتخى ملبس بايمنجراب
هو و طايس بعيدين العلوم
و برجس للملاقا ما يهاب
اخو بهيش الرجلللزوم
وشفت مطني على الصفراء رعاب
ينفض السيف عن فوق القحوم
كنه السبع ياشر النصاب
و شفت يمناه ما عليه هدوم
و شفت هباس في وسط الجراب
العداء حطفي جمعه ثلوم
و شفت عـــراك يدلي كالعقاب
ما ضرب في كفه ما يقوم
و نداءيوم اللقاء حسه رعاب
يشبع الطير لادلي يحوم
روّج الدم بالقاع الرغاب
كنهالسيل يا دلّى يعوم
و انهزم ضدنا حدر الضباب
عقب رد النقا راح مهزوم
وحوطوا لابتي مع كل باب
و نهبو حلته غوش قروم
وحصل بعد ذلك ان الرشيدتناحروا فيما بينهم واهتز حكمهم ودخل فيه ناس لا يجيدون السياسه والتدبير وخسرواكثير من اعوانهم على مراحل متباعده كان من اولهم التمياط ثمن ابن طواله وهباس بنهرشان وملبس بن جبرين وندا بن نهير بالاضافه الى الجبر من الرشيد وعبدالله المتعب الرشيد واخرين من الرشيد واخرين من سنجاره والاسلم كثير وقصيدة العوني اللي يمدح بهشمر ويقول ( والله لولاهم ما يذكر الوفا ولاله بين العالمين مدار*** اللي يوم جاهمنب شيخهم وهم قبلن زعالا عليه جهار ) في ابن طواله وغيره من شمر في موقعة الجوفدليل على ذلك حيث انهم كانوا ردوا النقا على ابن رشيد ويوم ترضاهم بقصيده ونخاهم جووفزعو بالجوف
وكان من ضحايا ذلك التفكك والتسيب السياسي الذي عصف بحكم الرشيد وعدم الحكمه في تدبير الامور لان الحكم يبيله ساسه وتدبير وحفظ كرامة وحقوقالقبائل كان ملبس بن جبرين وكانو الاولين ما يرضون الاهانه ولا يحملون الضيم ولايصبرون عليه لانهم ماكانوا اشخاص ممكن يضحون ويتنازلون عن بعض حقوقهم لا لحاكم ولالغيره بل هم قبائل يتخذون موقف للقبيله كله ماهو لشخص وتعمد ابن رشيد في ذلك الوقتومن معه من مستشاريه اهانة ملبس فغضب ورد النقا على ابن رشيد عيانا بيانا وليس كمايسميه البعض الان خيانه فالخيانه غير ذلك ورحل مع ربعه عن حائل وكان هو من صغره فيهدين ويميل الى الدين والتدين فوجد في الاخوان بالارطاويه مكان مناسب له وسكن فيهاقبل سقوط حائل بحوالي خمس سنين ولو ان رحيله هذا كان ايام السقوط لكان ممكن يسمىخيانه
وابن رشيد يعلم انه راح زعلان ويعلم وين راح ولم يرسل له ولم يترضاهوالبدو الاولين عندهم عزه وكرامه وسلوم اكثر من هالحين ولا يتراجعون عن مثل هالقراربدون سبب مقنع
بل ممكن يستعينون بالاجنبي والبعيد على اقرب مالهم ليستردواكرامتهم وينفون الاهانه عنهم وعن ربعهم والقصص في هذا المجال كثيره لا تحصر ولكن على سبيل المثال نسوق القصص التاليه
اول قصه قصة بن رشيد نفسه عبدالله العليكيف حكم حائل وممن خذا الحكم
خذاه من اقرب ماله من الجعفر ابن عمه ابن علي وفينفس الوقت نسيبه ابو زوجته يوم اهانه
