الفخ الذي نصبه فجحان الفراوي للامير غزالان
المساجله الشعريه التي جرت بين الاميرين محمد بن عبدالله الرشيد ومحمد بن سعود (غزالان)
قبل المواجهه التي دارت بينهما فيها حدث جانبي لكنه لطيف جدا 0
وهو انه ولكون محمد العبدالله الرشيد ليس
شاعرا كما تعلمون فقد امر فجحان الفراوي من المريخات من
مطير ان ينظم قصيده على لسانه يحذر بها محمد بن سعود عندما
قرر ابن رشيد غزوه فقال فجحان:
[poem=font=",6,orange,bold,normal" bkcolor="black" bkimage="" border="double,4,black" type=2 line=0 align=center use=ex num="0,black""] ياراكـب هجنـن كبـار المثانـي=بين الحجر ومحقبه يـوم يرعـن
بنـات حـر ضربوهـن عمانـي=وجن البكار وصوفهن مثلهن هـن
مستردفيـن فوقهـن شيشخانـي=من قصر حايل فجر الاصباح مدن
ومكلفـات مـن جميـع الاوانـي=كل الكلايـف فوقهـن مايخطـرن
وركابهن من عندنا غـب ثانـي=بديار دسمين الشـوارب يعشـن
شيوخ القبائل يوم ماض الزماني=لما غدا ببخوتهم هن وابـن هـن
تلفي محمد شوق جـال الثمانـي=ولد السعود وخالط الزين في فـن
دنياك هـاذي ماتجـي بالتمانـي=كان انكسر مخباطها والسعد كـن
شوري على كل الرجال الذهانـي=وترى القلـوب الطيبـه مايغّـون
ومني عـدد مابالخفـا والبيانـي=وترى النصايح يافتى الجود يشرّن
حنا الضياغم واصلنـا بقحطانـي=وانـتـم بـنـي وايل سباع بـلا مـن
اطعت شـور مريشيـن الاذانـي=وان جوك بيضان الغتر كنهم جن
ينطحك ابو ماجد ليا جيت عانـي=كان اقبلن عوج المراكيض واقفن
كم مصعب خلوه جاء مرجعانـي=بصــيـارم بايـمــانهـم مـا يعـفـن
متسـلـحــيـن الماطلـي والردانـي=وشي مااعرف وصوفهن توهن جن
والزين ماينفع خطات الحصانـي=لياصردن مثل العـدن قفوهن كـن
هذا الكلام اللي ظهر من لسانـي=والامر لله والسبـب واردن مـن؟[/poem]
وهنا قال فجحان ان الزين ماينفع الحصان المزيون لان المهار اذا
صردن يعني اسرعن وطال بهن الطريق قال قفوهن كن يعني ان
المهره (الانثى) اذا طال الطريق تتقدم على الحصان المزيون الذكر
والسبب ان الحصان يحصره بوله الله يكرمكم ومايقدر يبول وهو
يجري لازم ياقف في حين الانثى تبول وهي تجري فلا تتضايق في جريها000
طبعا هذه القافيه كانت نادره الاستعمال ولم يكن احد يعلم ان لفجحان الفراوي مقصدا
مهما من ذلك 0 فقد سأله الامير ابن رشيد عن سبب استخدام هذه القافيه فقال فجحان:
اخترتها فقط لكي اقول:((والامر لله والسبـب واردن مـن؟))
وذلك اني اعلم ان غزالان في ريعان الشباب والنشوه وكبريائها واتوقع انه في جوابه
سيقول(( والسبب نفعله حن )) واذا قالها سوف ينعثر لانه زاد والزود يقطع البارود0
وفعلا عندما جاء رد غزالان كان كما توقعه فجحان الفراوي الفحل الكبير المحنك في الشعر
وصاحب الدهاء الكبير فقد قال محمد بن سعود يرد عليه:
[poem=font=",6,orange,bold,normal" bkcolor="black" bkimage="" border="double,4,black" type=2 line=0 align=center use=ex num="0,black""] بديت ذكر الله علـى كـل شانـي=الواحد المعـبـود بالرشد لـه فـن
وخـلاف ذا ياراكـبـيـن ٍسمـانـي=يشدن شياهين على الجول يهـون
قطم الفخـوذ مقــولمـات الأذانـي=شقر ٍولون أذيالهن لونهن هـن
بتر الفخوذ مـد خـلات الـثـفانـي=أكواعهن لازوارهن مـا ينوشـن
هجـن هجاهـيج ٍ خفـاف ٍ هجانـي=عوص ٍعلى هوز العصا ما يدانـن
أرقابهـن مثـل الجريـد الليانـي=يشدن لريــم ٍ بالسهل يوم ينحـن
إلى اعتليتوا فـوق حيـل ٍسمانـي=داروا على عيـراتكـم لا يخفـن
وإلى انتـحن مع فـج دو ٍ دنانـي=ترى الزمل مالاج بقلـوب أهلهـن
ترحـلــوا منـي حــلـول الاذآنـي=قبل الطيـور لرزقهـن لايطيـرن
مدوا إليا شفتوا سنا الصبح بانـي=من دار جدي ياسعد ويـن يمسـن
