للطيبين حق

بسم الله الرحمن الرحيم

السلام عليكم ورحمة الله وبركاته والصلاة والسلام على افضل الخلق وبعد:

هذه قصه اعجبتني سمعتها من شيباننا اللي هم راس المال والله يحفظهم

ويسلمهم جميع .
===========================================

تقول القصه :

في الباديه وفي الصحراء تكون هناك منافسات شريفه بين فريّسها وكلن يبيّن

فعله والناس ترويه وتمدحه او تسبه على حسب تصرف الفارس .

يقال انشخصا يدعى مطني العليم فارس صنديد من قبيلة شمر كان يسمع

عن شخص يقال له خليف المستحي وهو فارس لا يشق له غبار وشاعر وعلمه

واصل للبنااات( هنا مربط الفرس) ولا يفرق عن مطني بالعلم عند البنات.

الوكاد يقول الراوي (وعلى ذمته نكتب):

ان مطني العليم كان في هيّه (غزوه) مع مجموعه من قبيلة شمر وليست

بالكثيره على قبيلة عنزه , وكان يسمع ان خليف المستحي معه في نفس

الجيش وكان وده (انت يا مطني:) )يشوف فعل خليف المستحي وهل هو

فارس يستحق كل هالعلم وخصوصا عند البنات .
r
الوكـــاد ما عليكم بطويله , كان هالجيش هذا متجه لقبيلة عنزه , وهم في

الطريق الا وجيش كبير امامهم وناصيهم ومن المفاجأه هو جيش عنزه , يبون

شمر , ايــــــــــــه هاللحين شمر شافت ان العدد اكبر وانكسار جيش عنزه

صعب على يديهم , فاتفقوا انهم ينهزمون امام جيش عنزه ( طبعا من خلقة

الدنيا غالب ومغلوب) . هاللحين شمر منكسرين وعنزه تطردهم وكان وقتهم

الصبح وعنزه وراهم , من الصبح ليا ما بغت تغيب الشمس وشمر طبعا تعابا

,يقولون الطيب بهم اللي يوجه بندقوه يمهم ويرمي لو ساوي من كثر التعب ,

طبعا شمر كانو داقينه حويزيه (متلطمين) مايبون يعرفون ان فلان انكسر

تعتبر فشيله .

خوينا مطني العليم ما يعرف خليف المستحي ( طبعا خليف متطلم بعد)

ومطني العليم وده يشوف فعله . وهم منكسرين وعنزه وراهم ويسمعونهم

قام مطني العليم ونب (صوت) بعالي الصوت يااااااا خليف المستحي

عرف خليف المستحي ان اللي صوّت له يبي يفضحه فرد خليف :

وش تبي الله لا يفضي لك

مطني: تدري عشيقتك وش تقــــــــــول

رد خليف وهو تأكد ان الشخص هذا يبي يشوف فعله قال وش تقول

قال مطني العليم

[poet font="Simplified Arabic,14,black,normal,normal" bkcolor="black" bkimage="http://shammar.net/vb//backgrounds/4.gif" border="double,4,gray" type=0 line=200% align=center use=sp char="" num="0,black"]
ياناس وش حيلتي بخليف= المستحي وش اسوي به
ارضي محل وارض خلي ريف= وسروح قلبي تفلي به
هنيت لا واهني كهيف=اهنيكم به يا معازيبه
ودموع عيني حقوق الصيف=لولا العنا زاد وشلي به
[/poet]

رد خليف وقال : يا جيته تعلمه بفعلي

قال مطني:ارا اخو وضحاء والله لا اعلم حتى (الله يعزكم) اللي بالخلا

وخليف يجدع شماغه ويطبح عن فرسه وهو ياقف يرمي على عنزه لحاله

يوم شاف مطني فعله طبّح عن فرسه وقام يرمي معه وهو يطبح اللي

معهم وقاموا يرمون على عنزه ,انبهرت عنزت من هالفعل وانكسروا .

قالوا هذا مراحنا الليله يوم شبوا نارهم الا هذيـــــك نار عنزه ماهي بعيده

عنهم شابين نارهم . وكل شوي واحد من عنزه يجي ويسلم له منيع (اسير)

من شمر وعلى هالمنوال حتى جاء واحد من عنزه يدعي بصوت عالي

يامطني العليم يا طني العليم

راح لوه مطني وسألوه العنزي وقال اسألك بالله منهو اللي قصد ومنهو اللي

حوّل عن فرسه

قال مطني اللي قصد والله انا اما اللي طبح والله خليف المستحي

قال العنزي هذولي مشطّين (بندق) وهن هديه مني واحد لك والثاني لخليف

(طبعا المشط اول له قيمته عند البدو )

واستفسر مطني عن سبب الهديه وقال العنزي

انتم طيبين وانا لكل طيّب لوه علي حق وهذا حقّكم.