وخذا الحكم عن طريق بن سعود يوم خوا عليهويوم ذبح ابن عمه مشاري ابوه على شان الحكم وحكم الرياض ودخل عليه عبدالله بقصرهوذبحه بمساعدة راعي جلاجل اللي دخله القصر
قال بن سعود اطلبوا اللي تبون ياعبد الله بن رشيد وراع جلاجل
وكلن طلب حكم ديرته وارسل معهم ابن سعود جيشوولاهم جلاجل وحايل وهربوا العلي من حائل ولحقهم عبيد بالسليمي وذبحهم
فينفس المقاييس اللي يقاس به موضوع ملبس هل تعتبر هذي خيانه من عبدالله بنرشيد؟؟؟
القصه الثانيه قصة الحودله بن طواله يوم جاه الجربا بدياره بسلمىوقهره وخذا حلاله وحلال الاسلم واهانه ذهب لابن سعود لطلب النجده على ابن عمه الشمري ولما لقا ابن سعود اللي يعرفه ميت وقت لزيارة ابنه الحاكم لقبره يوم الجمعه وزبن على قبره وخمه وقاله بن سعود اللي عليه راع القبر حنا عليه وغزا الجربابالعدوه وانتصر لابن طواله وما رجعوا الجربان لنجد لياهالحين
هل هذي خيانه؟؟؟
وقصة غضبان بن رمال يوم ضهدوه عيال عمه الزميل من سنجاره وزبن على عوده ابو تايه وجوزه من بنات عمه مع ان شمر ما تجوزهم واستعان به على الزميل ياماخذا حقه منهم
هل هذي خيانه ؟؟؟
هذولا ثلاثه من فخوذ شمر عبده والاسلم وسنجاره والقصه الاخيره ولا هن كثير صارت من كل القبايل ومن العريعر والسعودوالرشيد وغيرهم لكن الاخيره اللي استشهد به اليوم قصة ابا الشيوخ خلف الاذن من الشعلان من عنزه الفارس والشاعر المشهور يوم يجي ينخى ابن رشيد على وقت زامل بنسبهان يبيه يغزي معه على عيال عمه الشعلان يوم اهانوه ومته به بن سبهان ولا استجاب لطلبه وقصد به القصيده اللي منه
فنجال طينن مانت فنجال صيني *** تبرك مبراكالجمل وانت ناقه
هل هذي خيانه ؟؟؟
هذي سلوم الناس اكالوقت ولا هي خيانه اذا رد الرجل النقا على الرجل وخصوصا انه قبل السقوط بحوالي خمس سنين
ثم انه بعد مكوث ملبس بالارطاويه كم سنه وتعايشه مع الاخوان وميوله الديني تأثر بالجهود المبذوله من ابن سعود ومشايخه في ذلك الوقت الذي اقرب ما يكون ... الذي نرى في هذا الوقت التي توفرت به الكتب والمراجع والانترنت الكثيرمن الشباب ... يقتلون انفسهم والمسلمين ويعتقدون انهم على حق وانه في سبيل الله ويؤدي بهم الى الجنه
ولكن على جهل البدو في ذلك الوقت وقلة المراجع اقنعوهم ان الولاء والبراء للدين ولوكان اخوك او ابوك والقصص كثيره عند شمر وغيرهماللذين قتلوا ابنأهم واخوانهم وعيال عمهم لهذه الاسباب وما قصة بن هديرس الاسلمي من شمر الا احد الشواهد على ذلك والبدو هاكالحين لا يعرفون يقرون ولا عندهم اي مصادراخرى الا اكالمشايخ ولا ندخل بنيات الاخوان اكالحين فنحن من قصص اللي عاصروهم نجزم ان نياتهم كانت لله ما هو لحد غيره وان شاء الله ان الله يجازيهم على نياتهم .......
