و أي شاعرتن انتي يا شرهه؟؟

‎ ‎‏ الســـــلام عليكـــــم .....


أما بعد

اخواني اخواتي ..



ود عوينتي أصير شاعره .. بس مااااااش .. عجزززت ..
دايم أحاول بس جميع محاولتي مصيرها الفشل الذريع..^_^..


ياحبني بس للشعر أحبه حيل جدآ جدآ .....

فقلت ابجرب حظي بالشعر و ابدخل هالعالم وابقتحمه اقتحامن أغبر


و هذي محاوله شعريه وابشاوركم به اذا هي حلوه وانا ابنهج للجاده وابنزله هناك ...




((يالطفش انت وش تبي فيني

ليه ما تقلب وجهك وتروح ..

انقلع عني ترك غثيتن

و لا تعود له و ترجع تسمع ؟؟))


و سلامتكم .....


هااااااااه وش قلتوا تنفع والا لا ؟
‏


تنبيه > لا تحطموني و تقرطوني بالطماط ..
بلييييز ..
>>عشان تخبرون حنا يا الشاعورات احساسنا مرهف ..
وأخاف يجيني انهيار عصبي والا انحباط .. ؟

_عاد انا اختبرت عند الأخ صلفيق(امتحان هل تعاني من الانحباط )و طلعت نتيجتي ناجحه و سليمه بس ان نتيجتي مقبول يعني
على طريف ..!<<<<<<< حول الدعوا ^_^

‏_ لا تشرهون علي ياجماعه تروني رابطتن راسي بلي خب وأكنح من هالشاهي و به ليمون ..>>مزكمه وعلي قل صح ..

تحيتي لكم ...




.‎ ‎

^
^
^

الكصيدة من اجمل ما سمعت من اسبوع

لاني ما سمعت ولا كصيدة .

واشوف انها مليئة بالرمزية استطاعت الشاعرة ان تنقلنا الى اجواء

ما عمرنا رحنا لها من قبل ومجانا وكنا على الفيرست كلاص .

وفالك البيرق واذا سمحتي يا ليت تسمعينا موال

صراحه الشباب الزكرتية اللي جالسين ورى يقول اطلبها موال

يعني حتيى لو تقولين موال على دلعونه على دلعونه

واتركك لبدر صفوق يحلل الباقي .. يمكن البيت رقم 16 اللي بالزاوية عند الاشارة

يحتاج الى ترميم

وسلامتكم

بعد أخذ راي اللجنة ...


توصي اللجنة الاخت الشاعرة ... بممارسة هواية رمي الجلة ... :)


خلو الشعر لأهله .. <<<< اكسر :)

اقتباس:

---

المشاركة الأصلية كتبت بواسطة شرهــه

‎

ود عوينتي أصير شاعره .. بس مااااااش .. عجزززت ..
دايم أحاول بس جميع محاولتي مصيرها الفشل الذريع..^_^..
‎

---

بصراحة البيتين السابقين
احس انهم عن قصيدة
وخاصة القافية

انظر الى قافية البيت
فقد وفقت الشاعرة الى اختيار عوينات
..^_^..

لتؤكد الحالة النفسية للشاعرة

اهنئ على هذا النص
وانت خير من يمثل الشرهات بهذا المضايف


وننتظر راي الجمهور

دمت بخير

[poem=font=",6,orange,bold,normal" bkcolor="black" bkimage="" border="double,4," type=2 line=0 align=center use=ex num="0,black""] ود عوينتي أصير شاعره=بس مااااااش .. عجزززت اطيع
دايم أحاول بس جميع محاولتي=مصيرها الفشل الذريع[/poem]

ابيات بمنتهى الروعه والاحساس 00

لاسيما انها تبدى بأسلوب التمني بقولك ود عوينتي وهذا رهيب 0

او ماهي هذي ابياتك؟؟ يعني صار الوزن بالشرح اقوى من وزن القصيده؟؟؟

هذي ايضا قمة الروعه000 تسلمين ياشاعرتنا الغاليه

اقتباس:

---

المشاركة الأصلية كتبت بواسطة شرهــه

‎
_عاد انا اختبرت عند الأخ صلفيق(امتحان هل تعاني من الانحباط )و طلعت نتيجتي ناجحه و سليمه بس ان نتيجتي مقبول يعني على طريف ..!<<<<<<< حول الدعوا ^_^

‏_ لا تشرهون علي ياجماعه تروني رابطتن راسي بلي خب وأكنح من هالشاهي و به ليمون ..>>مزكمه وعلي قل صح ..

.‎ ‎

---

شرهه !!
والله اني زعلان عليك - وماكنت ابي أرد ، بس سمعت اسمي وجيت اشوف وش الطاري.
وين التمايم ياشـــــــــــــصــــــــــــ............ أقول والا بلاش !!!

اختبارك كنتي على طريف .. وان بتلتي على قصيدك ، وهذولا يهايلون بالجرف ، والله ان تلقين نفسك متدربيتن بالشعيب !!

أبلعي العافية- وخلي الشعر لهلوه ، لاتجيتس بتول والا نوره ، يجرجرنتس بشوشتتس ماتلقين من يفزع لك. لايوهقك ابن غسلان!!

اكنحي من شاهيتس .. الله مايطق بعصا _ _ هذا اللي عمل ربي باللي مايتمم .
ويقولون.. (من فات قديمه تاه) ، (من خلى عادتوه قلت سعادتوه)


تشاو.........

كثري من أكل التوت وكثري من شرب موية مقري عليها محطوطن به كحل وخلاص ابشري :)



يومين الا انتي منزلتن لك معلقه تبتسي الوغد ههههههه






ايه الله كريم تبي تصيرين شاعره <_ يحط بجنبتس قوطي برندا فراولة يعني جو الشعراء لازم تصير براطمه حمر ولا مايقصد :)






لي نكسة مع كم معلقة :)

والله خووووووووووش قصيدة

أجل الابداع هذا ماجاك يا شرهه الا من شرب الشاهي بالليمون وقل الصح اللي عليك
خخخخخخخخخخخخخخخخخخخخخخخ

تقبلي مودتي/أختك فوووز

سرهة
أهسن شي
أنتا يسوي هواية

مال قسل صحون
كنس بيت
قسيل ملابس
ترا فيه هواية كتير
شئر مال أنتا
سيم سيم كالد مريكي
كلوه قرقر
واجد
( مئليش ألى التهطيم )

اقتباس:

---

((يالطفش انت وش تبي فيني

ليه ما تقلب وجهك وتروح ..

انقلع عني ترك غثيتن

و لا تعود له و ترجع تسمع ؟؟))

---

عليك بيت ما ادري وش يحس فيه ههههههههههههههههههههههههههه

بس تدرين دائمك مزكمه

عقبال الصحه و العافيه

راجاء خاص اوقفي محاولتك فينا لي كافينا

شامان اررخت العيال .>>>ايه هذولا الناس اللي تقدر الشعر والشعراء .. سنايدي والله

شكرا شكرا شكرا شكرا يا عين أبوي .. جبرت بخاطري .. أخيرآ لقيت أحد يقدر هالفن .. أخيرآ ..

عادي يا جماعه عادي هذا بحر أنا اخترعته للشعر و إسمه خيطي بيطي ..

تحيتي لك ..

^
^
^


تعلموا يا جماعه ان تدعموا

المواااهب الشابه

يا شباب وشبابابات الفله

اللي عنده رواية او كصيدة وحاب يسمع

نقد بنااااااء يراسلني على الخاص

من الساعه 5 إلى 9 مساء

وسلامتكم :)

منصور الغايب
هههههههه العب بالجله هااااه ...
طيب ما قلتلي وش العب بهن بالضبط زقطه والا قرطه ؟؟؟
‏_‏
شاكره لك مرورك ..
بس اسمحلي اقول لك ذوقك فاشل >>دام معلقتي ما اعجبتك ^_^ ...