طبعا يدل على طيب العنزي واخذ مطني مشط واعطى خليف مشط

اتمنى ان هالقصه حازت على رضاكم واتمنى اني ا اطلت عليكم بتعابيري

البسيطه واسمحو لي من القصور

والسلااااام عليكم ورحمة الله وبركاته

السلام عليكم اخوي الاشعل................
قصه ممتازه عزالله عوايدهم هلا الردات ايه عطنا من هالعلوم الطيبه وفعايل فريسنا
اللي دايم تقود الوجه وما قصرت يا الاشعل

اخوك المتابع فزاع.............................

سلمت على النقل الحلووو ..اخوي الاشعل

وننتظر المزيد منك ,

لك خااااالص تحياتي

[poet font="Simplified Arabic,14,black,normal,normal" bkcolor="" bkimage="http://www.shammar.net/vb//backgrounds/47.gif" border="double,4,gray" type=0 line=200% align=center use=sp char="" num="0,black"]

اخي الغالي

الاشعل

مشاركه رائعه جدا

لاعدمناك يابعد حيي

ولاتحرمنا من غيرها

رحم الله اهل النقا والطيب والحميا

ولاهو غريب الفعل الطيب لاعلى شمر ولاعنزه

ولاعلى الحايل الطيبه

سجل اعجابي بمشاركتك

تقبل تحيات اخوك الصغير

الراسي
[/poet]

الاخ العزيز

الاشعل

اشعلت بنور تواجدك المضيف

بهذه القصة الرائعة

وهذه العادات الطيبة التى نحرص كل الحرص

على الاستفادة منها في هذا الزمن



اخوكم الحربي

الاخ الغالي

الاشعل

تسلم والله على هالمشاركة الطيبة

ولاتحرمنا من جديدك

الله

الله

الله

شكرا لك اخوي الاشعل على ايرادك القصه والقصيده الي ما عمري سمعتهن..

والي تبين خصله من خصائل شمر وفريسهم.......

وسلمت يمينك.....
ولا هنت.....

وحقيقه موضوع يستاهل التثبيت...

الاخ فزاع

تسلم على الرد وعلى تشجيعك وابشر بالخير واشكر متابعتك.

البندري فراشة المضايف

اشكر ردك ومن قال سالم وان شاء الله نقدر نجيب المزيد

اهليـــــــــــــــن بالاخ الغالي / بشير اللويش

اشكرك على ردك واعجابك بمشاركتي وان شاء الله اكون وفقت في طرحي

واتمنى ان حازة على رضاك واعجابك .

ومثل ما تفضلت الطيب ماهو مقصور لقبيله دون قبيله

واشكرك للتشجيع وان شاء الله المزيد بالطريق|510|

اهلا بأخونا الحربي

واشكرك على الرد والاطراء

وان شاء الله استفاد الجميع من هالقصه .

هلا والله براكان العياده

تسلم اخوي الغالي على الرد ومن قال سالم وغانم

وابشر بالجديد ان شاء الله.

هلا بالغالي طلال الصعفق الحافظ

اخوي الغالي تسلم على ردك الجميل وان شاء الله اكون وفقت في انتقاءي

لهذه القصه والا القصص واجده اللي فيها الاستفاده .

ومن قال سالم ولايهون .

وتسلم على التثبيت.

اخي iiالغالي


الاشعل


مشاركه رائعه iiجدا


لاعدمناك يابعد iiحيي


ولاتحرمنا من iiغيرها

هلا بأخوي الاصمعي

اشكرك على تعقيبك وابشر بالخير ان شاء الله

هلا وغلا اخوي الاشعل

اسف على التاخير في الرد

سلمت يمناك

قصه اكثر من رائعه من شخص اكثر من رائع واقول لك لقد وفقت في هذه القصه وتسلم ومنتظرين كل جديد تقبل تحياتي

والمهلي ما يولي

تسلم اخوي واستاذي الكبير خلف الرويتع على الرد ,

وابشر بالجديد ان شاء الله.

يعطيك العافيه

وحنا وعنزه أهل وحبايب

وننتظر المزيد فلا تحرمنا

الله يعافيتس

ومابه شك حنا وعنزه اقرب من القرايب

وابشري بالمزيد ان شاء الله

ماشاء الله عليك خوش سالفه
ونستنا الله يونسك بالعافيه
تسثر منهن يالبناخي[

[poet font="Simplified Arabic,14,black,normal,normal" bkcolor="" bkimage="http://www.shammar.net/vb//backgrounds/47.gif" border="double,4,gray" type=2 line=200% align=center use=ex char="" num="0,black"]


اخي الاشعل سلمه الله
تحيه طيبه وبعد :ـ
تسلم على المشاركه الاكثر من رائعه ..

[/poet]

اهلا بالاخ ميزان

تسلم اخوي على الرد والله يونسك بالعافيه

وابشر بالجديد ان الله اراد

اهلا وسهلا بالاخ سلمان النبهان

ومشكور على الرد,

وان شاء الله كنا عند حسن الظن .

قصه رائعه وامتعتنا بنقلها الينا

ارجو الاستمرار في العطاء وامتاعنا بقصص اخرى

ومشكور على القصه الرائعه

اخوك المحب لمضايف شمر والذي يتمنى ان تظهر بأفضل صوره وهي كذلك ان شاء

الله تعالى

الضـــاوي