بأسفل شعيب سدير عند الشبانـي=قرم ٍ يرحب بالنضا حيـن يلفـن
وعند الفهيـد معـزب ٍ مرحبانـي=كل ٍ يقول بجيرتـي مـا يفوتـن
كل ٍ يجيب من الحطب بالمكانـي=وسوالف ٍ يطرب لها البال وان جن
تلقا رجـال ٍ يفهمـون المعانـي=مجالس ٍ يثنى بهـا رايـب البـن
سيروا لاخو نوره عريب المجاني=والـى لفـن ركابنـا لا يــردن
فلا يحسبني عن بطـاه متوانـي=لازم نـجـيـه بغيـر شـك ٍ ولاظـن
لو كان في برزان زيـن المبانـي=اجموعنـا وجموعكـم بيتـلاقـن
مثل صـلاة الشايـب المذرحانـي=اعرف ترى خمس الفرايض يصّلن
الناس مثل النـاس ما غــط بانـي=ومن قال أنا الطيب يعييه ابن من
والزين مايدقـم شبـاة السنانـي=والشين مايقصر يديـن ٍ يطولـن
اليا اجتمع زين وفعـل اليمانـي=جنة نعيم بالحشـى وان تلاقـن
والقاز يعبى للضـروس المتانـي=وإعرف ترى سن اللبن يقلعه سن
عليّ راس ٍ فيـه مثـل النوانـي=مثل البروق بليل غـدر ينوضـن
حتى أيش يا نقالـة الشيشخانـي=معنا فرنجي ٍ على البعـد يشفـن
إليا ركبنا فـوق بنـت الحصانـي=عيب ٍ عليّ إحرافهـا ليـن يقـفـن
اضرب بحد السيف والعمر فانـي=لين العـذارى ياسعـد لـي يعـذرن
ذا قول من لاهـو بولـدة هــدانـي=ولـــد شجـاع نادر بان لـه فــن
وهذا الجواب اللي ظهر من لساني=والامر لله والسبـب نفـعــلـه حـن[/poem]
وفعلا وقع غزالان بالفخ الذي نصبه فجحان الفراوي لان فجحان قال(الامر لله
والسبب واردن من ) يعني ماندري من هو له النصر وهو قال
(السبب نفعله حن) يعني مضمون لنا 0 فقال فجحان للامير ابن رشيد ابشر انه انعثر
فكانت سبب هزيمته وقتله بالمعركه رحمهم الله جميعا 0
الشاعر مفوز بن فرج بن مفتاح بن مزيد بن مقبل بن سعد الفاضل الغيثي الشمري
[align=center] بسم الله الرحمن الرحيم
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
اشكر الاخ العزيز فواز الغسلان على اجتهاده وتحريه الحقيقة فيما يرويه وأود أن أنبه على أنني لم اشترك في هذا المنتدى إلاّ لتصحيح التالي مع العلم انني لا أود التطرق لمثل هذه القصائد لأن الله قد أنعم علينا بحكم آل سعود وفقهم الله لما فيه صالح امة الاسلام وما سأذكره فقط لمحبي الحقيقة:
عندما نظم فجحان الفراوي المطيري قصيدته المشهورة على لسان ابن رشيد ورد عليها الشاعر الفارس محمد بن سعود الملقب بغزالان قال ابن رشيد من يرد على غزالان قال الحاضرين لديه ماله إلا اخو سعدى يقصدون مفوز بن فرج المفتاح وطلبه الامير وحضر وسمع قصيدة غزالان وقال للأمير امهلن للعصير يا أمير وأمهله وعلى الوعد جاء ومعه 80 بيت رد على غزالان منها:
بديت باسم الله بيوم التماني واظن قيلي من علومٍ تقدن
وابدا بذكر الله كثير الحساني الخيِّر اللي عطوته مابها من
ياراكبً من فوق حيل سماني ثمان مع ثمن بالاصل حفظن
ولا جلبن بالسوق عند المياني ولا مثلهن شرين ولا اقفن ولا جن
مثل القطا الكدري خفيف الاواني اسرع من المزن المروح اليا اقفن
ينشدن عن ديرة هلك والمكاني والله هو الواقي وهو مخلف الظن
شيوخٍ لنا لا خلا منهم مكاني اللي علينا محشمينٍ بلا من
ابو محمد دفنته للجناني اللي علومه طيباتٍ تعدن
اودع لكم مجالسٍ بالمكاني ونسوانكم عقب التكفن تمرن
سلطان نجد وكل حيٍ يعاني عن واهجه ظلٍ وعن ماطره كن
ومن ابيات القصيدة المشهورة لدى شيبان شمر وتنسب بالخطأ لغير مفوز قوله:
حنا نجيه ان كان هو ما يداني احكوا على رجليه بالزبر يلزن
قولك بنا زينٍ وطلق اليماني فك الغزال من الفهد يا تلاقن
اشركت وانت تخبرها مار كاني عسى علوم النذخ مثلك يهبن
والقصيدة طويلة وقد أكون اخطأت في بعض ابياتها ومن يسأل عنها يلقاه عند شيبان شمر الأولين لكن ماهذا دوره لهذا فقد نسبت بعض ابياتها لشعراء آخرين
والله أعلم .[/align]