تحيتي لك ..

ابو فارس . يارهيب يارايق ... إنت كذا ...

شف شف حتى حتسيي قصيد >>>اويحي وانا حاقرتن روحي كل هالسنين ههههههههههه ..
‏

تحيتي لك ..

فواز الغسلان ...
ميرسي ميرسي وانشهد انك ابو الذوق >>يا ناس تعلموا تنتقون وتذوقون القصايد .. ^_^


بالله بالله يا راوينا الكريم .. اذا طلعت شريط جديد >>حط قصيدتي بوووه ...خخخخخخخخخخخخ ..

_. مرورك اسعدني
تحيتي لك ..

وينك عن شاعر المليون هههههههههههههه

<<<يحك جرجوره<<<

ولك أنا أكول لك كوني معلمه أحسن لك من الشعر هاضا



واستلمي سلامي

صلفيق ايها العتيق ..

ههههههه .. أفا زعلان مني ..>خلاص والله والله أتوب =_= ..
‏_بعدين من قال لك انني ما راح اتمم ؟؟>>أنا بنتن اتبع السنه ابيها يا بالسابع او الرابع طعش أو الواحد والعشرين..
وانت أول المعزومين >والدعوه عامه ..¤_¤>اقرب مخرج
‏_‏

بعدين إنت رجل تقتل المواهب انت رجل تكره الإبداع والمبدعات .. ليه التحطيم ليه
‏^‏^_تهي تهي >فيس يجعر


لين يلوي هالشعر دام به عمشي و مطاقق ..

بعدين بتول العلي و خوياته كلهن غيرانات من نجاحي >ياويلي من حركات الحريم
هههههه

خلاص يا دختوري النفسي ابعتزل الشعر بس علشان صحتي >>> وجماهيري أكيد يبون يقدرون ظروفي و يسمحون لي اعتزل ^_^>>مهايط الشعرا



تحيتي لك

هههههههههه
يوسف يالون زولك بدون نجمات .. ^_^

‏_‏
ههههههه آكل توت و مويه مقري عليها ..> >الا ما تبيني بعد اتدهن قبل لأنام بزيت زيتون ؟؟ عشان تضبط المعلقه صح

البرندا بالفراوله صار جو شعرا ..ههههههههههههه>>انت وش عرفك بجونا يا التنكه .. ؟^_^
_اناعن نفسي شيطان شعري يحب الفسفس و يحب الإندومي
و ما يجيني الإلهام ولا تتقرح قريحتي الا يا كليتهن ..^_^

تحياتي لجميع الشعراء والشاعرات

فوز هاهاهاهاي
يا هلا بها الطله ..
‏
انتي كذا ... تقدرين احساس الشاعرات المرهف .. ^_^

يسلموووو فوووزتنا ع المرور
تحيتي لتس

راجو ههههه انت خلك في شطتك وحبحرك ..
وش معرفك للشعر يا تنكه ..

قسيل سحون و تنظيف هدا كله في شغل حرمه مال انتا يجي ئندي .. و تشتقل و هي همار ..^_^

بعدين انتا مافي كويس مك انتا كربان ..
ما يعرف شي

راجو السناعيس .. مع تحياتي

شقردي >صح لسانك و ما عليك زود>> ابصير زي دارين حقت شاعر المليون اللي فات ..>>مجنبه الشعر بشنق و هي بشنق مدري وش يبون به حاطينه >>> بها الجمعه استلمت المريه..

