العبد الأسود قرقع الباب : قالت عجايب وش نبي بوه
سلام يااااساده ويااامشجّر :) >> روح هاااه انتبهي من المشجر
) ياجماعه انا حصوم 3 ايام بسبب 3 :( ( >> خربوا عليها زعلتها :)
ندخل بالسالفه
مرتن جدة اخواني :) >> متبريه منهم
جدتي .. وخويتها .. من نسوان الجماعه
من زمااااااااااان بالضبط بالضبط بعد هجرة الرسول ..
المهم رايحااااتن بحميرهن .. أجلكم الله للسوق
ولاحظوا العز كل وحدتن لها حمااار لحالها ..
المهم وهن يشغلن حميرهن ويدقن اللطمه ويروحن للسووق ويبعد عن خيامهن مسساافه والله ماهي بسيطه
المهم
بالطريق وهي تعاقب حميرهن هالنعره ( حشره يسمونها النعره تلطم عيون الحمــ ـار ) أجلكم الله ..
وهي يغدي لها دورااان .. انتي ياسياراتهن :)
ويبطن يالليل اللي ماله ليل .. يهشن ولا مايهشن مافيه فوود
مما أدى الى تأخرهن بالطريق
ويوصلن السووق ويتقضن .. وهي تقوم خوية جدتي ..(على فكره هالعجيز هبة ريح وورثة هالصفه للأجيال من بعدها )
اسمعوا
وهي يعورها راااسها
تبي قهوة
تخبرون المشرووب الوطني مامنه فكه:) .. تقل مدمنين استغفر الله والشكر لو قعدوا 5 ساعات بدونه
وين تغدي عاد من اول لا ستار بوكس ولا بوفية علي
وهي تسحب جدتي .. وتلقا لها مرتن تبي تدخل بيتها
وهي تسلم عليها
قالت : من انتي
قالت : يااااااااااويلي مررررحبـــــــــــا ( مع فزة مصطنعه ) ماعرفتيني ...
بلا والله من البطا عنتس :) >> بلا والله من الهووووال براستس
وهي تقلطهن ..
وتقهويهن .. >> وهناااااا يمكن الهدف الاساسي من ياامرحبا الأوله :)
جدتي (راوية القصه ) الى يومنا هذا متفشله من خويتها حتى وهي بالقبر
تقول ودي ان الأرض بلعتني
ودي ان القهوة سم واموت وافتك من خوة هالهتليه اللي معي :)
المهم انهن تفلتن من المره وركبن حميـ ـرهن :) وربطن حزام الامان وتوكلن على الله
طبعا في طريق العوده
كانت النعره تنتظرهن ( خلا وصحراء مافيه شغل ولا مشغله الا خشة هالحمـ ـار :) )
وهي تاخذ كل وحدتن منهن جلالها الأحتياطي :) وتلف بوه خششم موترها :)
الا هالأجودي الا شاااب ضووه (ناره ) ودلال بغداديه على كيف كيفك ورايح(ن) يسرح بأبله
وريح القهوة على بعد كم ميل تجعل من يشتمها يقول ياااابري حالي بري قلم الرصاص
وهي تدوخ بنت فلان .. وهي تمسكها جدتي : اقووول .. نذررر× نذرر تنطحها نذر
لاتفضحينا بالرجال .. لارجع لقهوته
ولاعليها من جدتي ولا من سااابع جد بعد
قالت يالخبله ..
حولي تقهوي >> تعزمها بعد
وهي تحوول بنت ابوها .. وتقدع وتشرب ويوم خلصت تاخذ اماء وتزيد على قهوته
وترجع المركى محله >> ماشاء الله متكيه الاخت بعد ؟
وهي تبوبح على جرتها :) مدري تمسحها بشليلها وتركب حمـ ـارها :)
ويعودن .. لبيوتهن .. ماايندرى عنهن ..
ولكن
تأتي عجايب آخر الزمان وبلغ الأجيال عن فعلتهن ..
:)
عز الله ماالله ستر جدتي
توها المغرب معلمتنا بالقصه
ماا دار اليوم الا انا ناشرتها بالعنترنت ..
أمحق زمااان ياعرب ..
ولي نكسه بموضوع آخر .. لعيناكم .. ياللي خربتوا حلفي :)
طحياتي .... للجميع