لكن الاكيد ان اللي صار من ملبس ابن جبرين ماهو خيانه ولا قريب منه والدليل على ذلك كثر شمر اللي سوواما سوا لو هي خيانه ما تجمعوا كلهم عليه
وقد يكون من المناسب رواية جزء منقصة ندا بن نهير في نفس السياق اللي بعد هالحين يقولون عنه خاين
ندا بن نهيرزعل على بن رشيد بعد ملبس بفتره وجيزه وقبل ما يروح من بن رشيد حاول انه ينصحهويصحح بعض الخلل وقاللوه ترى الناس ابعدت عنك بسبب قراراتك وتعاملك الغير حكيم معهم لا تفرق شمر عنك اجمع الناس على الشمريه والاخوه والحميا وحتى اللي ماهم من شمرحطلهم شي يجمعهم مثل ابن سعود واجمعهم على الدين وجبلهم مشايخ وكان مستشار بن رشيد اكالحين عقاب بن عجل خال عبد العزيز المتعب فرد على ابن نهير وقال لاوالله الا ذليت يابن نهير انت وقرونك اللي تلفح فغضب ابن نهير وقال قروني مالفحت ورا الدنس ما لفحت الا ورا ربعي لياثار الدخن مار والله ان صدق ظني ومشيتو على طريقتكم هذي انك دورهالليالي الا تعبر جسر الفلوجه منحاش للجزيره
ويقولون انه فعلا دور اكالليالي يعني بعده بسنه يوم عبر عقاب جسر الفلوجه انه ذرفن دموعه ويوم سألوه اللي معه ليه ياعقاب ليه تبكي قال تذكرت قول اكالجذع ندا ولله انه صدق
بالاخير اقولكم يالفضلان تنبهوا لتاريخكم ورموزكم لا يغركم حكي المغرضين مثل ما شوهت هالقصه شوهغيره من قصصكم لاغراض الله اعلم به ولا الواقع يقول غير اللي يقولونه ملبس له بركاتعلى المفضل لياهالحين
غير الديار الكهيفيه والعقله..........
ومن بركاته ولده عبدالله الله يرحمه الليتاريخه تعرفونه على دين و شرف ونقا وحميا بسبب الله ثم بسببه انقذ اكثر من ثلاثينرقبه من جميع فخوذ شمر غير جيانكم الحزول والاطوى وحدود حايل
لا تطيعون الجهله بربعكم وبتاريخكم
ولي ان شاء الله عوده لقصة مفيز ومشاري
اسف على ا لاطاله والسلام عليكم ورحمة الله وبركاته ]] انتهى .
وانا ان شاء الله تعالى لي عودة على هذي المسئلة ولكن من باب آخر وبصيغة اخرى ، والسلام عليكم جميعا ..
عبدي أصيل أتفق معك تماماً .. وشكراً لك على المرور.
شرفان الشديد .. بارك الله فيك كفيت ووفيت وكثير من المنصفين من أبناء شمر
يجدون العذر للغير ..وأنا أذكر في هذا المكان الأخ الفضيلي الله يذكره بالخير ..
شكراً لك شرفان وبانتظارك .
أما أنت يـ ( المفضلي 11) .. اكتب باسمك الحقيقي ولاتستر وراء هالالقاب ..
وش مدرينا يمكن جدك كان غاز له بيرق يوم الجليدة و أنت جالس تشمت
بشيخك ؟؟
= شرفان الشديد انت فهمت الموضوع خطا انا ما اسمح لاي شخص انه يتكلم على المفضل ولكن فيه ثغرات بتاريخنا تسود الوجه ومن ضمنه ذبحة الجليدة للاسف وانا خصيت شخص بعينه وهو ما يمثل الا نفسه وليه انت تعم المفضل ما يعم الناس الا الردي
= سلطان لو جدي غاز بيرق على ادنى شمري كان تبريت منه ولا يشرفن تاريخه وانا قلت لك قبل شيوخي ومرجعي بعد الله وسنة نبيه هم الرشيد ومن بعدهم الجربا وحكامي آل سعود الله يديم عزهم ولا يعز عليهم والحمد لله اني اختم اوراقي عند عمده شميلي ولله الحمد والمنه
وبعدين يا شباب انا اتكلم عن موضوع ذبحة الجليدة وافادنا الراوي ابو فهد الله يطول بعمره ليه انتم تطلعون عن الموضوع وليه تزعلكم طاري ذبحة الجليدة
وبعدين ارجو من المشرفين اقفال الموضوع لاكتمال جميع نواحيه المطلوبه واللي يبي يتكلم يتكلم بوضوع مستقل