هههههههه فشلتن

عموما الله يجزاك خير

وشوكرن على المرور .. تحيتي لك

الاستاذ العملاق شامان والناقد العربي الشهير
استفسار>> ليه من خمس لتسع طيب مافيه فتره ثانيه ...؟ ^_^..
عشان انا مشغوله بها الحزه ..¤_¤

يا ويسي ياحليلي .. ¤_¤

تحيتي لك

القناص موجوده بس عندي لي ناسن ارا ياربي سترك ..>> كل شي عيب ولايصلح
_ياليتني جهنيه عشان اقوى اشارك و ماحد يعيي علي^_^

تحيتي لك

سناعيسو وانا اقول لك إنت وشماغك اللي طولك >تغط به أزين لك و خله شرشف .. >انت وسيقانك >> يارووووحي ياعيال سناعيسو

‏_ وجهة نظر و احترمها..



تحيتي لك

هههههههههه

قصيده فاشله

لو اخلي وليدي ناصر يكتب كان كتب احسن منتس

>>قمت التحطيم

والا اقول

دمتي بخير

^
^
^
يقولون مولود بنفس الجحر اللي ولد بوه عنتر :)

اقتباس:

---

البرندا بالفراوله صار جو شعرا ..ههههههههههههه>>انت وش عرفك بجونا يا التنكه .. ؟^_^

---

والله يالشاعره من كثر مااشوف صور الشعراء اللي برطماتهم حمر قصدي بريتماته هههههههههههههههه


ودي اسدح صور مقارنة بس خليهن بعدين :)

وليدك ناصر هااااه ..

هذا دليل على إنك غير متذوق للفن وان تفكيرك غير معاصر

قال ايش قال ناصر يكتب احلا منه ..
يا اعداء الشهره والنجاح

و الا اقول دمت بخير ^_^

يوسف .....
هيهههههههه ايه هين ماعمري شاعر براتمه حمر .. الا سودن يخرعن و هذا من شفط التتن ..يشفطونه شفطن أغبر ..>>من زود احساسهم ب التيه والغربه ..
اغلب الشعراء هيك الا من رحم ربي ^_^
‏_‏

اقتباس:

---

المشاركة الأصلية كتبت بواسطة شرهــه

وليدك ناصر هااااه ..

هذا دليل على إنك غير متذوق للفن وان تفكيرك غير معاصر

قال ايش قال ناصر يكتب احلا منه ..
يا اعداء الشهره والنجاح

و الا اقول دمت بخير ^_^

---

ايه يكتب بالاسباني والكشميري

ولا ننسى العربيه بنوعيها العامي والفصيح

وكذالك >>اقول لا يكثر اخلص البنت جته شاهوقه

ايه خلاص انا متذوق للشعر

بس مثل ما قال عشيري وعزيزي يوسف

خلتس مثل هالشعار اللي ما تدري وش يقول

وانتي احسن منهم

مهم احسن منتس >>غيرت رايك

بس هذا الواقع

دمتي بخير وعافيه >>مهو الزيت

حمود الناصر ..
ههههههه وش هالولد ما شاء الله ؟؟؟


طيب يا ابو النابغه

هذا ما يخلي ولدك يكتب احسن مني
اناشاعره مبدعه .>> انا ابتكرت بحر جديد للشعر.. مجدده بالشعر بمنزلة المتنبي بالفصيح و محمد بن لعبون بالنبطي
و بوشكين عند الروس .. ^_^

تحيتي لك

اقول لايهمتس ياشرهه عجنيهن والله معتس

انقلع عني ترك غثيتن *** لاتعودله وترجع تسمع؟؟


قمة الشاعريه فيه وصف للزمان والمكان والسماء والارض والمراح اللي مابوه احد والحميض والتسما والحاضره والباديه والله مبدعه ياشرهه


تري مكاسي

عيده خذتله مليونين وهي من جنب القده مهو انتي عاد يالشاعره الداهيه

أميييييير يالجثري انشهد انك أمييييير ..


علم الناصر هذا دبل تسبدي >>يقول ولدي يكتب احلى منه ..!

ناس ما تقدر الشعر والشعراء ...

الجثري كلك نظر ..

تحيتي لك ..