زمن يارفحا

هكا اليوم قدر الله علينا و رحنا لرفحا
و كان مبطي علمنا بربعنا اللي هناك ..
>>و بعد كان مبطي علمي به يوم انا وغد ما اتغشى ..

الوكاد
و هم يعزموننا ناس
ابوهم يصير ولد عم ابوي بلنا إستراحه

وأول ما نزلت أنا وأمي و حرمة اخوي وبناته من السياره .. لاذت الوغد عن الباب وراحت تركض و قالت امه يا شرهه عندتس له و هن يدخلن داخل الاستراحه وانا اروح اركض المعتوهه
فريخه لم تتعدا الثلاث سنوات

>>عاد من زين هالزول >وبعد تركض ..>الا ياربي سترك .. > تقل سعره ..*_*

واركض واركض
والناس رايحه جايه ينزلون اهلهم ..
وانا لي وحيفه انا وعباياتي ورا هالوغده ..
وكل من شافني دعيت له(( يارب انك تربط على قلبه يا رب ان ما تجيه سكته قلبيه من الخرعه يارب تثبته ))^_^

المهم وانا على هالحاله

واركض واركض



وأنا امسكه مع قرونه
قالت بنت اخيي عمتي ابشوف الفراشات

قلت وشن فراشاتوه
ما أخبر برفحا فراشات ..

قالت الا هناك انا شفتهن


قلت يالله أمشي
وينهن فراشاتك

وطبعآ بنت أخوي تتكلم بالفصحى ..


وانا امشي معه على الرصيف وحنا نطااااول جدار الاستراحه يما وصلنا لنا نجفه >البويبينه حقته تبي تطيح و المفروض ان النجفه بيضا >بس من حيل الله قوي صارت>>سودا

و هي توقف

قلت يالله انجزي علينا نبي ندخل وينهن فراشاتك

قالت هذولي
وقامت تصارخ وتلحقهن وحالته حاله

الا طلعن طويرات الذوبه اللي متكوماتن حول النجفه ..


والناس يراعون لنا


فضحتنا ..

وانا امسكه مع قرونه اللي كنهن >>سدادات صميل ..

وانا ادخله بالإستراحه ..

و أول ما دخلت و هي تنطحن هكا البنت
اللي انقطع علي الضحك يوم طاحت عيني عليه

يوم شفته وانا اغلي زولي >>>ياربي مايطري علي زوله الا ابن عرس
هههههههههههه ياربي لا تعاقبنا


الوكاد وهي تجي تسلم علي وتستقبلن وانا للحين و انا متجودتن بقرون بنت اخوي
عشان ما تنفلت مني و تهج ..


المهم يمار البنت هذي تصير بنت ولد عم ابوي
و هو يطيح وجهي .. >>من الفشله

جايتهم بعزيمتهم واضحك على بنتهم .. >>>>وش وساعت هالوجه ..


وانا اجي واسلم على هالحريم اللي ماتشوف اقصاهن ..
ومن الربكه سلمت على أمي و مرت أخوي ..


و قطيت البنت على أمه وانا اجلس عند امي و العجز
و هن يقعدن يسولفن ..

عبدالباسط قال و عبدالباسط فعل ..
وعلاجاتي مدري وش بهن>> و متني يوجعن و وركبتي مدري وش فيها و رجيلواتي مدري وش علتهن ..
>>>وانا خشيت جو معهن و بقوه ..

قالت العجوز اللي بجنبي انا رجيلواتي يوجعني و ودي بأحدن ياطاهن

وما فطنت الا هكا القرصه اللي بيدت حيلي من الوجع
وانا افز من طولي

الا هذي ماما وانا اناظر له منقهره يمار تغمز لي بعينه وتغط على العجوز ..

ما أدري وش كانت تبي بالضبط..


و قالت امي يا ام سويلم
تبين أحد يتوطى رجلينتس

وانا بها اللحظه
فتحت عيوني ع الأخر وطلعن قدام ورجعن ..

قالت ام سويلم أي والله ..


قالت امي قومي ياجنينتي توطي رجلينه وانا اشطفه

يوم شفته طيرت عيونه علي
وانا اقوم عن حيلي

تخيلوا بنت طول بعرض و كاشخه وجايبتن العيد و فيه أمتن قاهره نصهم ما تعرفهم وكل الأنظار عليه >>تقوم تتوطى رجلين أم سويلم ؟ ..

_قلوا البزران؟؟؟ >>>> عاد كانوا بزرانهم يدقون الأرض من كثرهم

عز الله راح البرستيج


و قمت وانا مدنقه ..
مابي اشوف أحد يضحك علي خصوصآ إبن عرس ..


