مرحبا للجميع وبالجميع
حصلت وجرت ودارت واستقرت من بين هالناس هذي كلها بالسوق
جتني طفله صغيرة وانا مع العائلة والحرم المصون ومسكت ثوبي وتقولي ( بابا ) shlwee7
وانا احسب واحد من عيالي ماسك ثوبي ،، وتبكي واطالع والا هالوجه الملائكي الصغير
يا حليلها ،، انا على نياتي شلتها قلت اكيد ابوها قريب والا ( سكتت البنت ) شكلها
ألفتــني ( لكن انا مو بابا حقها ) انا بابا حق اللي تحتي واقفين ويخزون .
حسيت ان فيه ساعه صمت سادة الموقع ( السوق ) وانا اتذكر المداااام وانا شايل البنت وساكته
وانا ألتفت يا الربع يم المدام طرى علي بيت مدري شلون ركب :
تطالعني والشرر في عينيهااااا .... سوالفها القديمة علمتني
علمتني ان الموت قادم قادم لا محالة في هالمواقف يكرم المرْ او يهااااان
حاولت اتذكر من الامثال ما طرى على اكااللحظة الا مثل واحد :
العمر يا شـامـان .
وانا انزل البنت واتبوسم بخفة لعل وعسى اتدارك ما انا عليه
عيالي كل واحد فاتح حلقوووه واحد فيهم ملقوف احسه فاهم بس مطنش
يقول بابا هـذي اختنا متى جبتوهااا :solh:
اي يا عبودي الشرير طاح الفاس بالراس ( عزااااه وين فواز في هالمواقف يفك اللزوم )
وفجأه وتأتي من بعيد اكالمنقبه وتاخذ البنت ،، يعني ابوها ما كان بالسوق ( اكملت )
الاكيد من عقب هالسالفة وانا ابد الساعه 9 ونص محضر بالبيت
ما تشوفوني غايب لي فتره ... الحمد الله خذيت شهادة حسن سير وسلوك
وتم تحرير وثاقي .
ملاحظة / عبودي الشرير ما ينعطا وجه وحرمته من المصروف شهر
لكن فواز البطه قلبه طيب قاعد يموله بكل شي ، اشياء اول مره اشوفها تدخل البيت
وكل ما قلت له من له، يقول عازم ربعي وما عمري شفت هالربع اللي يقول .
نقظة نظام :
لا رحت لسوق حاول تتلثم وتغير مشيتك مدري يمكن تطلعلك حرمه تقول يا ابو عيالي shlwee7
وتقبلوا فائض شخابيطي بفارغ الصبر والكتمااان
