^
^
مثل البرشامه اللي معاي كل ما لعبتها
نصيحتي لا تلعب بلوت مع الشيبان ، معركة مو لعب ورقة .
بالأمس كانت مأساة حضرها واحد من رواد المضايف ... وعينك ما تشوف النور
احس اني كنت العب داخل ثكنة عسكرية ومعلنين حالة الطواريء القصوى .
وفي لحظة ترقب ( طبعا ما مرت علي هاللحظة لاني كله اسولف واكلم تلفون واكل حب )
يعني ماخذ راحتي .... طبعا حركات حريف يعني ثقة ولا همني
واذا دبلوا تسبدي كل شوي هم يشترون حكم اقول صن
استانس على خوي لا قال فن وطبعا على روسنا
خوي اللي معاي انهبل يقول انت بس باقي تقولي ( كم تضمن ) كسب يعني
لعبه من غير تفكير الورقة الكبيرة تاكل الصغيره ( احلى لعبة ) :)
بإمكانك تلعبها مع عيالك مع اخوانك الصغار مع المدام عادية
لكن بلوت لا يحوشك .... بالأمس تقدمنا بالنتيجة لكن للأسف لحقونا بالتعادل
بنهاية اللقاء ونااااافع يشهد ...
شعاري باللعب : اكل اللي عندك ولا تتفرنك على احد ولا حتى على خويك
اللي معجبني باللعبه المشاريع اللي فيها وبعدين الردود .. لا قلت صن قالوا فن :315r:
الأكيد بنهاية المطاف اني اعتزلت اللعب علشان اعطي فرصة للفرق الأخرى انها تلعب .
وأبشركم ان كل اللي موجودين انبهروا من مستواي في اللعب
وكلهن تجنبوا انهم يلعبون ضدي ومعاي ...........
وهذا شي ان دل فهو يدل على الاداء الرائع والراقي
في اللعب :) <---- هين
المهم اللي حاب يلاعبني ترى حاضر
ومن عيوني
ويعذروني البنات واللي ما يعرفون شنو يعني بلوت
شوفوا البرشامه اللي فوق وبعدين بحاول انزلها مع الشرح
وشكرا