وانا افصخ نعالي (وانتم بكرامه )
وانا اجلس ابهمز لها رجولها مابي اتوطاهم
وانا اجلس اهمزهم واهمزهم قالت توطيهم يا بنيتي
وانا اوقف
و أنا اتوطى رجلينه ..
بكل حقد


و قامت تدعيلي وتدعيلي وتدعيلي

_وانا اناظر لأمي
الا تراعيلي وتبوسم ..
>>مسويتن فيها طناخه على حسابي
قسم بالله قاهرتن


والله لو ما كانت أمي
كان سويت بها علوووووم ..



وتوطيت رجول العجوز
يما قالت خلاص ..

وانا اجي عند أمي واجلس ..وأنا آطلع جوالي وافتشه واحط حرتي فيه ..
تقل اول مره اشوفه> من الحقد


الوكااااد


وانا امشي عند مرت اخوي وانا اتحلطم ..


>و جيته يمار ميتتن من الضحك

قلت وش فيتس انتي بعد يا وجه العنز وش تضحكين عليه..

قالت أضحك عليتس ..>>>قلت ياضاحكتن مع سرتس قولي آمين

وقالت تري البنات يبونك يقولون خليها تجي عندنا هناك ..>>داخل

ورحت وانا طايحن وجهي

يوم دخلت
الا ابن عرس ناطحتن
و هي تقعد تهلي وترحب ..
>
>و طلعت خوش بنت ..>انشهد انها >>> وليدة عرب ..


و هي تعرفن على هالبنيوات


وانا تقل استانس شوي

و شوين

شوين

وانا استانس

و هي تحلحل صواميلي وانا اجدع الميانه

وانا اخربه معهن ...




وقالن لي وش اللي جاز لتس برفحا ..
وشو احلى شين شفتيه


قلت والله انها تطورت عقبي
بس ياربي لك الحمد ما من حلا ..^_^
>تخرع .. مابه الشين اللي يفتح النفس..
‏^‏_^>>بس أهله شي شي شي ..
هم اللي مزينينه



بس احلا شين شفته الكتابات اللي على الجدران (((مررمرر الجنيدددي والوووسواس ومدمرررهم وشمر دوله))))
>>>> بكل محل و بكل شارع أعوذبالله> صاروا أشهر من الاسطنبول اللي بحايل ..
>>>>>عاد انا متابع جيد للكتابات اللي
على الجدران..^_^>>يوسعن صدري ..

بس عن جد أكره هالعاده الشخبطه >>> والله انهم أعداء الحضاره والرقي اعداء التقنيه والتكنلوجيا >>>>>>شف من يحتسي ^_^



و يوم خذينا شوين و هي تاخذن ابن عرس على جنب >قالت وشنوحتس تضحكين يوم دخلتي ؟تضحكين علي صح؟>>>وأنا اتخصبق و هي تضيع علومي

قلت يابنت لا لا كنت أضحك على بنت اخوي وانا ادمشق السالفه وانا اسولف عليه سالفة بنت أخوي و حنا نضحك >>و هي تنسى السالفه..

و هن يقعدن يمدحن بي و بتواضعي وانني توطيت العجوز و و و و >>>اويحي لو يدرن بس انني بغيت ارمي امي بسبته
هاهاهاهاهاهاهاي
بس والله شي استفدت هالمدح والثناء ^_^...

وتعشينا ومشينا
وقضت السالفه

تحيتي لأهل رفحا ..


سوري ع الإطاله

ودمتم بخير

هيه سرهه
أنا أهس وجه مال أنتي
لازم يلزق بشطرطون كويس
كل شوي طايه
هزا وجه و لا سائة مال جدار
خخخخخخخخخخخ

مسكين وجه مال أنتا أكيد ألهين خربان

بئدين ما فيه كلام رفها مافيه كويس

هزا رفها نفر واجد جين

رفحا ديره العز
صراحه كتابه على الجدران بكل مدينه لكن لا تجعل المدينه بمظهر كويس
لا وماتعرفين اللي يقربلتس .......

راجو

عز الله انني دايم طايح وجهي ..^_^>فديتن ..

هزا وجهه ولا سائة مال جدار >>>> اقول راجو لا تمقس هاهاهاهاهاي


رفحا كله نفر جين انشهد والله

و أولهم > انا ^_^

انا صدق تجنست غير رفحا ..
بس الأصل هو الأساس ..

الضاري ...

الا اعرفهم بس هذي جذعه من هالصغار >> خبري به وغد

يمار الناس ماهم على خبري كبرانين و متغيرين

‏^‏_^

شاكره لك مرورك ..

