امثله كثير عند البدو والحضر عن الصديق واهميته
وكلنا ما نبي نترك صديقنا
ومثل ما يقال الخوي بالذمه
المهم
فيه واحدن عندي بالدوام يشتغل ميكايكي
ماعندي مشكله وشهو ولا وش جنسه ولا وش اصله
اهم شي انه صديقي وانا وهو نضحك خمس وعشرين ساعه
واطلق من اي واحد ثاني بالدوام
اسموه ( اني )
فلبيني الصديق
بس مهو مثل باقي الفلبينيين لا بشكل ولا بأسلوبه
عاد اليوم خذيت ذيبان ورحت انا وهو على ددسن الشركه
و وقفت عند بقاله
وقبل اخش البقاله صورت الحبيب صوره
هذي هي
ودخلت البقاله
يوم جيتوه ولا ابو الشباب لوه صياح
افااااا يا ذا العلم
ولا فيه ثلاث شباب سعوديين يستهبلوه عليه
وانا اجيهم انا وغترتي
قلت خير يالحبيب انت وياه
قالوا خير وش تبي
قلت ليه تستهبلون على هالمسكين
قال واحد منهم
هذا تبعك
قلت ايه تبعي
قال بالله ما تعطينا هالخلقه نبي نلعب عليه
قلت ليه لعبه هو
قال عاد انت وش حارقن رزك
قلت يالله انقلع انت وياه لا تخرب صحيح الحين ( متقوين بوه قايلن لي انوه يلعب كراتيه )
وهم يهجمون علي
وهي تخرب
وتغدي معركه
ويمسكوني ويسدحوني بالشارع
والخوي يتفرج ويقول يالله مدير قوم
قلت الله ياخذك على كيفي اقوم
يالله افزززع يا انييي
وهم يقومون يكوفروني بالشارع
وهم يجروني يبون يبطحوني بالشارع العام
وانا اقوم اتمسك بالزفلت باظافري
وانا اصيح للخوي
ياااااني وين الكراتييييييه
وهو يقوم يبتسي
وهم يجرررروني للشارع
واتمسك ببرميل زباله الله يعزكم ( ليتن ماتمسكت بوه )
هم يوم عرفوا اني متمسكن بالبرميل كل قوتي
وهم يرفعوني ويسقطوني بوه
ويتركوني
واسمع اصواتهم يطردون العشير
وانا منجضع واخذن راحتي يوم الله فكن من الشارع العام ( كلوه تريلات )
ويوم هداء الوضع وانا اويدز ولا مافيه احد ابد
وخويي راتسبن بوق الددسن يقول يالله مدير خلاص رووووح
وانا اطلع وحاطن غترتي على كتفي وماسكن عقالي بيدي ولا كأن شي صار
يوم جيتوه قلت هاه ذيبان وش صار لك
قال ان شاء الله هدا تلاته نفر مووووت
وتقلدوا تحيتي
