بـأول مراحل عاطفة قلبي معك ( إنت الأسيـر ) ..
وصرت الأسيرة في وطن قلبك وحبـك ديرتـي ..
من أول النظره .. إلى الإعجاب .. للحب الكبير ..
للشوق ..للهفة .. إلى آخر ألم في (غيرتي)
يومك فهمت إحساس قلبي لك وكمّلت المسيـر ..
أرجوك كمّل باقي المعروف .. وإفهم حيرتي..
صعب الشعور اللـي عجـزت أترجمـه و أوصلـه ..
يآ سيد إحساسي عجـزت أفسّـر الحـظ الـردي ...
حروة سنه.. مرت وأنا.. مـن مرحلـة لا مرحلـه ..
لاني مع العالـم بأرضـك .. لا و لآطلـت الجـدي
كم لي وأنا أحـاول أفـك رمـوز ذيـك المسألة ..
وكم لي وأنا أحس الفشل ينهي طموحي.. وأبتدي..؟!
كم لي وأنـا أستجديـك ناقصنـي حنانـك كمّلـه ..
يا خوف قلبي لا يمـوت إحسـاس حبـي ويغـدي !!
أقسى شعـور أواجهـه إحساسـي إنـي مهملة ..
ويآ شينها يوم أشحـذك وصـلٍ أبـي فيـه سعـدي
( أعظـم ألـم ) أداري دموعـي لـشـيٍ تجهـلـه ..
و ( أكبر قهر ) مآتنتبه للجـرح والخـد النـدي ..!؟
عمرك سمعـت إنسـان يعكـس اتجاه البوصلة ..
صار الشمال ( إنت ) لجـل يرقـى لقلبـك ويعـدي !!
وعمرك سمعت أحدٍ يحب إنسان أكثـر مـن هَلـه ؟!..
لكـن هـالانسـان يتلفّـت كنّـه يقـول إبعـدي .؟
هذيـك أنـا بنـتٍ تحبـك وتتبعثـر لـك ولــه ..
وهذاك هو إنـت الرفيـق اللـي حرمنـي مرقـدي ..
هـذا وأنـا مشيـت لـك درب الغـلا مـن أولـه ..
أمد لـك كفـي غـلا.. وتـرد لـي راحـة يـدي
أمانتك .. لآ جيـت لـك..أحمـل خفوقـي مقبلـه ..
لآ تقفـي وتَسفـه أحاسـيـس الـغـلا يآ سـيـدي ..
يا الأجودي إفهم شعـوري وإن قـدرت إستحملـه ..
وإن ما قدرت .. الله يعين (......) يـا الأجـودي !!
زبدة كلامي .. إعرف إن لك فـي خفوقـي منزلـه ..
مآ طالهـا غيـرك ولا بيطولهـا حتـى ( ولــدي )
وجود غيـري فـي حياتـك مـا أعـده مشكله ..
مآبي أكون إلا ( رقم واحد ) فـي قلبـك يا بعـدي !!
حروة سنة مرت .. وقلبك وسـط قلبـي وإزهله ..
عسى سنيني معك ما تقصـرولا يضيـع جهـدي ..
ما قلت لك صعبه أترجـم لـك شعـوري وأنقلـه ..
كن بحياتي مـا نطقـت أبد ولا حـرف أبجـدي ..