الحين انتي مداهمتهم ولاتعرفين احد الا ام سويلم





بس الحقيقه ملاحظه راجو في محلها





كم مره طاح وجهتس

اقتباس:

---

_وانا اناظر لأمي
الا تراعيلي وتبوسم ..
>>مسويتن فيها طناخه على حسابي
قسم بالله قاهرتن

---

ههههههههههههههههههه



هاللحظه عجيييبه...! :)



يقهرك هالشيبان لا انطنخوا على حساابك :)




شووووكرن شرهه..

يسلـــــــــــــــــــمو شرهه

فديــــــــــت رفحـــــــــــــــاء واهل الشمــــــــــــــــــال كلها ...!!!

ورفحـــــــــــاء لها مكــــــــــانه بقلبي ...!!!

سلميلي على الشمال كلها شبر شبر ...

تقبلي مروري

اقتباس:

---

يوم شفته وانا اغلي زولي >>>ياربي مايطري علي زوله الا ابن عرس
هههههههههههه ياربي لا تعاقبنا

---

ابن عرس هاه
تزينينه عندنا وألا إنتم تسمونه بلعريص:)
-----------------------
شرهه
مع إني ماني من أهل رفحا وولاعمري طبيت رفحا
بس أحس رفحا مثل الحفر هاللون
بعدين إنتبهي تري شبيثان من أهل رفحا
هالحين يجيتس له وحيفه
انتبهي لاتغلطين على رفحا
-----------------------------
هالحين إنتي يعني تتضايقين يوم أمتس قالت لتس إيطي رجلين أم سويلم:)
يختي وش هالبرستيج اللي يخليتس ماتاطين رجيلوات العجيز
لاعاد اسمع هالكلام
تفهمين ياشرهه
:)


واستلمي سلامي

اقول وش مدريتس اني برفحاء الحين


خخخخخخخخخخخخخخخخخخ



شرهه

تعرفين حنفو


لاهنتي على هالموضوع




وتقلدي تحيتي

شرهه

كل يوم اتاكد من انك مهبوله

هههههههههههههههههههههههههههههه

احسك بتاخذين افضل مهبوله في المسابقه <<<<<<<<<<<< وش المسابقه


اضحك الله سنك
القصه طز\ويله بس فيها اكشن كثير بسبب طيحات وجهك المتعدده

هههههههههههههههههههههههههههههه


و الله يجزكي خير على تضحياتك الوالده

لانها كثير تنذخ فيكي

لا لا عاده تكتبين على الجدران لي في حائل

صرت اشك فيكي ههههههههههههههههه

<_ منبطح وطرى عليه سوق العلاوي :)

ياويلاه يارفحاء بس والله من الزين وسعة الصدر حتى اللحوج به منتازين :)





الا شرهه انتي وقرونتس يوم تروحين تركضين بعد شداقات وش بلاتس فشلتي اهلتس الحين امتس كاشختن يعني بنتي الثقل العاقلة آخرته جلالتس ولك ركض مع الوغده :)


ازين شي أمك فاضختن قلبتس ولا لو ماهي فاضختن قلبتس بتطيريت العيون يمكن قاميتن وساحبتن كريعات العجيز ومطلعته بالحوش :)

اقتباس:

---

(((مررمرر الجنيدددي والوووسواس ومدمرررهم وشمر دوله))))

---

^
^
^
الشبث على شاص ومتلطم يفر آخر الليل ويكتب على الجدران :)


ماشفتي اسمي على جدار المستشفى <_ برآآآآآآآآآآآآآآآ




شرهه ماش قاضي علاجتس مابتس حيله :)


إستمري .




دمتي كاتبه فلاوية متعنبده



توسدي إحترامي

به عجوز ورا رفحا




تسوي بالعلبا وبمدق الظهر وفوق الابيتر شوين




وتعطيتس صندل معبوك بصبخه تحطينه على راستس



وسفوف كل صبح



ولعوط قرمزي تحطينه بعيونتس قبل تنامين






اسبوع...وعلمتس بالشر

استغفري ريتس

وشو ابن عرس


استحي هذي مرت عمتس بالنيابه

ابداع ثم امتاع

ابو خلوف...

أولآ0الحمد الله على السلامه ..
ثانيآ يقولون من طول الغيبات جاب الغنايم >>>يلا بساع وين غنايمي ما عينت شين؟؟
‏
ثالثا الا اعرفهم كلهم ..تبيني اعددهم لك ؟؟؟

رابعآ كم مره طاح وجهي ما تشوفهن مكتوبات ؟؟ متعاجسه لأعد >عدهن إنت وقلي ..

