% البدو هم ودروبهم عذبوني %
شلوووونكم
بسنتن من السنون
سافرت مع الوالد لعمن لي بدوي
اي ساكن بالبر ببيت شعر وحركات
وصلنا عندوه وحيا ورحب كعادة اهل الباديه السابقين
ومر اليوم الاول وزرقت كم يوم معوه
وجاني الوالد قال باتسر ابمشي تسان تبي نرجع معي تولم
قلت ان شاء الله اني ابرجع معك
قال طيب بس ترنا اليوم معزومين على غدا عند فلان
وفلان هذا واحدن من الربع
قلت تم بس وين بيتوه
قال قريب حولنا
قلت تمين يلعن ابو هيك شغله
ونروح يموه
ونمشي
ونمشي
وبعد نمشي
ويالله ناصلوه
قلت يبه هذا اللي حولنا وقريب ومدري وشو
اثريكم يالبدو قريبكم بعيد
لاحووول
قال اعقل ترنا عند رجال لا اقوم اعجن واجهيتك عندهم
قلت طيب
ويوم تغدينا وخلصنا وانا اقوم اتمشى بالبران اللي حولهم
ومن حزم لحزمن مثيلوووه
وانا راجع ولا هالزول اللي يفقع الوجه
بنيتن يالربع تطيح الطير من الطياره
ويازين بنات البدو مستترات
الوكاد ان حسيت بزياده بنبضات الوروك
وحسيت بغثيات ( حشا مهو عشق راتسبن سفينه )
وبغيت اقع ( مالوه دخل بالععععععشق )
واروح ركض لابوي
واجلس بجنبوه
وانا اهمس بأذنوه ( احلى يا اهمس انت يابو خدود ورديه )
قلت يبه منهي هالبنت هذيييييييتس اللي تمشي
وهو يحط يدوه من ورا راسي ويقرص اذني كل قوتوه
ويقرب راسوه لي قال ياااااااااملعووووووون لا تفضحني
قلت يبه طيب فكككككك اذني لا افضححححححك صحيييييح
وهو يفك اذني ويحبن قال بنت راع البيت بس لا تجيب العيد
قلت طيب ابشر
وانا اسكت ليما ولينا يم عمي معزبنا
ويوم جاء من باااتسر وهو يقعدن ابوي قال يالله نبي نمشي
قلت انا ماني رايح ابقعد هنا ( ناوي على شي المروح )
قال بكيفك
وهو يتسهل بأمر الكريم
يوم جاء العصير وانا اطق الشماغ والعقال واروح يم بيت الرجال
( يالربع خبل ولا يفهم )
واتقهوى عندوه واعين من الله خير
قال ياشبيثان يالغالي باتسر ابي فزعتك
قلت العن وجهك ابشرررر لو تبي افلق ابوي
قال لااااا ياولدي
باتسر ابيك تعاونن على الغنم ابي اعزلهن
قلت ابشر
بس ياعم خلهم يحطون لي فراش هنا المحترمين
قال منهم ؟؟
قلت اهلك الله يخلينا لكم
قال وشوله الفراش ؟؟!!
قلت علشان انام واقعد بكل لياقتي ولا اهدر منه قيد انمله
قال يولدي تدل بيت عمك
قلت اي
قال تقلع يموه وباتسر عقب صلاة العصر تجيني
زين
قلت زين ولو تبي موبايلي وسوا معهن
واروح ركض لبيت عمي ( يعني شوفوني نشيط )
يوم جاء موعدنا
او قصدي قبلوه بساعه وانا محضرن عندوه
وعقب صلاة العصر ونحنا نروح لغنمهم ياعلهن يفطسن كلهن
وانا رابطن ثوبي واهذب ( اهذب = الهروله )
وتبداء عملية العزل
وحدووووه
اطرحووووه
يمييين
يساااار
ولا فيه خروفن مستنشط وشادن حيلوه
ونحاول نوديه يسار وهو ملعون الرقبه الا يمين
يبي مع الرغايث
يا مومن هناااااااااا
ويعيي
يالربع وانا اسمع البنيه تقول لاخته تشوفين هاللي دبل تسبودنا
( تقصد الخرووووووووف مهو انا )
قلت بقلبي والله للعن شكلوه
وانا اشغل البخاخاات وادعس وراوه
وهو يدوووس
وانا ادعععععس
وهي تثور غبرتنا
والشويب لوه صياح يميييييييييييين
يساااااااااااااااااااار
ياعلك ما تلفي يا شبيثااااااااااااان ( وش دخلن يالهيس )
واحدوه لحالوه عن الغنم
صارت المسأله هالحين خروج مغلووووب
يعني يا لي يا علي
وادعس ورا الخروف
والحقوه ومن كثر الحماس تعديتوه
ولا فيه فايده
وتغيب الشمس
وانا لي نهيت
عاد يوم قفلت معي وصارت المسأله اثبات الذات
وانا اخذ رضمه والحقوه
يوم صرت بجنبوه وانا اصفقوه بالدماغ وهو يطيح
وانا انبطح فوقوه واعض اذنوه من القهر
ويالله يفكوه الشايب مني
بس الظاهر صفقتي لوه قويه واثرت على مخوه
وصار الخروف خبيل
يقولون انوه يحسب نفسوه عنز استدار راسوه من صفقت هالوليده
الوكاد ان ابو البنت هربن عقبه
ورجعت لاهلي وبينن وجه اللي لاعبتن بوه الهبايب
واسف على الاطاله
وتقلدوا تحيتي