تحيتي لك و شكرآ ع المرور

هايس الشمري ..
عز الله إنك صدقت ..

يا إنهم يقهرو و و و ن..

بس عاد وش نعمل ؟؟
‏>‏
‏>‏
نطيعهم وحنا ما نشوف الدرب ^_^

تحيتي لك ...

شموخ شماليه ...
اما شبر شبر >>
فاضيتن لتس انا ^_^


يا بعد حيي هالوجه ..
‏ شكرآ لمرورك الطيب ..
تحيتي لتس ..

سناعيسو اقول وقت رضعتك جاء
يلا يا ماما رح لأمك ..



دايم اشوفه بالكراتين بس بالطبيعه ماعمري شفت ..>>عشان نقول له ابا العريص ^_^



‏_يسلمو ع هالمرور الطيب
‏_تحيتي لك

الشبث
بالله برفحا !!
>> يا حليلك ..

‏_وشو هذا لا ما اعرفه ^_^..
‏
_تحيتي لك ..


‏ ‏

شقــردي ..

و انا اخت فهيد . مهبوله ؟؟؟

الله يخسك >>حطمتن ..^_^

أقول ابو الشباب ..........
و الا بلاش هونت^_^
‏>‏> >>
شكرآ على المروووور وعلى هذا الرد المليء بالكالسيوم والحيويه والنشاط ..^_^

تحيتي لك

يوسف ههههه
وش اعمل بالوغده ؟ ؟ لازم اركض عشان امسكه >اخاف تقطع الشارع و تطيره له سياره يمار هي من صيد أمس !


يمكن انه الشبث ليه لا ^_^


ههههههه يا ام سويلم هذي .. >يا إنه غاثتن مغثه ما صارت ..!
‏ حتى انا أتوقع لو امي ماهي فاضختن قلبي كان بدال ما اتوطى رجولها اتوطى في بطنها .. واسوي بها زي ما قلت ..



شكرآ
على هالمرور الطيب ..

تحيتي لك..

عبدالله الجعيثن

الله يجزاااك خير و يعافيك و يكثر من امثالك ..
دائــمــا تحــب الخــير للنــاس ..^_^
و كذلك إنت دائمــا شــاطــح
دائما تغرد خارج السرب ^_^

تحيتي لك ..

هههههههههههههههههههههههههههههههههههههههه هههههههههههههههههه
"اوب" شريرهـ:frown:
بآركـ الله فيكـ
والله أحرآآآآآآآآآج موقفكـ بس أنتي زينه :frown:
الحين بالله فهمتي شئ من كلآم جعيثن ؟؟ ههههههههههههههههههههههه
هذآ كل اللي عنده تسوي علبآ
ههههههههههههههههههههه
وحلتيته ومرهـ وشسمه :) ....و شسمه :) هههههههههه

اقتباس:

---

و هن يقعدن يمدحن بي و بتواضعي وانني توطيت العجوز و و و و >>>اويحي لو يدرن بس انني بغيت ارمي امي بسبته

---

والله انا اعجبت بجهآدكـ
عسى ان تكرهو شيءا وهو خيرن لكم < امش يالحكم ههههههه ماسكه معآي تثقيف اليوم :)
ماقد شفت رفحآ :frown:
قصه مررررررررره فلآآويه شرهه
مبدعه باسلوبكـ
ميرسي قلبو

ابو ناصر ...
هههه قلت ياربي لا تعاقبنا ..

شكرآ على هذا الإطراء ..^_^

تحيتي لك وشكرآ على هالمرور الطيب

خزيم هههههههه ..
ماقد جيتي رفحا !!>>>اجل انصحتس لا تجينه ^_^..

ايه فهمتوه و دايم اسمعه واسمع هرجن اهول منوه >>من ربعنا ^_^..

افف لو اجيبتس عند أمي ومرت عمي يا منهن تعلعلن مع بعض ..تسان صددز ما تفهمين
ولا تدرين وين ربي حاطتس ..

‏_‏
ههههههههههههه وانتي صادقه .. كسبت هالمدايح وانا جالسه بمحلي >>رميتن من غير رامي على قولتهم ^_^
‏_‏
شكرآ على هالمرور الطيب

تحيتي لك ..

شرهه

انا لو مكانتس تسان يوم شفت الدعوه خربت


اقوم وامسك رجلين العجوز واسحبه بنص الصالة واطى رقبته خخخخخخخخخ


بس عفيه عليتس هالتواضع


تري مكاسي شرهه

هههههههههههههههه

بس ياوخيتي ياشرهة امي سألت صديقته ام سويلم تقول ماهنا احد توطأ رجولي

وتقول به بنيت من الضيوف قالت له امه وعية تقول ماعاد باقي الاهي

خخخخخخخخخخخخخخخخخخخ

مدري هذا كلام ام سويلم وبعدين تقول ياشين بنات هالجيل شينات نفوس هع هع

/

يمكن ام سويلم نايمة يوم توطين رجليه

خخخخخخخخخخخخخخخخخخخخخ

الوكاد ضحكتناني بموضوعتس ..

وعساتس دوم تسيريرن وتجيبين لنا مثل هالسوالف هههههههههههه

واما الكتابات بكل مكان خخخخخخخخخخخخخ

اللهم لاحسد خلصت الدفاتر من المملكة خخخخخخخخخخخخخ

ودمتي بود ياوخيتي

جثري

والله انني بغيت اخذ بها دوره على المجلس .. >>بس أنفضخ قلبي من أمي ..
والله انها لا تفرشني بالأرض وتقعد علي

تحيتي لك وشكرآ لمرورك الطيب

مطيروووه وجع

هههههههههههههه

يعني ما فيه الا ام سويلم وحده برفحا؟ >يمكن نص حريم رفحا امهات سويلم
‏
يمكن ام سويلمنا غير ام سويلمكم صقيقة امك^_^

تحيتي لك و شاكره لك مروووورك
الطيب

اقتباس:

---

الا طلعن طويرات الذوبه اللي متكوماتن حول النجفه

---

شرهه

.

او راجع لك


ابي الشبث وينه

شنقل وينه ماشنقله هذي شريهه


تعالي الى انتي بسالك وين عااايشه <<<<<<مره وحده مهاوش


الي يسمعك يقول باوروبا ترا كلنا عيال.....!

والله ياواحد يحسي على رفحااااء ادمره <<<<<<اخس يا بل قيس<<<<<يارجال وش بل قيسه

اف


قصدي والله اوباما:)

شرهه والله مت من الضحك الله يرج بنت اخوووووووووك المسعوره :)

قالت ايش قالت ورد هههههههههههههههههههههههههههههههه


والله ان يلزمك صعوووووووط


اقول شكلك انتي بك فج براسك به واحدن بحااايل يعمله لك<<<<<<<يشمت هههه


تحياتي لكم


والحق يركب على شنقل ورفيقه الشبث ليه ماشابطوه

نايف تومي و الا تأشر ^_^..



خلك واقعي يا عزيزي ..
من زينها رفحا

انا صادقه ^_^


نايفوه تر معي لي ارطاتن ماتشوف اقصاه من كبره و يدي تحكن مشتهيتن اصن لي احدن مع علباوه
‏>لا تخليني اصنك ..


وانا اخت فهيد صعوط هاه

لا لا الارطاة حاصله حاصله ..

‏_اطلعلي عند مفرق رفحا ..
وانا اوريك شغلك ^_^


تحيتي لك و شاكره لك مرووورك ..

هههههههههههههه

لا والله ياحيي ماحزرتي

والله عيال رفحااااء طوال يديهم ماهي بقصيره

سوااء كان

كرم,<<<<<<<<<<<<والله ولا حاتم هههههههههههههههههههههههه

نظافه,,<<<<<<<<<<<والله ولا كلفورنيا ول ول هههههههههههههههههههه

لباقه<<<<<<<<<<شعندهم عيال تاكساس:)

حريه<<<<<<<<<<<ولا هولندااا خخخخخخخخخخخخخخخخ

متعه,<<<<<<<<<<<<<<< ai dont noooooo

اسواق<<<<<<<<<<<<< ولا البحرين هههههههه

نسواننا عن مليون رجال من .....07


الوكاااااد خلك من هالسوالف

انا مركب الحق على هالمشرف والله لو امسكه لا اوريه نجوم القوايل


اقول ياشرهه ممكن تعطيني ارطاتك <<<<<<<يبي يصلب على الشبث


ههههههههههههه

تحياتي وتقديري:)

نايفوه من نظف عيال كاليفورنيا والله ان عوال رفحا انظف ..
بس هذولاك يتدهنون و منا زين جلودهم
وانتم >>> اعوذ بالله يد الرفحاوي ماتفرق بينها و بين ظهر الضب ^_^ ..

انا ما سبيت عيالها ولا أهلها يا تنكه>>انا سبيتها هي نفسها ^_^..>كيفي هع

بعدين وش دخل المشرفين بالسالفه انت و وجهك اللي كنه وجه بس
‏^‏_^


‏ و نعم برفحا و اهلها >>قمطت ^_^

تحيتي لك و شاكره لك مرورك